Rumi 14:2 - Biblía Axweesantá Hhohho' ar Mungú 2004

² Daqtakaaro heeko i haratlintaaór kón tam mura' sleémeero gu /aay. Ala kudá' haratlintaao niiná, gár i /ayi a naanú bó/ kilós.

Ya/abtór hho' 1977

² Daqtakaaro heeko i haratlintaaór kón tam mura' sleémeero gu /aay. Ala kudá' haratlintaaór niina ga koóm, gár i /ayi a naanú kilós.

Rumi 14:2 Iomraidhean Croise

IIMU/UUNGW 1:29

Mungú iri oó', «Ga/aawaagáy, mamaá dahaasíngw koomá' sleémeero kudá' naa ti'iitiye' baraá yaamuwo, nee xaa'aá mamaá koomá' awa dahaasíngw koomá' baraaine, sleémeero ngaa haniís as tawa muruú /aymarhúng.

IIMU/UUNGW 9:3

Muruuwí slaáf sleémeero daxta a muruú /aymarhúng. Nguna haniís adoodá' umuúqo gár naa ti'it baraá yaamuwo ngira haniís as tawa muruú /aymarhúng.

AXWEESANOÓ SAGALOOA 15:17

A tsiní múk ti slaá' oo fa/ar'ín /aáy ar naanuú bó/, ta múk taa wakawaki oo /ayiím ar fu'unaá awú wahhaár.

DANIELI 1:12

«Xaa na'ás atén ti iiat baraá deelo mibaango. Muruú /aymarén masók a naanuú loo/o nee ma'aá wahaangw.

DANIELI 1:16

Naagáy sagesihhtusmooduú muruú /ayma, muruú /aymaadá' waawutmo aa oó' nee muruuduú wahaango guri hingeés, giri naanuú loo/órí hanmiís.

Rumi 14:1

Heedaádá' haratlintaao niiná alee/iisaak, ala mu sakwasleemuutara' as xu'utirós tidá' i kon.

Rumi 14:14

Aníng a xuú', nee slám taa ló'wa xu'utisa hhe'eés nee Aako Yesu adór gár slasla/aar ir káhh baraá tleehhamoorose. Ala dír heedaádá' ga kaaha gaarí ka slasla/aar, dirose gadaádá' ka qo slasla/aar.

Rumi 14:20

Gadiyér Mungú ma hhitiimaar as muruú /ayma. Ar ló' mura' sleémeero ku hhohhó'. Ala i hariindaaká muruú /aymár hee gu baraá tlakweemií dahaás kuwa /ak.

Rumi 15:1

Ateéká' /uuruú koomá' baraá haratlintaaooro, gár tiwa hariím a mukdá' tununuú/ baraá haratlintaaooro un alee/iimisaán. Ala atén mitiwa kilootén sla'atimisaán.

1 Korinto 10:25

Umuúqo gaaro ar ta weerimiisi didár mura' kuwa weerimiisi, /ayaak, slám amór i dahh ma yaahamisaara', as haratlintaaorhúng.

1 Korinto 8:9

Ala amohhooarí ta koonda' ga/aawaak miwa dukuutsmo tleehhít dír mukdá' haratlintaao tununuu/a.

1 Korinto 9:22

Dír mukdá' haratlintaao tununu/a, aníng tina adór inooín laáq, as mukdá' haratlintaao tununuú/ nguwa slaw. Gawaá adoorihe aníng dír umuúqo heewo tina adór inós laáq as umuúqo loohi ngiwa leelehhiit ar muu bahh'alé nguwa ba/amis.

Galatia 2:12

Inós nee múk xoordaá hatlá' tana al/ayín, mukko niri hardáh oo tinda ya/aáw nee Yakobo Yerusalemúr wa ale. Mukdá' niwa hardáh, Petro tiri paraátl dír mukduú xoordaá hatlae, dír /ayma gari geexáy, asma i múk Yahúdír da'ayumiit, kudá' káh, múk xoordaá hatlá' ku al/utlin.

1 Timoteo 4:4

Asma umuúqo gaaro ar Mungú aa tleéhh ka hhoo'. Slám ar si'imá wa hariim i káhh. Ala umuúqo gaaro gár kawa hariím masók a kan ilaoh ar sluufaay.

Tito 1:15

Mura' sleémeero ku hhohhó' dír mukdá' hhohhoe, ala gár hhoohhoo' i káhh dír mukdá' slasla/arene, kudá' haratlintaaór kooma'aaká. Asma fuqurangw'ín kwaa slasla/aareés, nee muner'ine sleeme.

Ebrania 13:9

Kuungá' intsaahhasár dimbadimbé ar hatlá' munduwa paslís baraá loohír ganaa'a. Asma gár muneerén ga gawdees a tsuuqaá Mungú, ala a hara'ayár dimbadimbeheeká ar daanduú muruú /ayma. Asma mukdá' hara'ayaarí gaa eehaar, alee/isoó taa sláy i kaahh dír hara'ayaarihe.

Ebrania 9:10

Asma hara'ayár loohirí an hara'ayár tlehhema'aá slaqo kilós, daanduú muruú /ayma nee wahaangw nee hamtlór slaqwa. Hara'ayaarí kana oó' ay dír qoomaadá' Mungú loohír /aben ngi qaasi.