Rumi 12:7 - Biblía Axweesantá Hhohho' ar Mungú 2004

⁷ Hee aleesleemuú i kon bar oo muu alee/iimis, heewí muu ngu alee/iimisi. Heé aleesleemuú intsaahhatimis gu koóm, i intsaahhatimisi.

Ya/abtór hho' 1977

⁷ Hee aleesleemuú i kon bar oo muu alee/iimis, heewí muu ngu alee/iimisi. Heé aleesleemuú intsaahhatimis gu koóm, i intsaahhatimisi.

Rumi 12:7 Iomraidhean Croise

WARA'AMI 34:11

Qwalaasaré', kuungá' ná/ii, iiárií qaasaré', án kuungá' nu intsaahhatimiís adór AAKOÓ MUNGÚ kur ilaiwawa/a'.

WARA'AMI 51:13

Tlakuuse a intsaahhatís lohduuwoge, nee múk tlakuuse niri amoorógi kii/.

DAHARUSMO 12:9

Daharusmoodá' dinkwa nee sagalooár i kona inós muu guna intsaahhatimís xu'utiro. Inós axweesantá sagalooa ar yaariir gana alqaytsimiít nee gari aldakuút, nee gari qoomeemeés ar magahhto.

ISAYA 21:8

Aluuwo xuumusmoodá' iri tseé', i kaahi, «Aáko, aníng ana gawaá /aampár wa sihhmamiít, ana xumaamiís tlaatla/aangw sleémeero, xuumár xweera sleeme ana óh.

Matayo 28:19

Gawaá adoorihe tlawsé', xoordu sleémeero eeharuuse tleehhaak, ki baatimisá' ar umuú Baabá nee oo Garma nee oo Qeeruú hhoohhoó' oo Mungú.

Yohana 3:2

Heewí ina amór Yésú káy xweeraá ale, guri báy, «Intsaahhatusámo, a xuaán adór kuúng tar intsaahhatusmoó amór Mungú daáhh, asma heé muruuwí xuawaslén kuúng ta tlehhahhit gu aleesláw i kaahh, aqo har heé nee Mungú dinkwa.»

Tlehhema'aá ya/Abuuse 13:1

Baraá múk kríshaanáy kudá' baraá Antiokiár i diriia aaruuse i deer nee intsaahhatuuse. Inooín a Barnaba nee Simon kudá' ta bay Nigeri, nee Lukio, heé yaamaá Kirene, nee Manaeni, heé aa uray dír doó baabuú waawutmo Heróde wa ale, nee Saulo.

Tlehhema'aá ya/Abuuse 20:20

Aníng kuungá' /aymuú nuwa /iít i kaahh. Ala umuúqo gaaro baraá axweesantá Munguhe ana alki/iít, nee ana intsaahhatimís ar geehhoeema laqaá tam baraá maraay, as alee/isayhúng.

Tlehhema'aá ya/Abuuse 20:28

Kuungá' kilá' munerhúng harmagahhaak, nee kríshaanáydá' sleémeero, kudá' Qeeruú hhoohhoó' oo Mungú kuungá' nuwa qaás tawa xuumuuser'ín. As múk Aako kuwa de'eenda', kudá' inós aa tlaáxw ar tseereerós ar kilá'.

Tlehhema'aá ya/Abuuse 6:1

Deeloodae faarór eeharuuse iri doogigiín. Múk Yahudi oo tsifrír Yunanír axweés, iri qununuú/ daanduú múk Ebraniaro, asma kwaeelii'ín kaa gunqaareés muruú /aymaadá' umuú baalaaro ta qasmiisi.

1 Korinto 12:28

Baraá tla/ángw kríshaanayhe Mungú muu bahh'alé guna qaás. Múk geera a ya/abuuse, múk tsár a kuduú aaruuse, múk tám a intsaahhatuuse. Múk aluudá' a kudá' aleesleemu gu koóm oo muruú waa/oo/amo nguwa tlehhiiti. Nee slám múk aluudá' a mukdá' aleesleemu gu koóm oo tiqtuuse kawa hungu/umiisi, nee kudá' aleesleemu gu koóm oo muu kuwa alee/iimisi. Nee oo hatlá' a mukdá' aleesleemu gu koóm oo muu kuwa geeraharaahari, nee oo hatlá' a kudá' aleesleemu gu koóm oo tawa axweesi ar tsifrír dimbadimbé ar xuawaslen.

