Rumi 15:19 - Biblía Axweesantá Hhohho' ar Mungú 2004

¹⁹ ar layaá /uuruú koomá' nee ar tlehhma'aá waa/oo/amo, nee ar /uuruú Qeeruú Mungú. Gawaá adoorihe aníng alki/ituú Ya/abtór hho' ar Kristo ugwa hhe'eés iimír Yerusalemúr wa tleemu, niri harweeriím ay dír yaamaá Iluriko.

Ya/abtór hho' 1977

¹⁹ ar layaá /uuruú koomá' nee ar tlehhema'aá waa/oo/amór koomá', nee ar /uuruú Qeeruú Mungú. Gawaá adoorihe aníng alki/ituú Ya/abtór hho' ar Kristo ugwa hhe'eés iimír Yerusalemú wa ale, niri harweeriím ay dír yaamaá Iliriko.

Rumi 15:19 Iomraidhean Croise

Matayo 12:28

Ala aníng bar neetlaamér duxuúm ar Qeeruú Mungú, waawuti'iimár Mungú naa qaroó amorhúng i hardát.

Yohana 4:48

Aluuwo Yesu iri oó', «Bar laya nee waa/oo/amo aga aandi'iiká a haratlintia'aakáhe ló'wa ale?»

Tlehhema'aá ya/Abuuse 1:8

Ala kuungá' /uuru u sleerá' bál Qeeruú hhoohhoó' oo Mungú burna i hardáh. Nee kuungá' aníng iri lamabu'uundá' baraaká' Yerusalemuro, nee baraá Yudea sleémeero, nee Samaria, tam ay alhhe'eesoó yaamu.»

Tlehhema'aá ya/Abuuse 13:14

Ala inooín tana Pergér wa tláy, tari waaraáhh ar yaamaá kaahaar, tari hardáh ay Antiokia, gixsár yaamaá Pisidia. Bál deelór Sabaátoro tari dáh baraá doó saaliingw, tari iwiít.

Tlehhema'aá ya/Abuuse 13:51

Paulo nee Barnaba teerír ya'aaín kari kuukuú', tari tláy ay Ikonio.

Tlehhema'aá ya/Abuuse 14:10

Paulo iri tseé' ar afór ur, guri báy «Sihhiita hhe'eés ar ya'aawók.» Heedaádá' iri sihhiít ar gaanslaay, iri hi'iimiít.

Tlehhema'aá ya/Abuuse 14:20

Ala eeharuuse Paulo nguwa harwét bihhe sleémeero, iri sihhiít, iri dáh baraá gixsa. Nee bál tsár iri tláy baraadá' wa ale dinkwa nee Barnaba ay Derbe.

Tlehhema'aá ya/Abuuse 14:25

Qoomár axweesantá Mungú kawa Pergár wa alki/iít, tari aweér ay Atalia.

Tlehhema'aá ya/Abuuse 14:6

Ya/abuuse kaangwí guri axás, tari goów ay Listra nee Derbe, gixsadaá yaamaá Likaonia, nee yaamuudaá iisaapaydá'.

Tlehhema'aá ya/Abuuse 15:12

Múk baraá dinkwadá' sleémeero iri xasliít, Barnaba nee Paulo kiri iiárií qamín. Inooín kángw layu nee muruú waa/oo/amo kuri alki/iít, kudá' Mungú aa tleéhh ar inooín tla/ángw xoordaá hatlá' wa ale.

Tlehhema'aá ya/Abuuse 16:18

Adoorí gari tlehhít deelór yaariire. Ala Paulo iri gurhaamuút, iri alií warqáy, neetlangwdá' guri báy, «Aníng kuúng u báw ar umuú Yesu Kristo, ti'iít baraá lawaalo'oorihe.» Neetlangwdá' iri ti'iít siiwadár kilae.

Tlehhema'aá ya/Abuuse 17:10

Hamtidár kilae hhae Paulo nee Sila ngiri bayé', «Tlawsé' xweeraaká' alé ay Berea.» Tawa hardáh tari dáh baraá doó saalíngw múk Yahudi.

Tlehhema'aá ya/Abuuse 17:15

Ala mukdá' Paulo gwa haydohiis, guri huúw ay Athene. Aluuwo Paulo giri ya/aáw iwa kaahi, «Sila nee Timoteo mindiwa ak tligiyé' aluueene.» Mukdá' iri kií/.

Tlehhema'aá ya/Abuuse 18:1

Kaangwí iwa waaraáhh, Paulo iri Athénér wa tláy, iri hardáh ay Korinto.

Tlehhema'aá ya/Abuuse 18:19

Tari hardáh ay gixsár Efeso, giri amoodá' i geexáy, inós iri dáh baraá doó saaliingw, tiri tlaampa'amisiyé' nee múk Yahudi.

