Rumi 12:20 - Biblía Axweesantá Hhohho' ar Mungú 2004

²⁰ Ala Gooi i malé kat, «Wakusmoowók bir qwariit, /aymiiseek. Nee bir waxiit, wahaaseek. Asma adoorí bar aga tléhh, kuúng daqaní gil'o aga gawaá sagós i dalá/.»

Ya/abtór hho' 1977

²⁰ Ala Gooi i malé kat gídaabá, “Wakusmoowók bir qwariit, /aymiiseek. Nee bir waxiit, wahaaseek. Asma adoorí bar aga tléhh, kuúng daqaní gil'o aga gawaá sagós i dalá/.”

Rumi 12:20 Iomraidhean Croise

IIMU/UUNGW 42:25

Yosefu iri oó', «Xosluuín dala/aak balaango, nee peésár umuú heewo ka ki/isá' baraá mayshu, nee muruú /aymar'ín oo loohi ku hanisá'.» Kiri muruudá' sleémeero i tleéhh ar adoodá' Yosefu aa oó'.

2 WAAWITÁ 6:22

Elisha iri oó', «Aasla'áy, mi tsu/aar. Ahaá kuká' ta tsu/utár wa sla' geeraawo kuúng iga ohiíndi ar paángarók laqaá ga/aleerók? Muksíng /aymiseek daqaní ki watlís amór waawutmooín.»

WARA'AMI 120:4

A tundun tlaquut ar maheerá qirqitlár slaqwaruuse, nee tundun hamiis ar gil'ór asla!

WARA'AMI 140:10

Gil'ór asla ngi i ku'ut, ki kwahhi baraá bohóngw iwa baloó ti'iitiaaká.

Matayo 5:44

Ala án nu baw, wakuuserhúng sla'aak, nee kudá' kuungá' nu slahh'eemiisá' aleefiririimaak,

Luka 6:27

«Ala kuungaásingá' anií axamiisá', án a kah, Wakuuserhúng sla'aak, kudá' nu ahhiitá' hhooeemií tlehhiitaak,

Rumi 12:21

Kuúng tlakweema muwa ar ba/iyé', ala kuúng tlakweema na ar ba/eek ar hhooeema.

1 SAMUELI 26:21

Saulo guri báy, «Aníng dakuús aga tleéhh. Ki/ang garmaaeé' Daudi, án kuúng u gár tlaákwií tleehhaaká, as laarí slafingw'eé' a gár afhhamít dír geeraawoge. Aníng aga daktu'uút nee kángw kilae aga tlakweés.»