Rumi 12:6 - Biblía Axweesantá Hhohho' ar Mungú 2004

⁶ Atén aleesleemuú Qeeru oo dimbadimbé u koomaán, ar harqoomoó tsuuqaadá' Mungú naa atén i haniís. Gawaá adoorihe heé aleesleemu gu koóm oo ya/abtór amór Mungú daahh kawa alki/iiti amór múk i alé, inós ngi alki/iiti ar harqoomayduú haratlintaaoorós.

Ya/abtór hho' 1977

⁶ Atén aleesleemuú Qeeru oo dimbadimbé u koomaán, ar harqoomoó tsuuqaadá' Mungú naa atén i haniís. Gawaá adoorihe heé aleesleemu gu koóm oo ya/abtór amór Mungú daahh kawa alki/iiti amór múk i alé, inós ngi alki/iiti ar harqoomayduú haratlintaaoorós.

Rumi 12:6 Iomraidhean Croise

Matayo 23:34

«Gawaá adoorihe xumiisé'. Án aaruuse ngi amorhúng i ya/aáw nee múk sageloene, nee intsaahhatuuseero. Inooín bahh'alé kuungá' i tsu/á', bahh'alé i kiki'iindá', bahh'alé i muxá' baraá maraá saalingwhunge, nee kiwa gusisiinda' baraá umuúqo gixsaro.

Matayo 25:22

«Kudaáduú talaántár tsár gaa slay niri hardáh, iri oó', ‹Aáko, kuúng talaántár tsár ngina dir'eéní hanís. Qaytsiít, talaántár hatlá' tsár ngaa sláw baraá halaanu'uumaro.›

Luka 11:49

Gawaá adoorihe gaarí an gár sagalooár Mungú isa ó', ‹Ga/aawaak, aníng aaruuse nee ya/abuuse an amor'íní ya/aáw, nee bahh'alé kin tsuu/, nee bahh'alé kin gusiisín,›

Tlehhema'aá ya/Abuuse 13:1

Baraá múk kríshaanáy kudá' baraá Antiokiár i diriia aaruuse i deer nee intsaahhatuuse. Inooín a Barnaba nee Simon kudá' ta bay Nigeri, nee Lukio, heé yaamaá Kirene, nee Manaeni, heé aa uray dír doó baabuú waawutmo Heróde wa ale, nee Saulo.

Tlehhema'aá ya/Abuuse 15:32

Yuda nee Sila inooín a aaruuse. Gawaá adoorihe niri alqadidiné' dír hhae ar axweesanoó yaariír, hhae ngiri gurkwa/amiisiyé', nee /uuru nguwa slaya' baraá haratlintaaooro.

Tlehhema'aá ya/Abuuse 2:17

‹Mungú ina oó', Adoorí an adoodá' ni tleehh bál deelór alhhe'eesaywo, aníng muu sleémeero un Qeeruueé' i haniís, daaqayhúng nee dasuuhúng tari aariirín, masoombarhúng iigu'utu guri aán, nee bariiserhúng iri tlatitiín.

Tlehhema'aá ya/Abuuse 21:9

Heewí dasuú tsiyáhh oo /amaatliite gu kón, inooín qeemuú aaru'uuma ngu koná'.

Rumi 1:11

Asma án kuungá' nu ló'wa artá wa slaá', as tsuuqaá Qeeru ngiwa haniis as kuungá' /uuru kuwa sleera' baraá haratlintaaooro.

Rumi 12:3

Mungú aníng ina aleesleemuú i haniís. As aleesleemuuwí án naa slawi, án umuúqo heewo dirhunge un babaw, «Kuúng uraay mu leelehhitaar ta adoodá' kuúng ti dir'a. Ala kuúng masók tin niinaweemís, umuúqo heewo masók ti kilós ga/áy ar harqoomoó haratlintaaoodá' taa haniís nee Mungú dír umuúqo heewo.»

1 Korinto 12:18

Ala Mungú umuúqo diqto gana gawaá slaqwtá i qaás ar adoodá' inós aa slaá'.

1 Korinto 13:2

Slám án tam aleesleemuú aaru'uuma u kooma, nee lu/aaráy sleémeero tam u xua, nee xu'uti sleémeero, slám tam haratlintaaór ur a kooma, tidá' tlooma ngiwa hingees, ala bar sla'aari a koomaaká, aníng a gár tawo.

1 Korinto 14:1

Kuungá' sla'aari ló'wa leelehhiitaak. Nee aleesleemuú Qeeru sleeme leelehhiitaak, kawa ure aleesleemuú tawa aaririinda'.

1 Korinto 14:24

Ala sleémeero barnaxes tan aariirín, aluuwo heé aa haratlintii'iiká, laqaá heé adoodá' xuaaká, bar naa dáh, inós ti kilós tsaáhhiíke, ar /aymi'iidá' aa axaás, nee slám /aymi'iidá' sleémeero inós ngu sakwasleemuutíaáke?

1 Korinto 14:29

Múk tsár laqaá tám i aariirine, nee múk hatlá' aaridá' ngi alqaytsiti.

1 Korinto 3:5

Ala Apolo a heemá? Nee Paulo a heemá? Atén a sagadiyuusér Mungú, nee kuungá' ana dirén wa haratlintié'. Asma umuúqo heewo direne gadiyeérós gana tleéhh ar adoodá' Aako ngira aténí.

1 Korinto 7:7

Asma aníng geera gár ni slaa' masók umuúqo heewo geera a adór aníng. Ala umuúqo heewo aleesleemuuwós oo Qeeru gu kón, kudá' taa haniís nee Mungú. Heewí a adoorí nee kuqá' a adorqá'.

2 korinto 8:12

Asma kuúng gaa barnaxes a slá' haniisaro, yaareema nee niinaweema a gaarooká. Mungú gár i slai a tidá' kuúng ta koon kawa hanis, ala a tidá' kuúng ta koondaaká.

Efeso 3:5

Qoomár aa waarahhi lu/aaráywí kwa laqaniká dír muu. Ala daxta Qeeru gwa geehhooatís dír ya/abuuseerós ar hhohho' nee dír aaruuse.

Efeso 4:11

Inós aleesleemuú Qeeru ngwa haniís, bahh'alé tawa ya/abuuse nee bahh'alé tawa aaruuse, nee kookaariya' tawa múk Ya/abtór hhó' alki/iít. Nee slám awa hatlá' tawa de'eemuuse nee intsaahhatuuse.

Filipi 3:15

Ateéká' sleémeero awa ganaa'á', gár tiwa hariím a adoorí an inslaslaawaán. Ala kuungá' bar adór hatlá' aga inslasleeré' gawaá umuúqo gaaro, Mungú muruudá' ngu kuungá' i geehhooatis.

1 Tesalonike 5:20

Axweesanoó aaru'uuma mu baloó waaqaqa'aara'.

2 Petro 1:20

Ala kuungá' /aymuuwí xuaak, aaru'uuma i káhh baraá Gooír hhoohhooe ar hee i ilaharmiisi ar adoodá' inós i slai.