Rumi 15:18 - Biblía Axweesantá Hhohho' ar Mungú 2004

¹⁸ Ala aníng gár ooaro ni qiitl i káhh daanduú gár hatlae, ala aqo har tidá' Kristo aa tleéhh kilós, ar loohír aníng, as múk xoordaá hatlá' nguwa amór Mungú i huwi, as inooín Mungú kuwa iialooeemisi. Gadiyeérí aníng ana tleéhh ar axweesani nee ar tlehhmi'i,

Ya/abtór hho' 1977

¹⁸ Ala aníng gár ooaro ni qiitl i káhh daanduú gár hatlae, ala aqo har tidá' Kristo aa tleéhh kilós, ar loohír aníng, as múk xoordaá hatlá' nguwa amór Mungú i huuwi, as inooín Mungú kuwa iialooeemisi. Gadiyeérí aníng ana tleéhh ar axweesani nee ar tlehhemi'i,

Rumi 15:18 Iomraidhean Croise

AXWEESANOÓ SAGALOOA 25:14

Adoodár huunkoó tluwoó koomaaká nee fur'a i dirii'iya', an adór heé gaa ga ala oo' aluuwo gari hanisiiká.

Matayo 25:16

Kudá' taa talaántár kooán i haniís, iri tláy siiwadár kilae, gari ar halaanuús, talaántár hatlá' kooán gari sláy.

Marko 16:20

Inooínadá' tari tláy, Ya/abtór hho' kari alki/iít umuúqo diiro. Aako nee inooín tay al gadiyuús, /uuruú axweesantós guri geehhooatís ar layaá naa tleehharumiitiye' qoomaadae.]

Tlehhema'aá ya/Abuuse 14:27

Qoomár tawa hardáh Antiokia, múk kríshaanáy kuri dinkwárí ateét, muruudá' sleémeero Mungú aa tleéhh ar inooín, kuri dir'íní alki/iít. Kiri ádbáy adór Mungú pa/aangw ngura haniís as múk xoordaá hatlá' sleeme iwa haratlintii'i.

Tlehhema'aá ya/Abuuse 15:12

Múk baraá dinkwadá' sleémeero iri xasliít, Barnaba nee Paulo kiri iiárií qamín. Inooín kángw layu nee muruú waa/oo/amo kuri alki/iít, kudá' Mungú aa tleéhh ar inooín tla/ángw xoordaá hatlá' wa ale.

Tlehhema'aá ya/Abuuse 15:4

Qoomár tawa hardáh Yerusalemu, kiri dahi'ís nee kríshaanáy nee ya/abuuse nee bariise. Nee muruudá' sleémeero Mungú aa tleéhh ar inooín, kuri alki/iít.

Tlehhema'aá ya/Abuuse 21:19

Paulo laawa'eesaro ngiwa hhe'eés, kaangw sleémeero oo Mungú aa tlehhiít dír múk xoordu ar gadiyeérós guri dir'íní wakeetín alki/ituuwo.

Tlehhema'aá ya/Abuuse 26:20

Án kángw Mungú una alki/iít har geeraawo dír múk Damasko. Aluuwo baraá Yerusalemu tin wa alki/iít, nee baraá yaamu sleémeero awa Yudea, nee dír múk xoordu sleeme, as tawa hhu'u'un nee Mungú kuwa i warqay, nee tlehhma'aá nee hhu'u'ungw'ín ti slawá' kiwa tleehhi.

Rumi 1:5

Mungú aníng ina tsuuqaá i haniís niwa ya/abusmo tleehhiit as Kristo. Adoorí gana tleéhh ar loohír Kristo, as aníng xoordu sleémeero ngiwa geerahaar amoorós, as nguwa haratlintii'iya', nee nguwa iialooeemisiya'.

Rumi 16:26

Ala hamí lu/aaráydá' kwaa geehhooeés ar baraá gooír aaruuse. Nee lu/aaráydá' kwaa alki/iít dír múk xoordu sleémeero ar hara'ayaadár Munguúduú alhhe'eesay wásl, as múk xoordu sleémeero masók Ya/abtoodá' hho' ga iialooees kawa haratlintii'i.

Rumi 6:17

Ala Mungú ku xirfayeesi. Asma kuungá' aáng a lawaalér tlakweema. Ala hamí intsaahhasadá' taa ilaoté', aga ló'wa iialooesé' ar mune sleémeero.

2 korinto 11:31

Mungú, Baabuú Aako Yesu, kudá' xiríf ay alhhe'eesay wasle, inós ga xuu' adór aníng lama ngir kaahaaká.

2 korinto 12:6

Ala aníng tam ti kilooeé' xirfayeemisa, aníng a adór daktantooká, asma gár aníng ni oo' a ar ló'. Ala aníng ti máw kilooeé' xirfayeemisuuwo, as hee miwa oó' ti ak úr ta adoodá' ir ara'ari, nee i axamiisi dir'eene.

2 korinto 3:5

Asma atén kiloorén aleesleemuú taa koomaan i kaahh. Gawaá adoorihe atén a ooanaaká gaarí a gadiyér atén taa tleehhaan. Aleesleemuurén dír i dahhi a dír Mungú.

2 korinto 6:1

Atén a gadiyuusaán dinkwa nee Mungú. Gawaá adoorihe atén kuungá' nu gurbu'uumaán sleeme, kuungá' tsuuqaá Mungú kudá' taa ilaoté' mi qwaareesara'.

Galatia 2:8

Asma Aakoodá' Petro gwa aleesleemií haniis tawa Ya/abusmoó mukdá' taa al/utlín, an kudá' aníng iga aleesleemií haniis sleeme, tawa ya/abusmoó múk xoordaá hatlá'.

Kolosai 3:17

Nee umuúqo gaaro ar ta tlehha'a ar axweesani laqaá ar tlehhma, sleémeero ka tlehhá' ar umuú Aako Yesu, nee Mungú Baabá kuwa sluufmisa' ar inós.

2 Tesalonike 2:17

inós munerhúng ngi gurkwa/asi, nee nuwa /uurií haniisi as umuúqo gár hhoo' kawa tlehhita' nee axweesanoó hhó' kuwa axwesa'.

Ebrania 11:8

Abrahamu sleeme a heé haratlintaaór koóm. Inós kuwa ateét, ateetamór Mungú gari iiárií qaás, iri tláy dír yaamuuwós wa ale, iri hardáh ay dír yaamuudá' Mungú aa al'axweés dirós i alé ngiwa aali. Slám iri tláy yaamuuwós wa ale, ala amór i kay ga xuiiká.

Ebrania 5:9

Gawaá adoorihe inós kuri bu'uutiís nee Mungú. Bu'uutisaro kuwa hhe'eés, inós tari heé ba/amár alhhe'eesay wásl ngaa huuw dír mukdá' sleémeero inós ngu iialooemisa'a.

Yakobo 1:22

Kuungá' adoodá' axweesani i kat na tlehhiitaak, ala ma tawó axamiisara', tiri kiloohúng al/agiindá'.

1 Yohana 3:18

Laqwalór ninakw, sla'aarirén miwa axweesantá tawo tleehhít, ala masók sla'aarirén an sla'aarír tlehhema'aá koom, nee ar looeema.

Yuda 1:9

Ala tam Mikaeli, malaykamoodá' úr, qoomár tiwa tlaampa'aasiyé' nee Neetlaangw daanduú slaqwtá Mosewo, aa qiitliiká sleeme nguwa /ooslin, aqo ina oó', «Aako kuúng u iigahhaati.»