Rumi 14:18 - Biblía Axweesantá Hhohho' ar Mungú 2004

¹⁸ Asma heedaádá' Kristo gu sagadiyuús ar loohír adoorí, inós Mungú gu qwal/atimis, nee slám inós ku xirfayees nee muu.

Ya/abtór hho' 1977

¹⁸ Asma heedaádá' Kristo gu sagadiyuús ar loohír adoorí, inós Mungú gu qwal/atimis, nee slám inós ku xirfayees nee muu.

Rumi 14:18 Iomraidhean Croise

IIMU/UUNGW 4:7

Xáy, bar gár hhoo' aga tléhh, ya/aám a sleerakáhe? Nee bar gár hhoo' aga tlehhká, tlakweema i dayá', i kuúng ilatleeruusiyá' as uwa arba/iya', adór makiito'ór xaraasl ar afkú dó' wa daamaraam, ala kuúng tlakweema na arba/eek.»

DAHARUSMO 9:7

Tláw, /ayiím ar qwala/, wahaám ar muunuú qwala/, asma Mungú gadiyeérók gaa qaroó ya/án.

Marko 13:34

Slaqsaywós a adór heé aa aa'aá kay, oo do'ós gwa dír lawaaleerós i geexay, nee umuúqo heewo gwa gadiyeérós i haniís. Heé afkú doó xuúm guri hara'ayín do' nguwa xun.

Yohana 12:26

Aníng hee bir sagadiyuus, i eehari. Daqaní didaádá' aníng ni diriia, an didá' sagadiyusmooeé' sleeme i dirii'i. Slám aníng hee bir sagadiyuus, heewí ku ilaiwawaa/ nee Baabá.»

Tlehhema'aá ya/Abuuse 10:35

Umuúqo heewo oo Mungú gu ilaiwawaá/, nee tidá' ganaa' ar Mungú i slai ga tlehhiít, inós ku ya/án nee Mungú, tam oo xooro gaalá.

Rumi 12:11

Gadiyeé na tleehhaak ar ilakaaharu, ala ar tli/itooká. Kuungá' baraá munerhunge masók a múk ilakaaharuú koóm, Aako na sagadiyuusaak.

Rumi 14:4

Kuúng a adór heemá tawa sagadiyusmoó heé hatlá' sakwasleemut? Asma sagadiyusmoodá' bira huú', laqaá bira huuiiká, kaangwí a daanduú sagadiyusmoodá' nee daqaarmoowós. Ala sagadiyusmoodá' i sihhiit, asma Aako aleesleemu gu kón oo sagadiyusmoodá' nguwa sihhtisi.

Rumi 16:18

Asma múk adór kwí Aakoorén Yesu Kristo gu sagadiyuusiiká, ala a gur'er'ín kilós kan sagadiyuus. Inooín múk hhaawuuse ngun al/aginá' ar axweesanay'ín oo tsatsaa'arén nee oo sla'atimís.

Rumi 6:22

Ala hamí, kuungá' bar tunda gweér baraá lawaali'iimár tlakweemaawo, nee tunduri lawaalér Mungú tleéhh, gár ta sleera' a muruudá' hhoohhooeesár huwahuúw. Nee alhhe'eesaywós a slafíngw alhhe'eesay wásl un sleerá'.

1 Korinto 7:22

Asma heedaádá' taa ateét baraá Aakoowo qoomár inós tawa lawaalmo, inós a heé Aako aa gweér. Ala heedaáduú lawaalmoowooká kuwa ateét, heé adoorí an lawaalmoó Kristo.

2 korinto 4:2

Atén tlehhemi'iidá' sleémeero awa getlakw nee awa murér koomá' iga mawaán. Al/ayma a tlehhiitanaaká, nee slám axweesantá Mungú a warqeemisanaaká. Ala atén tin kiloorén xu'utisaán dír umuúqo heewo, ar looeema kiwa alki/iitaan ar geehhooeema dír geeraá Munguhe.

2 korinto 5:11

Gawaá adoorihe atén Mungú un ilaiwawa/aán baraá muneerene umuúqo daqto. Gaarí an gár muu atén kus afa /asliimaan amór Mungú i alé. Mungú atén ti ló'wa xuu' adór atén tay diriiaan, nee slám aníng a harahhiíf adór kuungá' sleeme baraá munerhunge atén tira tsahhé'.

