Rumi 12:3 - Biblía Axweesantá Hhohho' ar Mungú 2004

³ Mungú aníng ina aleesleemuú i haniís. As aleesleemuuwí án naa slawi, án umuúqo heewo dirhunge un babaw, «Kuúng uraay mu leelehhitaar ta adoodá' kuúng ti dir'a. Ala kuúng masók tin niinaweemís, umuúqo heewo masók ti kilós ga/áy ar harqoomoó haratlintaaoodá' taa haniís nee Mungú dír umuúqo heewo.»

Ya/abtór hho' 1977

³ Mungú aníng ina aleesleemuú i haniís. Gawaá aleesleemuuwí án naa slawi, án umuúqo heewo dirhunge un ádbabáw gídaabá, “Kuúng miti kilók harafadiitaar tawa heé gídaabár koóm ta adoodá' kuúng ti dir'a. Ala kuúng masók fuquraangók unar inslasleér, umuúqo heewo masók ti kilós ga/áy ar harqoomoó haratlintaaoodá' taa haniís nee Mungú dír umuúqo heewo.”

Rumi 12:3 Iomraidhean Croise

AXWEESANOÓ SAGALOOA 25:27

I qoondaaká danú kuwa tlahhas /aymaaro, sleeme i qoondaaká tiwa kilók diidi'iimis.

AXWEESANOÓ SAGALOOA 26:12

Heé sagalooarós ga ar daara/aám ugwa aándi looár wake. Daktani an haragóp ta inose.

DAHARUSMO 7:16

Gan'amu mu tlehhaar kway harwarahhás, laqaá sagalooaro ma harwarahhaar, gár tis kilók hhaamis a milá?

MIKA 6:8

Aá heewí, AAKOÓ MUNGÚ gár kuúng wa hariim tlehhmuuwo ngaa laqán. AAKOÓ MUNGÚ gár i slai a tí: Gan'amu kuwa tlehh, hhooeema kiwa sla', nee tawa hot dinkwa nee Munguúwók ar tiwa niinaweemis dír geeraawose.

Luka 18:11

«Heé Farisayo ina sihhiít, iri adoorír firín kilós alé, ‹Mungú, án kuúng u sluufmiís, asma aníng a adór múk hatlaeeká, a adór fisuuseerooká nee adór al/aymuuseerooká nee adór fuquuseerooká, laqaá a adór ohomusmoowú koódirooká.

Yohana 3:34

Asma heé Mungú naa ya/aáw, kángw i axweesi oo Mungú. Asma Mungú Qeeruú hhoohhoó' gu haniisiiká ar qoomeemes.

Rumi 1:5

Mungú aníng ina tsuuqaá i haniís niwa ya/abusmo tleehhiit as Kristo. Adoorí gana tleéhh ar loohír Kristo, as aníng xoordu sleémeero ngiwa geerahaar amoorós, as nguwa haratlintii'iya', nee nguwa iialooeemisiya'.

Rumi 11:20

Ar ló', inooín kina tlaáq, ala gár kisa tlaáq a haratlintaaoowasler'ín. Ala kuúng a gawaá xa'anoodá' taa dahaás i dirí' as haratlintaao. Gawaá adoorihe, kuúng ma daara/aamaar, ala masók an da'ayumít.

Rumi 11:25

Hhaee'eé', án gár ni slaa' a lu/aaráywí un xuá', as kuungá' miti kiloohúng xirfayeemisaara' as sagalooarhúng. Ala lu/aaráy a kwí, múk Israeli bahh'alé muner'ín aa gawduuduúr, ala ar har qoomár niina, ay dír múk xoordu sleémeero i dahi, kudá' ba/ám.

Rumi 12:16

Kuungá' masók ti kiloohúng axweesani slasleerá'. Kuungá' uraay mu leelehhiitara', ala masók tin niinaweemisá'. Kuungá' miti kiloohúng harafadiitara' tawa múk sagalooár koóm.