1 Korinto 12:5

Nee slám gadiyér dimbadimbé i deer, ala Aako a wak.

1 Korinto 14:26

Ala hháe, adór ta laqa' a adoomá? Qoomár kuungá' bar aga burumburité', umuúqo heewo dirhunge barnaxes i daa'ángw kón, laqaá axweesantá intsaahhasa, laqaá axweesantá taa amoorós i geehhooeés, nee laqaá axweesantá tsifrír xuawaslen, laqaá ilaharmisuú axweesantadá', masók muruuwí sleémeero in tleehharuut as múk kríshaanáy kuwa kwa/amisi.

Galatia 6:6

Umuúqo heé ta intsaahhatimisi axweesantá Munguhe, intsaahhatusmoowós ngu qay tidá' hho' sleémeerowo.

Efeso 4:11

Inós aleesleemuú Qeeru ngwa haniís, bahh'alé tawa ya/abuuse nee bahh'alé tawa aaruuse, nee kookaariya' tawa múk Ya/abtór hhó' alki/iít. Nee slám awa hatlá' tawa de'eemuuse nee intsaahhatuuse.

DABE 33:10

Nee na/aá Yakobo ngi intsaahhatisiye' kaahiroge, múk Israeli dabeeroge ngu intsaahhatisiye'. Mooyángw tsuú' nguri geeraawók i qaasiyá' nee ilahhooár da/a sleémeero gawaá kitaangók oo ilahhooa.

Kolosai 4:17

Arkipo ku beera', «Gadiyeérók tidá' tinda haniís baraá Aakoowo ga/aaweek, as kawa boo/es.»

1 Timoteo 2:7

Nee aníng tina qaás tawa alki/itusmoó kaangwí nee tawa Ya/abusmo. Tí ni kah ar ló', lamtá ni kah i káhh. Tina qaás múk xoordaá hatlá' nguwa intsaahhatimis daanduú haratlintaao nee looeemaawo.

1 Timoteo 3:2

Geeraharusmo gár kuwa hariím masók a heé ta muruú tlákw i kaahiiká, inós masók hareerós a wak. Masók a heé qoóm nee oo sagaloó', heé muruú qoomeemeés, heé dahi'iimis, oo intsaahhatisa ga baál.

1 Timoteo 4:16

Adór kuúng tar hot ga/aaweek nee muruudá' ta intsaahhatimis ga/aaweek sleeme, kumiít muruuwí sleémeero kuwa tlehhit. Asma adoorí bara tléhh, daqaní kuúng kilók ti ba/amís, nee mukdá' sleémeero kuúng u iiárií qamiím sleeme.

1 Timoteo 5:17

Bariisér gadiyér'ín ar geeraharu'uuma ga tleehh ar adoodá' qoom ki ló'wa ilaiwawa/i, ak alé tidá' ti daawiitimis ar muu kuwa axweesantá Mungú i alki/iiti nee kuwa intsaahhatimisi.

2 Timoteo 2:2

Kuúng tidá' sleémeero aníng naa intsaahhatimís dír geeraá múk wa ale aga axás. Kuúng intsaahhasarí ka saayiín dír múk inkihhimuú koóm, kudá' aleesleemuú koóm oo múk hatlá' kuwa intsaahhatisi sleeme.

2 Timoteo 2:24

Ala lawaalmoó Aako miwa gilín. Ala masók a heé hhoó' dír umuúqo heewo. Slám masók a intsaahhatusmoó hhoó', nee heé qiqtlíngw baál.

2 Timoteo 4:2

Ya/abtoorí alki/iiteek, masók tu amohhoó' qoomár hariima nee qoomár hariimaakahe. Tlakweemaá muu geehhooutiseek, iigahhamiiteek, naanaqeek ar qitla sleémeero, nee kiwa intsaahhatimis.

1 SAMUELI 12:23

Tam adoorihe amór bartá aninge, aníng AAKOÓ MUNGÚ muwa tlakweemií tleéhh ar kuungá' nuwa maw aleefirooro, ala nun intsaahhatís baraá lohaá hhoe nee awa ganaa'ae.