Tlehhema'aá ya/Abuuse 19:1

Qoomár Apolo iwa baraá Korintórií dirii'i, Paulo iri waaraáhh ar baraá yaamaá kaahaar, iri hardáh ay Efeso, amoodae tiri doogiyé' nee eeharuuserka,

Tlehhema'aá ya/Abuuse 20:20

Aníng kuungá' /aymuú nuwa /iít i kaahh. Ala umuúqo gaaro baraá axweesantá Munguhe ana alki/iít, nee ana intsaahhatimís ar geehhoeema laqaá tam baraá maraay, as alee/isayhúng.

Tlehhema'aá ya/Abuuse 20:6

Atén ana Filipír wa tlawaán ar baraá tlawi, deeloodá' ur ar Mikaátér taa sluuftisiiká iwa waaráhh. Deelo kooán iwa waaráhh kiri Troár i awaán. Tari didá' wa hootaán deelo faanqwe.

Rumi 15:13

Mungú, kudá' haraxu'uti sleémeero i diri', inós kuungá' nu hatsiisi qwala/ sleémeero nee waydawo ar loohír haratlintaao, as haraxu'utirhúng iwa ló'wa doogiin ar baraá /uuruú Qeeruú hhoohhoó' oo Mungú.

Rumi 15:16

Asma ina sagadiyusmoó Yesu Kristo wa qaás oo amór xoordaá hatlá'. Gadiyér kaahamusi'iimár Mungú an tleéhh ar loohír Ya/abtór hho' ar Mungú ngiwa alki/iit dír xoordaá hatlá', as inooín tawa ilahhooa tleehhiti, tidá' Mungú aa ya/án, tidá' taa hhoohhooeés nee Qeeruú hhoohhoó' oo Mungú.

Rumi 15:24

Gawaá adoorihe hamí aníng ni dirhúng ar waaraáhh, qoomár án bar yaamaá Spaniár káw. Asma aníng gár ni slaa' a kuungá' nun ár baraá aaiieene, as aníng niwa qwalalaa/ dinkwa nee kuungá' har qoomár niinawe. Nee slám a haraxuú' kuungá' aníng i alee/isá' niwa kumiit baraá aaiieene.

1 Korinto 2:4

Aníng axweesantá Mungú ngiwa amorhúng i alki/iít, aníng kuungá' naa afa /asliimiiká ar axweesantá sagalooár muu. Ala ngina alki/iít ar /uuruú Qeeruú Mungú.

2 korinto 12:12

Qoomár aníng gadiyeé ngiwa tleéhh tla/angwhúng wa ale, tlehhemi'iidá' sleémeero ina tleéhh ar qiqtliingw, kudá' aníng i laqaqaamá' adór tar ya/abusmo. Layu ina tleéhh, nee tlehhema'aá waa/oo/amo, nee tlehhema'aá aleesleemuú laqaaqamá'.

Galatia 3:5

Mungú Qeeruú hhoohhoó' ngun hanmiis amorhúng i alé, nee muruú waa/oo/amo nguwa tla/angwhúng wa tlehhiiti. Kuungá' ka xua' adoorí gan tlehhiíti as kuungá' hara'aya kawa eehadé'? Ala adoorí gan tlehhiítiíke as kuungá' Ya/abtór hho' kawa axasé' nee kari haratlintié'?

Kolosai 1:25

Mungú aníng ina sagadiyusmoó múk kríshaanáy wa qaás. Gadiyér afhhamít ngina aníng i saayín as kuungá'. Gadiyeérí an Ya/abtór Mungú ngiwa gwa/atisa hhe'ees dirhúngií ale.

1 Tesalonike 1:5

asma qoomár atén Ya/abtór hho' ngiwa amorhúng i huwaán, ngaa huwaaniiká ar axweesanaay kilós, ala ngina huwaán ar /uuruú Qeeruú hhoohhoó' oo Mungú, nee ataá kilá' qoomaadae a hatsaán haratlintaaór /uuruú kooma. Slám kuungá' kilá' a xuá' adór atén tara tla/angwúng wa hootaán, as kuungá' as tawa slaqsaay tleehhitaan.

2 Timoteo 4:17

Ala Aako ina sihhiít dinkwa nee aníng, aníng iri /uurií haniís. Asma Aako gár i slai a aníng Ya/abtór hho' an alki/iít, as múk xoordu sleémeero ngiwa axaasi. Aníng tiri baraá afkú dirángw wa ba/amís.

Ebrania 2:4

Tam Mungú inósuú kilá' sleeme ba/amarí gari lamabu'ún ar loohír laya nee muruú waa/oo/amo nee tlehhema'aá dimbadimbé awa /uuruú koomá', nee ar aleesleemuú dimbadimbé oo Qeeruú hhoohhoó' oo Mungú kuwa hanmiisi ar adoodá' inós i slai.

1 Petro 1:12

Kaangwí kuri dir'ín i gwa/atís adór inooín kaangwí gár kus kaahi tar inooineeká, ala as kuungá'. Nee hám daxta kaangwí kunga oó' dirhunge nee mukdá' Ya/abtór hho' ngaa dirhúngií alki/iit ar loohír Qeeruú hhoohhoó' oo Mungú, kudá' tinda ya/aáw gawaá doorí wa ale. Muruuwí tam malayke sleeme gun ilatleerús nguwa artá wa sla'.