Rumi 14:19 - Biblía Axweesantá Hhohho' ar Mungú 2004

¹⁹ Ala bar adoosíng, gár atén tiwa hariím tidá' wayduú huwaahuuw tla/angwrene an tleehhaán, nee tidá' haratlintaaór umuúqo heewo ga kwa/amis.

Ya/abtór hho' 1977

¹⁹ Ala bar adoosíng, gár atén tiwa hariím an tleehhaán tidá' wayduú huwaahuuw tla/angwrene, nee tidá' haratlintaaór umuúqo heewo ga kwa/amis.

Rumi 14:19 Iomraidhean Croise

WARA'AMI 133:1

Ga/aaweek, adór kar hhoó' nee ir sla'atimís hhae iwa dinkwár waá hootiya' ar wakleeli'iima.

WARA'AMI 34:14

Muruú tlákw maweek, tlehhma'aá hho' na tlehhiiteek, wayda leelehhiiteek nee ar hooteek.

Matayo 5:9

Múk amohhoó' a kudá' wayduú tlehhiít, asma inooín ki na/aá Mungú báy.

Marko 9:50

«Diwi ka hhoo'. Ala barnaxes maamahhoó diwi aa faák, gár ki qaasi a milá as iwa malé maamahh. «Kuungá' baraá munerhunge adór diwi tleehhité' nee wayda ar hootaak.»

Rumi 12:18

Kuungá' umuúqo loohír ya/aama leelehhiitaak ar tawa hota' ar wayda nee muu sleémeero, ar adoodá' kuungá' kar aleesleera'.

Rumi 15:2

Umuúqo heewo baraá tla/angwrene masók inslaawmoowós gun sla'atimis as hhooeema ngiwa slay, nee as iwa kwa/i baraá haratlintaaoorose.

1 Korinto 10:23

Aníng a aleesláw mura' sleémeero nguwa tleehh, ala a sleémeerowooká oo hariím. Aníng a aleesláw mura' sleémeero nguwa tleehh, ala a sleémeerowooká oo muu gu kwa/ás.

1 Korinto 10:33

ar adoodá' aníng ni tlehhaahhiit. Asma aníng umuúqo heewo un sla'atisár wa slaá' baraá muruudá' sleémeerowo ni tlehhiita. Gadaádá' aníng i gaa wa buu' a leelehhiitaaká, ala a tidá' múk yaariír gu gaa wa buu' an leelehhiít, as kahhó' inooín kiwa ba/amisi.

1 Korinto 14:26

Ala hháe, adór ta laqa' a adoomá? Qoomár kuungá' bar aga burumburité', umuúqo heewo dirhunge barnaxes i daa'ángw kón, laqaá axweesantá intsaahhasa, laqaá axweesantá taa amoorós i geehhooeés, nee laqaá axweesantá tsifrír xuawaslen, laqaá ilaharmisuú axweesantadá', masók muruuwí sleémeero in tleehharuut as múk kríshaanáy kuwa kwa/amisi.

1 Korinto 14:3

Ala heé aaririím, inós dír i axweesi a dír muu, muu guri kwa/amis baraá haratlintaaor'ine nee guri gurbu'ún nee guri gurkwa/amis.

1 Korinto 14:4

Heedaádá' axweés ar tsifrír xuawasl tin kilós kwa/amis baraá haratlintaaoorose. Ala kudá' aaririím, inós i kríshaanoó kwa/amis.

1 Korinto 14:5

Aníng gár ni slaa' masók kuungá' sleémeero an axwesá' ar tsifrír xuawaslen, ala a ak slaá' kuungá' tawa aaririinda'. Asma heé aaririím ku ak úr ta kudá' axweesa ar tsifrír xuawasl, aqo har heedaádá' tsifrír xuawasl ga ar axweés barnaxes tsifriidá' ngaa ilaharmiís, as kahhó' kríshaanáy kuwa kwa/amisi.

1 Korinto 7:15

Ala hhawaatuuduú krishaanmowooká barnaxes hareerós ga talaákár i haniisár wa slaa', ngi haniisi. Laqaá hareedár krishaanto'oorooká barnaxes hhawaatuuwós gu geexeemuú wa slá', ngu geexeer. Asma hhawaatuuduú krishaanmo, laqaá hareedár krishaanto'o, inooín kaa tseegiiká nee hara'aya baraá muruuwihe. Mungú atén tina ateét as tawa hootaan ar wayda.

1 Korinto 8:1

Daxta kángw ni oo' a kángw fu'unaydá' taa hanmamisi dír munguaá hatlá'. Atén aga qaroó xuaán adór atén sleémeero xu'uti kar koomaán daanduú kaangwihe. Ala xu'uti gár ni huwaahup dír heewo a daara/aangw. Ala sla'aari gár ni huwaahup dír heewo a kwa/asa.

2 korinto 12:19

Án ngi slaá' qoomaarí sleémeero kuungá' a kata' atén gár tas adoorír axweesaan a tin kiloorén aleekal/aamaán dír geeraahunge, aasla'áy, a adoosingeeká. Tí ta axweesaan, an axweesaán ar baraá Kristo, dír geeraá Mungú wa ale. Ala sla'aaruuser'eé', tí sleémeero ana axweesaán as kuungá' tawa kwa/a'.

2 korinto 13:11

Hám daxta, hhaee'eé', alaáhhooá' ngi geexáw. Kumiité' baraá gan'amuuwo. Gurbu'uungw ya/aa/amaak. Ti axweesani axamise'. Hooté' ar wayda. Nee Munguúduú sla'aari nee oo wayduú hanmaamiís masók i dinkwa nee kuungá'.

Efeso 4:12

Gadiyér'ín a tí, múk hhohhó' oo Mungú kuwa amohhe'eemisi, as inooín Mungú nguwa sagadiyusiya', as slaqwtá Kristo kawa kwa/amisi.

Efeso 4:29

Axweesanoó tlákw mu kaahara', ala masók a axweesanoó muu gu kwa/amís, nee kudá' amoqwaareemisaaká. Gawaá adoorihe axweesanayhúng i tsuuqaá huwi dír mukdá' kuungá' nu iiárií qamiima.

1 Timoteo 1:4

Slám inooín tiita makawa eeharahaár nee yaeemaá tlet awa tlahhi'i kiwa fadiiti, asma muruuwí gár i huwahuwi a partlito. Slám gár i bui i káhh dír geeraharusmoó gadiyér Munguhe, asma iimu/úngw gadiyér Mungú a haratlintaao.

2 Timoteo 2:22

Ala kuúng ilatleeridár masoombi'iima ilaguweek. Ilakaaharu na tleehheek hotaá ganaa'á' kiwa sleer, nee haratlintaao, nee sla'aari nee wayda. Adoorí na tleehheek dinkwa nee mukdá' Aakoó ateetiím ar muunuú hhoohhoó'.

Ebrania 12:14

Wayda leeleehhaak, tawa hota' ar wayda nee muu sleémeerowo. Nee hhoohhooeema leelehhitaak, asma heé Mungú gu ár i kaahh, hhoohhooeema bir kahhiyá'.

1 Petro 3:11

Inós tlakweema ngi may nee tlehhema'aá hho' ngi tleehhi. Wayda ngu leeleehhi ar ilakaaharu.