2 korinto 5:9

Alaá tí sleémeerowo gár ta ak sla'aan a inós kuwa sla'atisan, atén dír ta hootaan tam a baraaká' yaamuwo laqaá gawaá doori.

2 korinto 6:4

Ala baraá umuúqo gaaro atén tin laqaqamaán adór tar sagadiyuusér Mungú. Atén an qiqtliimaán ar qitluú yaariír baraá haleeleeamituuwo nee baraá slahh'amaayero nee tam baraá daero.

2 korinto 8:21

Gár atén ta sla'aan diirihe a adoodá' hhoo' an tleehhaán, ala a dír ilaá Mungú kiloseeká, ala tam dír ilaá muko sleeme.

Filipi 4:18

/Aymi'iiká' ni gooiim qeemuudá' naa dirhúng wa sláw ngu laqaaqaná'. Nee qeemuuwí ku ló'wa úr. Daxta umuúqo gaaro ar ló'wa bu'uut a koóm, alaá Epafrodito qeemuuhúng nguwa huúw. Qeemuuhúng kudá' naa hanisé' dír geeraá Munguhe a adór ilahhooadá' mooyángw tsuú' koóm, ilahhooadár muruú ta tsu/i tidá' taa ya/án, nee ar Mungú sla'atamis.

Filipi 4:8

Alhhe'eesaywo, hhaee'eé', muruú kuungá' tunduwa hariím inslaslaango a kwí, muruudá' sleémeero oo ló', nee kudá' ilaiwa/amér koóm, muruudá' sleémeero oo gan'amuú koóm, nee kudá' hhohhó', slám muruudá' sleémeero oo sla'atimís nee oo hhooeemaá koóm, nee tlehhemi'iidá' sleémeero awa hhohho' nee awa xirfuú wa hariimá'.

Kolosai 3:24

Kuungá' a xuá' gídaabá slaasláwarhúng ar aali a sleerá' dír Aakoowo. Asma Aakoó ta sagadiyusa' a heewooká, ala an Kristo.

1 Timoteo 2:3

Adoorí ka hhoo', slám Mungú Ba/amusmoorén gu sla'atimís.

1 Timoteo 5:4

Ala kwaalo'o barnaxes i na/aá koón, laqaá na/aá naangós, na/iiká' gár kiwa hariím a hariímar'ín ngin xuiyá' ar múk dooín nguwa amohhe'eemisiya', nee xwaylitér'ín ngiwa ga/aya'. Asma adoorí Mungú gu sla'atamís.

1 Petro 2:12

Slafingwhúng masók i tlehhema'aá hhohhó' laqaaqán dír geeraá múk xoorduuwo. As qoomár inooín burtundu /ayseenií tlaaq, tawa kaahi, a muruú tlákw tlehhitá', ala inooín tlehhemi'iihúng awa hhohho' birka ara'ár, daqaní inooín Mungú ku xirfayees bál inós birna hardáh.

1 Petro 2:20

Ala heé qiqtliím baraá slahh'amaayeedá' inós wa hariima as tlakweemaadá' aa tleéhh, inós gár kus xirfayeemisi a milá? Ala kuungá' adór ganaa' bar ana tlehhé', slahh'amu kuri qiqtliindá', daqaní tundu tsuuq nee Mungú.

1 Petro 2:5

Kuungá' kilá' sleeme masók a adór tlaa/aá slafá', tundu tleehhi tawa doó qeeru tleehhita'. Kuungá' masók a kaahamuusér Mungú ar hhohho', nee ilahhooár qeeru ar muruú ta tsu/i kawa huba', tidá' ta ya/an nee Mungú ar loohír Yesu Kristo.

1 Petro 3:16

Ala adoorí tleehhaak ar tsatsa'areema nee ilaiwa/ame, munerhúng masók ka hhohho'. As kahhó' mukdá' kuungá' nu daanda kaantiím as slafingwhúng oo Krishaanu'uuma, kiwa mureekeesi.