1 Korinto 15:10

Ala gár aníng nis adoorí dirii' a tsuuqaá Mungú. Slám tsuuqaawós kuká' naa aníngí haniís a tawoorooká. Ala aníng gadiyeé ana ak tleéhh ta kudá' hatlá' sleémeerowo. Ala heé gaa tleehh a aningeeká, ala a tsuuqaá Mungú kudá' dinkwárí diriia' nee aníng.

1 Korinto 3:10

Aleesleemuudá' Mungú naa amor'eénií haniís, aníng una ar gadiyuús, iihhafiirír hhoo' ngiri qaás, ar adoodá' tleehharusmoó do' ir tleehhimamiti. Nee heé hatlá' i gawaá iihhafiiridá' in tleehhiit. Ala umuúqo heewo adór ir gawaá iihhafiiridií tleehhiti ngi alqaytsiti.

1 Korinto 7:17

Ala umuúqo heewo gár kuwa hariím masók i kumiit hotaango ar adoodár aleesleemuú Qeeru, kudá' Aako aa dirós i haniís, nee adoodá' inós i dirii'i qoomár kuwa ateét nee Mungú. Gaarí an gár ni hara'ayiyiim dír kríshaanáy oo umuúqo diiro.

2 korinto 10:13

Ala atén birti kiloorén xirfayeemisaán, xirfuurén i harki/isoó kón. Harki/isaydá' Mungú guna qaás as gadiyeérén, nee kuungá' a baraá harki/isaydá' i dir'á'.

2 korinto 12:13

Gár dirhunge aníng naa /itiím i káhh, baraá tidá' naa haniís dír múk kríshaanáy oo yaamaá hatlae. Ala aqo har tí kilós, kuungá' naa huwár ar awiiká. Án gurtlawaaré' as nuwa sadakuús adoorír alé.

2 korinto 12:7

Geehhoeemisuudá' urén oo tinda aníng i haniís i ló'wa waa/oo/amór kón. Gawaá adoorihe laqaymo kunguna gawaá slaqwte'eénií dahaás, as aníng mawa daar/uút as daanduú geehhoeemisuudá'. Laqaymoowí naa sláw a malaykamoó Neetlaangw, oo tinda ya/aáw as aníng iwa slahhi, as aníng mawa daara/uút.

Galatia 6:3

Hee bir baraá muunaáwós i kaahi, «Aníng a heé kilá',» ala laatí inós a heé kilaeeká, heé adoorí tin kilós al/agín.

Efeso 3:2

Án ngi slaá' kuungá' aga axasé' adór Mungú aníng ira ló'wa tsuúq as gadiyeérí ngiwa aníng i haniís, ar kuungá' nuwa sagadiyuus.

Efeso 3:4

Kuungá' bura soomusé', adór lu/aaráydú Kristo án ngura xuú' a tsahhá'.

Efeso 4:16

Inós slaqwa sleémeero gan haragaas dinkwárií alé, gari dinkwárií nigihhitis ar kanuúdá' Mungú naa haniís. Inós umuúqo diqto gan aleesleemií hanmiis, gadiyeérós tidá' taa haniís ngiwa tlehh. Gawaá adoorihe slaqwa sleémeero in uraareér, nee tiri kwa/amís ar baraá sla'aari.

Filipi 2:13

Asma Mungú in baraahúng wa gadiyuus. Inós kuungá' nu alee/iis as sla'aarirós kawa tlehha' nee gadiyér hhoo' kawa tlehha'.

Kolosai 1:29

Aníng a gadiyuús nee a naagamiís as gadiyeédá' ngiwa boo/ees, ar baraá /uuruudá' úr oo Kristo ni aníng i hanmiisi, /uuruudá' ló'wa gadiyuús baraaeé' wa ale.

Kolosai 2:13

Kuungá' aáng a tu'u, as tlakweemaahúng, nee as tunduwa al/utliiká, asma kuungá' tawa múk xoordaá hatlá'. Ala hám Mungú kuungá' sleeme naa slafís dinkwa nee Kristo, qoomár tlakweemaarén sleémeero ngiwa gurtláy,

1 Timoteo 1:14

Aníng gurtleemuú Aakoorén una ló'wa sláw, dinkwa nee haratlintaao nee sla'aari tidá' ta koomaan baraá Kristo Yesuwo.

