Rumi 14:9 - Biblía Axweesantá Hhohho' ar Mungú 2004

⁹ Gaarí an gár Kristo isa gwaá' nee iri waasleé/, as tawa Aakoó múk aa qaatl, nee oo kudá' slaáf sleeme.

Ya/abtór hho' 1977

⁹ Gaarí an gár Kristo isa gwaá' nee iri waasleé/, as iwa Aakoó múk aa qaátl tleehhiti, nee oo kudá' slaáf sleeme.

Rumi 14:9 Iomraidhean Croise

Matayo 28:18

Yesu giri i tseewúy, giri báy, «Aleesleemu sleémeero oo gawaá doori nee oo baraá yaamu kunga aníng i haniís.

Luka 24:26

Ahaá, a gár xuawásle, Kristo slahh'amaayeerí ngiwa slay, nee iwa dahi baraá xirfuuwós i alé?»

Yohana 12:24

Án a kah, ilmoó angaáno bira huuiiká baraá hhapér i alé, iri gwaa', aqo in hootatín adoodá' i dirii'i kilós alé. Ala bira gwaá', mamaá yaariir gin laqwaal.

Tlehhema'aá ya/Abuuse 10:36

Kuungá' Ya/abtoodá' Mungú aa huúw dír múk Israeli a xuá', Ya/abtoodá' hho' ar wayda ar loohír Yesu Kristo. Inós an Aakoó muu sleémeero.

Tlehhema'aá ya/Abuuse 10:42

Yesu hara'aya ngina oó' ar muu kuwa Ya/abtór hhó' i alki/iitaan nee kuwa lamabu'uumaan, adór kwí tar kudá' taa hara'ayár i haniís nee Mungú, múk slaáf nee múk aa qatli nguwa sakwasleemuuti.

Rumi 10:9

Asma kuúng Yesu bura ya/aán ar afkók, adór inós tar Aako, nee bara haratlintí' ar muunaáwók adór inós Mungú ngura waasle/atís baraá múk aa qaátl wa ale, daqaní kuúng a ba/aán.

2 korinto 5:14

Asma sla'aarír Kristo atén tin harakeemís, asma atén aga tsaahhaán adór heé wák ira gwaá' as muu sleémeero, gawaá adoorihe muu sleémeero ina qaátl.

1 Tesalonike 4:14

Asma atén aga haratlintiaán adór Yesu ira gwaá', niri waasleé/. Gawaá adoorihe tí sleeme a haratlintatiaán adór mukdá' aa qaatl oo Yesu gwa haratlintii', Mungú ngur huúw dinkwa nee Yesu.

1 Tesalonike 5:10

Inós atén tina sa gwaá', as atén tawa hootaan dinkwa nee inós, barnaxes a slafaán laqaá barnaxes aga qatlaán.

2 Timoteo 4:1

Aníng kuúng u hara'ayiyiím dír geeraá Mungú wa ale nee dír geeraá Kristo Yesu, kudá' múk slaáf gu sakwasleemuút, nee kudá' aa qatli. Slám u hara'ayiyiím asma hardahamuuwós nee waawuti'iimarós un baw,

Ebrania 12:2

Atén gár tiwa hariím masók a Yesu un ga/aawaán umuúqo siiwaro. Asma inós an iimu/úngw haratlintaaoorén, nee slám inós haratlintaaoorén ga boo/ees. Inós qwal/uudá' gu daamaaraám guna ár. Gawaá adoorihe gwa'arár msalaába gari qiqtlín, tam murér gwa'arár adoorí ga gaárií xuiiká. Nee hamí aa iwiít bihhaá dákw doó /iyáy oo kitangwduú aleesleemu oo Mungú.

1 Petro 1:21

Kuungá' Mungú ugwa haratlintié' ar inós, Munguúdá' inós gwa waaslee/atis baraá múk aa qaátl wa ale, guri xirfuú i haniís. As kuungá' Mungú kuwa haratlintia' nee kuwa haraxua'.

1 Petro 4:5

Ala inooín kángw slafingw'ín ngun kwaliliná' dír geeraá Mungú, kudá' taa amoohhe'ees as múk slaáf nee múk aa qatli nguwa sakwasleemuuti.

Geehhoeemaá 1:18

kudá' slaáf. Aníng geeraawo ana gwaá', nee qaytsiít, hamí a slaáf ay alhhe'eesay wasle. Nee slám aníng gweermo a koóm ar gwa'ara nee ar baraá gi'i.

Geehhoeemaá 2:8

«Kaangwí gooiimeek amór malaykamooduú múk kríshaanáy oo baraá Smirnár i dirií', «Axweesantí dír i dahh a dír kuduú geera nee oo alhhe'eesaay. Inós geeraawo ina gwaá' ala iri slaáf.