Rumi 15:14 - Biblía Axweesantá Hhohho' ar Mungú 2004

¹⁴ Hhaee'eé', aníng a xuú' adór kuungá' tar hatsá' hhooeemaawo. Nee slám kuungá' xu'uti sleémeero a koondá', nee a aleesleerá' kuungá' kiloohúng tiwa gurbu'uunda'.

Ya/abtór hho' 1977

¹⁴ Hhaee'eé', aníng a xuú' gídaabá kuungá' a hatsá' hhooeemaawo. Nee slám kuungá' xu'uti sleémeero a koondá', nee a aleesleerá' kuungá' kiloohúng tiwa gurbu'uunda'.

Rumi 15:14 Iomraidhean Croise

1 Korinto 1:5

Asma baraawose kuungá' mura' sleémeero ugwa sleeré', tam axweesani sleémeero nee xu'uti sleémeerowo.

1 Korinto 12:8

Asma heé wák aleesleemuú axweesantá sagalooa gun sláy ar Qeeru, nee kuqá' aleesleemuú axweesantá xu'uti gun sláy ar Qeeruuduú kilá'.

1 Korinto 13:2

Slám án tam aleesleemuú aaru'uuma u kooma, nee lu/aaráy sleémeero tam u xua, nee xu'uti sleémeero, slám tam haratlintaaór ur a kooma, tidá' tlooma ngiwa hingees, ala bar sla'aari a koomaaká, aníng a gár tawo.

1 Korinto 8:1

Daxta kángw ni oo' a kángw fu'unaydá' taa hanmamisi dír munguaá hatlá'. Atén aga qaroó xuaán adór atén sleémeero xu'uti kar koomaán daanduú kaangwihe. Ala xu'uti gár ni huwaahup dír heewo a daara/aangw. Ala sla'aari gár ni huwaahup dír heewo a kwa/asa.

1 Korinto 8:10

Ar slaqsaywo, kuúnguusíng xu'utír koóm, burta ár tawa /ayiin baraá doó munguaá hatlá' wa alé, heé haratlintaaoorós tununuu/, inós fu'unaydá' taa ilahhooár wa haniís gi /aymár áyke sleeme?

1 Korinto 8:7

Ala a muu sleémeerowooká oo xu'utirí ga koóm. Bahh'alé baraá slafingw'ine kaa ló'wa intsatsaáhh mungui kiwa ilaiwawa/i kwaáo in slafiyá'. Gawaá adoorihe fu'unaá taa ilahhooár wa hanmiís dír munguaá hatlá', birnga /ayiyé', kin slahh'eemiis baraá muner'ine, as adoodá' haratlintaaor'ín iwa tunuunu/ inooín kiri meetagaas.

2 korinto 8:7

Kuungá' a ló'wa daqaare baraá umuúqo gaaro, baraá haratlintaaooro, nee baraá axweesanaywo, nee baraá xu'uti nee baraá ilakaaharu sleémeero, nee baraá sla'aarirhúng, tidá' atén tiwa sla'a'a. Gawaá adoorihe adór kuungá' tar daqaare baraá ohmeesíng ta hanisa'a laqaamaak sleeme.

Efeso 5:9

Asma didár gwa/aateema i dirii'iya' gár tleehharumiit a hhooeema sleémeero nee gan'amu nee looeema.

Filipi 1:11

Nee kuungá' tundu hatsiis gan'amuwo, kudá' Kristo i tlehhiiti baraá munerhúng wa ale, as ilaiwa/amér Mungú nee xirfuuwós.

Filipi 1:7

A gár hariím dir'eene adoorí ngiwa inslaslaw daanduuhunge, asma kuungá' a baraá muunaáeé' dir'á'. Asma kuungá' sleémeero tsuuqaá Mungú iga sleeré' adór aníng wa ale qoomár aníng tiwa tseék, nee tam qoomár Ya/abtór hho' ngiwa aleekal/aám nee looeemaawós ngiwa laqaqaám.

Kolosai 3:16

Axweesantá Kristo masók i baraahúng wa hót ar yaareema. Ti intsaahhatimise' nee tiwa naanaqa' ar sagalooa sleémeero. Mungú sa daa'aak ar sluufaay baraá munerhunge ar daa'ángw bara/, nee oo sluufaay, nee ar daa'ángw baraá qeeru.

1 Tesalonike 5:11

Gawaá adoorihe kuungá' ti kiloohúng gurkwa/amise', nee ti alee/iimisé', adoosíng hamí ta tlehhita'.

1 Tesalonike 5:14

Hháe, atén kuungá' nu firiimaán, tli/uuse naanaaqaak, múk daqatlakwén gurkwa/amisaak, mukdá' haratlintaao niiná alee/iimiisaak, slám kuungá' masók a múk qitluú aleesláw dír muu sleémeerowo.

2 Tesalonike 1:11

Gawaá adoorihe gaarí an gár atén kuungá' nus aleefiriirimaan umuúqo deelooro, as kahhó' Mungú kuungá' nuwa harafaari tawa hariinda' ateetamoorose. Atén Mungú un firiirimaán as kahhó' inós ar /uuruuwose hhooeemaadá' ta sla'a' tleehhamooro ngiwa boo/eesi baraá munerhunge. Nee slám gadiyérhúng tidá' sleémeero ar haratlintaao ngiwa boo/eesi.

2 Timoteo 1:5

Asma aníng a xuú' adór kuúng Mungú kura haratlintí' ar haratlintaaór waaqooda wasl. Haratlintaaoorí geeraawo aamaarók Loisi gan koón, nee aayoorók Eunike. Slám aníng a xuú' adór kuúng kar koón sleeme.

Filemoni 1:21

Tí ngina kuúng i gooiím asma ngiwa xuu' kuúng adoodá' án naa firiím a tléhh, nee kari harwaarahhás.

Ebrania 5:12

Dirhunge geera a gár hariím kuungá' tawa intsaahhatuuse, asma deelór yaariir aa waaráhh iimír kuungá' tunduwa ba/amís. Ala kuungá' tam hamí a intsaahhatuusér sla'á' malé ale, ar nu intsaahhatimis muruuduú geera daanduú axweesantá Munguhe. Ala tam hamí gár kuungá' tunduwa hariím a ilwa, ala a muruú /aymár gawdeneeká.

Ebrania 6:9

Ala atén tam adoorí kaahana, sla'aaruuser'eé', atén daandeemoohunge harahhifo a koomaán asma kuungá' tsuuqaá ba/ama iga sleeré'.

2 Petro 1:12

Gawaá adoorihe, aníng gár ni slaa' a kuungá' nun inslawtimís daanduú muruuwihe umuúqo daqto, ala tam kuungá' muruuwí ugwa xui'i, nee tam aga gawduuri'i baraá looeemaadá' taa ilaoti'i.

1 Yohana 2:21

Kaangwí nguna kuungá' i gooiím, ala a kaahaaká kuungá' looeema i xua'aaká, ala looeema i xuá', sleeme a xuá' baraá looeemaawo adór lama tam ar niiná ir káhh.