Rumi 13:7 - Biblía Axweesantá Hhohho' ar Mungú 2004

⁷ Umuúqo heewo tidá' inós wa hariim haniisaak. Heé koódi, koódír i haniisaak, heé ohme, ohmér i haniisaak, kudá' daér wa hariím, da'ayuumitaak, kudá' ilaiwa/amér wa hariím, ilaiwawa/aak.

Ya/abtór hho' 1977

⁷ Umuúqo heewo tidá' inós wa hariím haniisaak. Heé koódi, koódír i haniisaak, heé ohome, ohomér i haniisaak, kudá' daér wa hariím, da'ayuumitaak, kudá' ilaiwa/amér wa hariím, ilaiwawa/aak.

Rumi 13:7 Iomraidhean Croise

1 WAAWITÁ 3:17

/Ameenír wák iri ó', «Aakooeé', aníng nee /ameenirí doó wák un hootaán, aníng ana laqwaál baraá do'owuú kilá' ta hootaan qoomaadae inós iqo dír do'.

TI'INAANGW 20:12

«Baabuúwók nee aayoorók ilaiwawa/eek as slafíngw kureeraá yaariir kuwa sleer baraá yaamuudá' AAKOÓ MUNGÚ Munguúwók ni kuúngí haniisi.

AXWEESANOÓ SAGALOOA 24:21

Garmaaeé', AAKOÓ MUNGÚ nee waawutmoowo ilaiwawa/eek, mukdá' amoowásl mu aleealuusaar.

AXWEESANOÓ SAGALOOA 3:27

Gár hhoo' bar koón ma /itimaar dír heé iwa hariinda, kuúng bar aleesleér tleehhamooro.

TLAHHOÓ LAÁWI 19:3

Umuú heewo gár kuwa hariím a baabuúwós nee aayoorose gin ilaiwawaa/, nee deelór Sabaátor'eé' gan amohhe'eemiis. Aníng a AAKOÓ MUNGÚ, Munguúhúng.

TLAHHOÓ LAÁWI 19:32

«Bar dír geeraá heé úrií dirí' oo al/awtantá koóm, gár tuwa hariím an geeraawósí sihhít, kuri ilaiwa/ameérií tléhh, nee kuúng Munguúwók ilaiwawa/eek. Aníng an AAKOÓ MUNGÚ.

Matayo 17:25

Petro iri oó', «Ga hanmaamiis.» Petro iwa baraá dó' i dáh, dír ira gaa ooiiká, Yesu guri geerií yaahaás, guri báy, «A adoomá Símon, waawituú baraaká' yaamu koódi ngiwa ohin, laqaá ohme, dír ngiwa ohin a dír muu gaalá? A dír na/ii'íne, laqaá a dír dahaaye?»

Matayo 22:21

Tari oó', «Slaqsaywí nee gooirihe awa waawutmoó Roma.» Yesu giri báy, «Ar waawutmoó múk Roma wa hariim, amoorós ti hanise', nee ar Mungú wa hariim, amór Mungú ti hanise'.»

Marko 12:17

Yesu giri báy, «Ar waawutmoó múk Roma amoorós ti hanise', nee ar Mungú amór Mungú ti hanise'.» Kuri ló'wa waa/oó/.

Luka 20:22

A hariímáro waawutmoó múk Roma kuwa koódír i hanisaan, laqaá aasla'áy?»

Luka 20:25

Yesu giri báy, «Ar waawutmoó múk Romár wa hariim, amoorós ti hanise', nee ar Mungú wa hariim, amór Mungú ti hanise'.»

Luka 23:2

Kuri sakwasleemuút ta kaahi, «Heewí una araán iwa xooroorén sageqwaaremisi, asma i múk ila/án oo koódír hanmiís dír waawutmoó múk Roma, slám i kaahi, ‹Aníng a Kristo, waawutmo.› »

Rumi 12:10

Kuungá' ti kiloohúng ló'wa sla'aaslae' ar sla'aarír hhae, nee ti kiloohúng gan'aamise ar ilaiwa/ame.

Rumi 13:6

Gaarí an gár kuungá' tas koódír bu'uunda'. Asma mukdá' aleesleemuú koóm a sagadiyuusér Mungú, qoomár hariímár gadiyér'ín kawa boo/eemisi.

Efeso 5:33

Ala kaangwí i kuungá' wa harín sleeme. Umuú heewo hareerós ngi slai adoodá' inós kilós tir slai. Nee hare hhawaatuuwós ngu ilaiwawa/.

Efeso 6:5

Kuungá' lawaále, daqaarerhúng tidá' ta sagadiyusa' iialooeemisaak, ar muunuú /awaák, ar dae nee daaraxaay, adoodá' geera Kristo kur sagadiyusa'.

1 Timoteo 5:13

Slám inooín waaweeraay ngun deliitiyá', nee gawaá adoorihe tli/a ngiri intsaahhiyá'. Ala a har tli/a kiloseká. Tam niri takaahuuse tleehhitiyá'. Nee sleeme tawa darahi baraá muruú muu, kudá' inooín wa hariimaaká.

1 Timoteo 5:17

Bariisér gadiyér'ín ar geeraharu'uuma ga tleehh ar adoodá' qoom ki ló'wa ilaiwawa/i, ak alé tidá' ti daawiitimis ar muu kuwa axweesantá Mungú i alki/iiti nee kuwa intsaahhatimisi.

1 Timoteo 6:1

Mukdá' sleémeero oo lawaale ngi xuiye' adór daqaarer'ín tar múk hariím ilaiwa/ameero, as umuú Mungú mukuwa /oosliislín, nee intsaahhasarén sleeme.

1 Petro 3:7

Kuungá' hhawaáte, nee tlaawayhúng hooté' ar sagalooa, kiwa ilaiwawa/a' as inooín tawa múk /uuruú koomaaká ta kuungane, asma inooín nee kuungá' a al aaluusér slafíngw alhhe'eesay wásl, kudá' tinda tawó amorhúngií haniís. Adoosíng tleehhaak as firorhúng makawa baáq.

1 SAMUELI 12:18

Naagáy Samueli AAKOÓ MUNGÚ guri firín, AAKOÓ MUNGÚ baalaadae kwarara/a nee tluwaay ngiri huúw, muu sleémeero AAKOÓ MUNGÚ nee Samueli kiri da'ayuút kángw kilá' wa ale.