Rumi 12:19 - Biblía Axweesantá Hhohho' ar Mungú 2004

¹⁹ Sla'aaruuser'eé', li/aay mu bu'uumara', ala bu'utuú li/aay dír Mungú i mawaak. Asma kaa gooín, «Aako i kaahi, li/aay a daanduueé', aníng li/aay u buú'.»

Ya/abtór hho' 1977

¹⁹ Sla'aaruuser'eé', li/aay mu bu'uumara', ala bu'utuú li/aay dír Mungú i mawaak. Asma kaa gooín gídaabá, “Aako i kaahi, li/aay a daanduueé', aníng li/aay u buú'.”

Rumi 12:19 Iomraidhean Croise

AXWEESANOÓ SAGALOOA 20:22

Ló' ma ooaar, «Tlakweemaaqá' na aníng i tleéhh i buú'.» AAKOÓ MUNGÚ na harahhifeek, inós kuúng u alee/iis.

AXWEESANOÓ SAGALOOA 24:29

Ma ooaar, «Tí naxooro a buú' dirósí ale, tlehhmuuwí naa aníng i tleéhh u buú'.»

YEREMIA 51:36

Gawaá adoorihe, AAKOÓ MUNGÚ i kaahi, «Ga/aawaak, aníng kuungá' nu aleekalaá/ daanduú kangwhunge nee li/aay nguwa buu' as kuungá'. Tlawtá Babuloni a /oomeés, nee kutlaywós u kahaás.

ESEKIELI 25:12

Aakoó MUNGÚ i kaahi, «Asma múk Edomu li/aay guna buú' dír múk Yuda, li/oó ló'wa tlaákw kuna buú'.

TLAHHOÓ LAÁWI 19:18

Li/aay mu bu'uumar, laqaá ma wakaarír ar hootara' nee mukók, masók inslaawmoowók un slá' adór kuúng tir kilók sla'. Aníng an AAKOÓ MUNGÚ.

Matayo 5:39

Ala án kuungá' nu baw, miti tlaampa'aamisaara' nee heé tlaákw. Bar hee tlaaqarmoowók oo doó /iyáy gwa slaáhh, tlaaqarmoó bartá hatlá' warqeeseek as nguwa slahhi sleeme.

Rumi 12:14

Mukdá' kuungá' nu slahh'eemiís, tsuuqumaak. Kuungá' tsuuqumé', ala ma lu'umisaara'.

Rumi 12:17

Tlakweema mi kuqár bu'uumara'. Ala tidá' hho' na tleehhaak dír geeraá muu sleémeerowo.

Rumi 13:4

Asma inós a sagadiyusmoó Mungú, as hhooeema ngiwa kuúng i tleehhi. Ala bar tlakweemaá tleehhít, da'ayuút, asma tsataay gu tawó konká, ala a as tawa sagadiyusmoó Mungú oo li/oó bu'uúm dír mukdá' muruú tlákw tlehhiita.

Efeso 4:27

Neetlaangw pa/aangw ir baraahúngií dahi munguwa sláy.

DABE 32:35

Li/aay a kwe'eé', heé gu buú' a aníng, qoomár ya'aaín birna ninkiritsimitiyé', asma deelor'ín ar amotlakwe naa xeér, alhhe'eesay'ín naa tseewúy.

DABE 32:43

Kuungá' xoorúdu, mukós xirfayeemisaak, kuungá' mungúi, inós sluufmisaak, asma inós li/oó tseerdaá sagadiyuuseerós gu buu', li/aay gun buu' dír wakuuseerós nee mukdá' inós gu ahhiít gu sakwasleemuut, inós mukós nee yaamuwose gi gi hheehhee'ees.

1 Tesalonike 4:6

Umuúqo heewo dirhunge hhiyaawós munguwa al/aáy, laqaá munguwa sadakuús baraá kaangwihe. Asma heé adoorí gaa tleehh ku li/áy buu' nee Mungú, adoodá' ngira qaroó geerií gawdeesaán dirhúng i alé.

2 Timoteo 4:14

Aleksanda, kuduú kareermo, adór tlaakw gaa ló'wa tleéhh dir'eene. Maweek Aako gu li/áy buu' as tlehhemi'iiwós kudaádá'.

Ebrania 10:30

Asma inós u xuaán kudá' aa oo', «Li/aay a daanduueé', aníng li/aay u buú'.» Nee aa malé oó', «Aako mukós gu sakwasleemuut.»

1 SAMUELI 25:26

Hamí aakooeé', adór AAKOÓ MUNGÚ slaáf ir daadeér, nee adór slafiingók i dirii'i, hamaá ga/eéra adór AAKOÓ MUNGÚ dakók ngura ilaá/, marmá aga bu'ká tseerdu kiwa ku'us, nee kuúng tari dakús. Wakuuseerók maweek, nee kudá' sleémeero kuúng u ar tlaákwí sla'á', i daktana tleehhitiye' adór Nabali wa ale.

1 SAMUELI 25:33

Mungú kiíng i tsuuqi, nee sagalooarók tisíng ngi tsuuqi, asma iwa ila/ niwa dahiiká baraá dakuúsár tseerdu ngiwa ku'uus, as marmá ngiwa buu' ar dakw'eé' oo kilá'.

1 SAMUELI 26:10

Daudi iri oó', «Ar adoodá' AAKOÓ MUNGÚ ir daadeér inós gun slaahh, laqaá deeloorós ar gwa'ara niqo xeér, laqaá in qo slaqwarár áy kuri baraadií suqúy.

1 SAMUELI 26:11

Ala AAKOÓ MUNGÚ i ya/anká dakw'eé' nguwa looloqoos gawaá heewós kudá' aa tsawaár guri iimbalaáx ar di/i. Ala lawaalarós tiqá' tseew dír sagós nee qumtá ma'aywo na taataahhang, daqaní a tlawaán.»