1 Timoteo 2:15

Ala /ameena ka ba/amis ar xwaylar'ín, barnaxes taa kumiít baraá slafíngw haratlintaaooro nee sla'aari nee hhoohhooeema, dinkwa nee muunuú qoomoó koóm.

1 Timoteo 2:9

Tam /ameena sleeme an hara'ayiyiím gídaabá, masók inooín a múk qoóm nee oo tsatsaa'arén as tsitay'ín. Tsitay'ín masók a tsitoó qoóm. Slám mitiwa parootusiyé' ar se'eengw kuwa hhutliiti, laqaá ar kwaslaá tlaxo gawden, nee tlabaá tlaxo gawden.

Tito 2:12

Gurtleemuuwí atén tin intsaahhatimis tlakweema kiwa siaan, nee ilatleerír tlákw adór tidár múk aa haratlintii'iiká. Nee slám atén tawa hootaan ar danqamis nee ar hotaá ganaa'á' nee ar Mungú kuwa ilaiwawa/aan hamí baraakaá yaamuwo,

Tito 2:2

Bariisér aa uraareer ka beer, ar tunduwa hariím masók an danqamisuú koondá', nee masók a múk daharuú koóm, nee sagalooa. Nee slám masók a múk aa sihhiit baraá haratlintaaooro, nee baraá sla'aariro, nee tam baraá qiqtliingo.

Tito 2:4

as sagalooa kawa hanisa' dír /ameenár ninakw. Ka intsaahhatimisá' hhawaateeín ngiwa slaiya', nee na/ii'ín sleeme,

Tito 2:6

Tam masoomba sleeme naanaqeek masók a múk danqamisuú koóm.

Yakobo 4:6

Ala tam adoorihe gurtleemuudá' ni atén i hanmiisi ku ak ló'wa ur. Gawaá adoorihe Gooi i malé kat, «Mungú múk daara/aám gu sii', ala mukdá' ti niinaweemiís gu gurtláy.»

1 Petro 1:13

Gawaá adoorihe inqwaruuhúng siinootaak, nee ta dal'á'. Kuungá' masók tsuuqaadá' tindi haniisi qoomár Yesu Kristo burkwa geehhooeés, in ló'wa harahhifá'.

1 Petro 4:11

Heé axweesantá Munguú alki/iít, ngi alki/iiti ar adoodá' axweesantá Mungú i kat. Heé gadiyuús, i gadiyuusi ar /uuruudá' Mungú aa haniís dirós i alé, as kahhó' Mungú iwa xirfuuti baraá mura' sleémeerowo ar loohír Yesu Kristo. Xirif nee aleesleemu a kós tam ay alhhe'eesay wasle. Amin.

1 Petro 4:7

Alhhe'eesoó mura' sleémeero aa nakaá/. Gawaá adoorihe kuungá' masók a múk ti ila/aám nee múk dalaá', as kahhó' kuungá' tawa múk Munguú firiiriím.

1 Petro 5:5

Kuungá' masoómba sleeme, iialooemisé' dír múk urene. Kuungá' sleémeero niinaweema ya/aamaak, as tiwa kiloohúng sagadiyusa'. Asma kaa gooín, «Mungú múk daara/aám gu sii', ala mukdá' ti niinaweemiís gu gurtláy.»

1 Petro 5:8

Kuungá' masók a múk qoóm. Dalaaé', asma wakusmoohúng, Neetlaangw, i adór dirángw wa harweerirín, kudá' aahhamiím, as heé i gu/i nguwa leelehhiiti.

3 Yohana 1:9

Kángw naa gooiím amór múk kríshaanáy i deer, ala Diotrefe, kudá' uroó slaá' dir'ine, inós atén ti iiárií qaminká.