Rumi 14:1 - Biblía Axweesantá Hhohho' ar Mungú 2004

¹ Heedaádá' haratlintaao niiná alee/iisaak, ala mu sakwasleemuutara' as xu'utirós tidá' i kon.

Ya/abtór hho' 1977

¹ Heedaádá' haratlintaao niiná alee/iisaak, ala mu sakwasleemuutaara' as inslawaywós kudá'.

Rumi 14:1 Iomraidhean Croise

YOBU 4:3

Ga/aaweek, kuúng múk yaariír ugwa intsaahhatís, nee kudá' daqe tlakwen iga alee/iimís.

ISAYA 40:11

Daqtós gan /aymiis adór de'eemusmoó wa ale, nee deeloó bee/aangw gun gawaá dabaawósií oh, giri gawaá da/eewawósár loohiis, bee/ángw du'umiís idaahharo gun tseegiis.

ISAYA 42:3

Inós daaír qetángw slaa' ga geeqayká. Tam taámbír quu' ga gaasiiká. Sakwasleemár ganaa' gan huuw ar inkihhimu.

ESEKIELI 34:16

«Bee/angwdá' aa qwaar un leelehhtuú áw, nee kudaádá' tawo hi'iimiít un amór dó' i ki/ís. Kudaádá' aa qeqtin un tlaawiím, nee kudá' litlakwén aníng in /uurií qaás. Ala bee/ángw slaqo hhó' nee kudá' /uuruú koóm un hhaamiís. Aníng bee/aangw un de'eém adoodá' kus hariím.

ESEKIELI 34:4

Kudá' liitlakwén uga /uurií qaasiiká, nee oo tiíq ugwa maasáy hanisi'iiká, kudá' aa qeqtin ugwa tlaawindi'iiká, kudá' tawo hi'iimiít iga haraki/isiiká, nee kudá' aa qwaqwadin ugwa leelehhtuú eeri'iiká. Ala kuungá' una de'eendé' ar /uuru nee ar xarasleema.

SEKARIA 11:16

Asma ga/aaweek, aníng de'eemusmo ngu sláw baraá yaamuukae, oo bee/ángw aa hhiturumiit gu amohhe'eesaaká, slám kudá' aa qwaar gu leelehhitiiká, nee oo aa qeqtin gu tlaawinká, tam kudá' hhó' gu /aymisiiká, ala kudá' wahhaará' gin /aay, nee ta/aanta/amaaín gin feehhamiis.

Matayo 12:20

Daaír aa qwaambit ga geeqayká, slám taámbír quu' ga gaasiiká, ay dír kwasleemár ganaa' tidá' inós i huwi i baaliin.

Matayo 14:31

Siiwadár kilae Yesu dakós guri gan'aás, dákw Petro guri óh, guri báy, «Kuúng haratlintaaoorók ka tsuwa niina. Asma milá masa xurút?»

Matayo 18:10

«Ti harmagahhe', tam oo wák baraá na/iiká' ninakwe mu waaqaa'ara'. Asma án a kah, malayker'ín umuú baalaaro gawaá dooriiwo i dír geeraá Baabuúeé', kuduú gawaá doorí dirí'. [

Marko 7:19

asma i datká baraá muunuú hee, aqo har baraá gura' kilós, aluuwo nin ti'ít, kari kwaahh.» Axweesantihe gari xu'utís adór umuúqo gár /ayma ir hariín kawa /ayi.

Luka 17:2

Heewí gár kus hhoó' a tlaa/ár xoosliingw kan tseek gawaá istós, nee kuri kwaahh baraá tláwtí alé, ta oo wák baraá kuká' ninakwe nguwa baraá tlakweemií gee/asli.

Yohana 13:20

Án a kah, umuúqo heewo oo aníng naa ya/aáw, nee inós kuri ilaaóh, heedaádá' gwa ilaaoh a aníng ina ilaóh. Nee kudá' aníng iga ilaaoh, a kudá' aníng iga ya/aaw guna ilaaóh.»

Tlehhema'aá ya/Abuuse 28:2

Múk yaamuudá' tiri wa hhooáy. Qoomaadae tluwaay i tluuw nee tsaaqwa i ló'wa deer, inooín asla kari oohiís, atén tiri dahi'isiyé'.

Rumi 11:15

Asma inooín qoomár kiwa sií', muu sleémeero kuna haraki/ís dír Mungú i alé. Ala qoomár inooín birka ya/án nee Mungú, adoorí gár ni hup a milá? Gár ni hup a slafiíngoóke dír mukdá' aa qatli?

Rumi 14:2

Daqtakaaro heeko i haratlintaaór kón tam mura' sleémeero gu /aay. Ala kudá' haratlintaao niiná, gár i /ayi a naanú bó/ kilós.

Rumi 14:21

Gawaá adoorihe a tsiní fu'unaay bira meér /aymaaro, laqaá difaái bara meér wahaango, laqaá umuúqo gaaro ar hhiyaawók gu dukuutsmoó i huwaahuuw.

Rumi 14:3

Ala heedaádá' mura' sleémeero gu /aáy, kudá' /ayiimaaká munguwa waaqaqaá'. Laqaá tam heedaádá' /ayiimaaká, kudá' mura' sleémeero gu /aáy munguwa sakwasleemuút, asma Mungú heedaádá' mura' sleémeero gu /aáy gwa ya/án.

Rumi 15:1

Ateéká' /uuruú koomá' baraá haratlintaaooro, gár tiwa hariím a mukdá' tununuú/ baraá haratlintaaooro un alee/iimisaán. Ala atén mitiwa kilootén sla'atimisaán.

Rumi 15:7

Gawaá adoorihe kuungá' ti kiloohúng dah'iimise' adoodá' Kristo atén tira dahi'ís, as Mungú iwa xirfuuti.

Rumi 4:19

Abrahamu kureeriiwós tsiiruú wake naa nakaa/iyé'. Inós slaqwtós gari alqaytsiít naxés gwa'araaro aa nakaá/. Nee slám xwaylár Sara aa tsatít. Ala tam adoorihe Abrahamu aa mune si'iiká baraá haratlintaaoorose.

1 Korinto 9:22

Dír mukdá' haratlintaao tununu/a, aníng tina adór inooín laáq, as mukdá' haratlintaao tununuú/ nguwa slaw. Gawaá adoorihe aníng dír umuúqo heewo tina adór inós laáq as umuúqo loohi ngiwa leelehhiit ar muu bahh'alé nguwa ba/amis.

Filipi 2:29

Gawaá adoorihe, inós ilaoohaak ar qwal/uú yaariír, adór hhiyoó baraá Aako. Múk adór inós ilaiwawa/aak.

1 Tesalonike 5:14

Hháe, atén kuungá' nu firiimaán, tli/uuse naanaaqaak, múk daqatlakwén gurkwa/amisaak, mukdá' haratlintaao niiná alee/iimiisaak, slám kuungá' masók a múk qitluú aleesláw dír muu sleémeerowo.

Ebrania 5:14

Ala muruú /aymár gawdén a oo múk urén. Asma inooín muruú hhó' nee oo tlákw kwaa intsaáhh partlituuwo.

2 Yohana 1:10

Hee birna amorhúng káy, inós bar intsaahhastí ngi amorhúng i huwahuwiiká, mu baraá marayhúngií dahi'isaara', nee mu taaqweesara' sleeme.