Rumi 13:6 - Biblía Axweesantá Hhohho' ar Mungú 2004

⁶ Gaarí an gár kuungá' tas koódír bu'uunda'. Asma mukdá' aleesleemuú koóm a sagadiyuusér Mungú, qoomár hariímár gadiyér'ín kawa boo/eemisi.

Ya/abtór hho' 1977

⁶ Gaarí an gár kuungá' tas koódír bu'uundá'. Asma mukdá' aleesleemuú koóm a sagadiyuusér Mungú, qoomár hariímár gadiyér'ín kawa boo/eemisi.

Rumi 13:6 Iomraidhean Croise

2 SAMUELI 8:5

Múk Aramu oo Damasko Hadadeseri, waawutmoó Soba, kuwa ale/iisár áy, Daudi gina haraslaáhh, múk kumér mibeeri tsár nee tsár guri tsuú/.

1 QOM'I 18:14

Daudi múk Israeli sleémeero guri sa waawuti'ín, nee mukós sleeme gwaa barqantusiiká.

ESRA 4:13

Hám daxta i xu'utit dír waawutmoowo adór gixsarí barka tleéhh nee koo/irós bira hhooeér, mukwí ohme sleémeero gari sii' bu'utuuwo, nee aleema niri dahiyá' baraá tlakoó doó waawutmoowo.

ESRA 4:20

Slám waawituú aleesleemuú koóm baraá Yerusalemu ngina hootiyé', inooín yaamaá gayuú /uwa yaaér Eufratero ngina sawaawuti'iné', nee ohme sleémeero ngina ohiné'.

ESRA 6:8

Slám an malé kah, kuungá' muksíng ale/iisaak baraá gadiyeérihe. Bu'utuuín sleémeero hanisaak, mu tligisara' baraá daqaari'iimár waawutmo tiwa duxe' nee baraá ohmeedá' tinda burumburín dír ayeemoosá gayuú /uwa yaaér Eufratero.

NEHEMIA 5:4

Slám kookaariya' tana káh, «Atén peésa ana kirikaán as ohmér waawutmo kawa buaan daanduú qamuurene nee sabiíbuurene.

Luka 23:2

Kuri sakwasleemuút ta kaahi, «Heewí una araán iwa xooroorén sageqwaaremisi, asma i múk ila/án oo koódír hanmiís dír waawutmoó múk Roma, slám i kaahi, ‹Aníng a Kristo, waawutmo.› »

Rumi 12:8

Nee heé aleesleemuú gurbu'uungw gu koóm, muu ngu gurbu'un. Heé muruuwós hanmiís, ngu hanmiisi ar muunuú /awaák. Heé múk hatlá' sageesihhimiít, muu ngu sagesihhimiiti ar ilakaaharu. Heé gurtleemuú koóm, muu ngu gurtlatlay ar qwala/.

Rumi 13:5

Gawaá adoorihe, ilaiwa/ame i hariín, as li/aay kilós kuwa da'ayumita'aaká, ala as afoodá' baraá munerhúng wa axwees.

Rumi 13:7

Umuúqo heewo tidá' inós wa hariim haniisaak. Heé koódi, koódír i haniisaak, heé ohme, ohmér i haniisaak, kudá' daér wa hariím, da'ayuumitaak, kudá' ilaiwa/amér wa hariím, ilaiwawa/aak.