Rumi 13:4 - Biblía Axweesantá Hhohho' ar Mungú 2004

⁴ Asma inós a sagadiyusmoó Mungú, as hhooeema ngiwa kuúng i tleehhi. Ala bar tlakweemaá tleehhít, da'ayuút, asma tsataay gu tawó konká, ala a as tawa sagadiyusmoó Mungú oo li/oó bu'uúm dír mukdá' muruú tlákw tlehhiita.

Ya/abtór hho' 1977

⁴ Asma inós a sagadiyusmoó Mungú, as hhooeema ngiwa kuúng i tleehhi. Ala bar tlakweemaá tleehhít, da'ayuút, asma tsataay gu tawó konká, ala a as tawa sagadiyusmoó Mungú oo li/oó bu'uúm dír mukdá' muruú tlákw tlehhiita.

Rumi 13:4 Iomraidhean Croise

1 WAAWITÁ 10:9

I xirfuuti AAKOÓ MUNGÚ, Munguúwók kudá' gaa slaa' kuúng uwa qaasi waawutmoó múk Israeli wa alé. Asma AAKOÓ MUNGÚ múk Israeli gwaa ló'wa slaá' ay alhhe'eesay wasle, hám kuúng ugwa waawutmoó wa qaás, as kwasleemár ganaa' kawa tlehhit, nee hotaá ganaa'á' kiwa ar hot.»

2 QOM'I 19:6

Giri báy, «Ti harmagahhe' baraá gadiyér ta tlehha'a, asma gadiyeérí a daanduú heekoó wa tlehhita'aaká, ala an daanduú AAKOÓ MUNGÚ wa tlehhá', nee inós a dinkwa nee kuungá' qoomár bar kwasleemadá tlaqá'.

AXWEESANOÓ SAGALOOA 16:14

Buhhtaá waawutmo a adór heé gwa'ara naa ya/áp. Ala heé sagalooár koóm gin har'oh.

AXWEESANOÓ SAGALOOA 20:2

Buhhtaá waawutmo a adór /orootlór diraangw, Heedaádaá gwa buhhtis tlakweema gaa tleéhh.

AXWEESANOÓ SAGALOOA 20:26

Waawutmoó sagaloó' tlakuuse gan hariitlees, nee gin muux ar difiitamo.

AXWEESANOÓ SAGALOOA 20:8

Waawutmo bira iwiít gawaá kitaangós oo sakwasleema, tlakweema sleémeero gi hariitlees ar ilaawós.

ISAYA 1:17

Tlehhma'aá hho' tlehhtuuwo na intsatsaahhaak, sakwasleemár ganaa' tlehhitaak. Awa ta baramaanuusi alee/imisaak, panaay aleeslaqwaak. Kwaalo'o aleekala/aak.»

YEREMIA 5:28

An gár inooín tasa wahhadiít niri hhohhoaa'ayé'. Muruú tlákw tlehhtuuwo harqoomaay ngu xuiaaká. Sakwasleema ngi adór ganaá'ár tlehhitiaaká, na/aá panaay ki hariímar'ín i hanmisiiká, laqaá tam gan'amuú múk aa waasla'amuut ku aleekal/anká.

ESEKIELI 22:27

Geeraharuuser'ín baraá gixsaro a adór taweruú makiito'ór /aáy, ta tsu/uut as tiwa kilooín daqaari'itimisiya' ar loohír qoomaaká.

ESEKIELI 25:14

Muk'eé' oo Israeli un aleesleemuú i haniís oo li/ay nguwa buiya' dír múk Edomu, inooín adoodá' buhhtaaeé' i dirii'iya' ngi tleehhiyá' dir'ín i alé. Múk Edomu ilooeemaá li/aydá' aníng ni buu' giri tsaahhh. Anuú Aakoó MUNGÚ tí ngina oó'.»

MIKA 3:9

Na'asé' kaangwí iiárií qaasaak, kuungaásingá' geeraharuusér múk Yakobo, kuungaásíngá' baaluusér doó Israeli ngu sawaawuti'ii'imá', kuungaásingá' sakwasleemár ganaa' ngi ahhiitá', nee hhooeema kiri paslisé'.

Rumi 12:19

Sla'aaruuser'eé', li/aay mu bu'uumara', ala bu'utuú li/aay dír Mungú i mawaak. Asma kaa gooín, «Aako i kaahi, li/aay a daanduueé', aníng li/aay u buú'.»

Rumi 13:6

Gaarí an gár kuungá' tas koódír bu'uunda'. Asma mukdá' aleesleemuú koóm a sagadiyuusér Mungú, qoomár hariímár gadiyér'ín kawa boo/eemisi.

1 Tesalonike 4:6

Umuúqo heewo dirhunge hhiyaawós munguwa al/aáy, laqaá munguwa sadakuús baraá kaangwihe. Asma heé adoorí gaa tleehh ku li/áy buu' nee Mungú, adoodá' ngira qaroó geerií gawdeesaán dirhúng i alé.

YOSHUA 20:5

Barnaxes heedá' li/oó bu'uúm ngwa aluú wa guús ay baraá gixsadá', bariisér gixsadá' heedaádá' munguwa hanís dír kudá' li/oó bu'utuú wa slaá', asma gwaa fahharír wa gaasiiká, gaa a pa/aayo, wakaarír geerií dáw i káhh.

YOSHUA 20:9

Gixsaduuká' kina tsawaár as xoorór Israeli sleémeero nee dahaayér baraadá' wa hoota, as kahhó' umuúqo heé hee gwa pa/aayór wa gaas, iwa amoodií guwi as mukuwa gaás nee heé li/oó bu'uúm, ay dír kwasleemarós kay tleehhi.

1 Petro 2:14

Iialooemisé' dír ga/awuuseerose, asma inooín a múk tinda ya/aáw nee inós, as mukdá' tlakweema gaa tlehhiit kuwa doohhomiisi, nee kudá' tlehhema'aá hhohho' gaa tlehhiit kuwa diidi'iimisi.