Rumi 12:16 - Biblía Axweesantá Hhohho' ar Mungú 2004

¹⁶ Kuungá' masók ti kiloohúng axweesani slasleerá'. Kuungá' uraay mu leelehhiitara', ala masók tin niinaweemisá'. Kuungá' miti kiloohúng harafadiitara' tawa múk sagalooár koóm.

Ya/abtór hho' 1977

¹⁶ Kuungá' masók ti kiloohúng axweesani slasleerá'. Kuungá' uraay mu leelehhiitara', ala masók tin niinaweemisá'. Kuungá' miti kiloohúng harafadiitara' gídaabá tawa múk sagalooár koóm.

Rumi 12:16 Iomraidhean Croise

2 QOM'I 30:12

/Uuruú Mungú gadiyeé gana tleéhh baraá munér múk Yudawo, inooín nay iialooeesiyé', hara'ayár waawutmo nee geeraharuuser'ine ngay eehariyé' adoodá' AAKOÓ MUNGÚ ngira oó'.

YOBU 36:5

Qaytsiít, Mungú i /uuruú kón slám inós i heé waaqaqaiiká, inós gár i xuiiká i káhh.

AXWEESANOÓ SAGALOOA 17:5

Heé narkutmoó niqiím a Tleehharusmoowós gun /oosliislín. Tam heé slahh'amuú múk wa qaseseém, inós ku mayká muxtaaro.

AXWEESANOÓ SAGALOOA 19:17

Heé narkutmo gwaa /iis a AAKOÓ MUNGÚ guna kirkitís. Inós ku buu' nee Mungú tlehhmuuwós kwí hhooe.

AXWEESANOÓ SAGALOOA 19:22

Gár heéwá hariim a kuwa inkihhím, nee narkutmo ku hara'áy ta lamusmoowo.

AXWEESANOÓ SAGALOOA 19:7

Narkutmo hhaeewós sleémeero ngun aahhiyá' mulqeerós kár maweek, gun ak ilaagóp, tam ngi eeharahaduú áy ar axweesanoó hhó', ala gi ariiká.

AXWEESANOÓ SAGALOOA 26:12

Heé sagalooarós ga ar daara/aám ugwa aándi looár wake. Daktani an haragóp ta inose.

AXWEESANOÓ SAGALOOA 26:5

Daktani adoodá' iwa hariin tir mu/aywats, as kahhó' mitiwa kilós harafát sagalooárí ale.

AXWEESANOÓ SAGALOOA 3:7

Miti kilók xuaar tawa heé sagaloó', AAKOÓ MUNGÚ ilaiwawa/eek, tlakweema ilaguweek.

ISAYA 5:21

Tsaxwaaín kudá' ti múk sageeloén wa tsatsahhaamá', nee kudá' ti kilooín tsatsahhaamá' tawa múk daharuú koóm.

YEREMIA 32:39

Aníng inooín in muunuú wák i haniís nee loohír wák, as kahhó' aníng iwa ilaiwawa/iya' umuú daqto, as kahhó' aníng inooín ngiwa hhooeemáy tleehh nee na/ii'ine.

YEREMIA 45:5

Xáy kuúng muruú urén u leelehhíta? Muruusíng mu leelehhitaar, asma ga/aaweek, aníng amotlakwe ngin huúw gawaá daanduú muu sleémeero, ala aníng slafiingók u ba/amís baraá slaqwaraaro umuú dír ta keera.»

Matayo 11:5

‹Taampu i xumiisiyá', taqooraay i hi'iimiit, múk tiqtír tsatmit ku hheehhe'eemiis, múk iia wásl i axamiis, tu'u ki waasle/atimis nee liitlakuuse ka Ya/abtór hhó' i alki/iit.

Matayo 26:11

Asma liitlakuuse nee kuungá' a dinkwa umuúqo daqto, ala án nee kuungá' umuú baalaaro a dinkwaarooká.

Luka 14:13

Ala qoomár muruú /ayma bura tléhh, narkuute na ateeteek, nee taqooraay, nee múk tiqtír sol'omit, nee taampu.

Luka 6:20

Aluuwo Yesu iri amór eeharuuseerósí qaytsiít, giri báy, «Múk amohhoó' a kuungaásaá narkuute, asma waawuti'iimár Mungú a toohúng.

Tlehhema'aá ya/Abuuse 4:32

Nee mukdá' aa haratlintii', muner'ín nee inslaway'ín tari wákleelí. Tam heé aa oo', «Gaarí a te'eé', ar aníng kilooeé',» i kaahh, asma muruuín sleémeero a alqaati.

Rumi 11:20

Ar ló', inooín kina tlaáq, ala gár kisa tlaáq a haratlintaaoowasler'ín. Ala kuúng a gawaá xa'anoodá' taa dahaás i dirí' as haratlintaao. Gawaá adoorihe, kuúng ma daara/aamaar, ala masók an da'ayumít.

Rumi 11:25

Hhaee'eé', án gár ni slaa' a lu/aaráywí un xuá', as kuungá' miti kiloohúng xirfayeemisaara' as sagalooarhúng. Ala lu/aaráy a kwí, múk Israeli bahh'alé muner'ín aa gawduuduúr, ala ar har qoomár niina, ay dír múk xoordu sleémeero i dahi, kudá' ba/ám.

Rumi 12:3

Mungú aníng ina aleesleemuú i haniís. As aleesleemuuwí án naa slawi, án umuúqo heewo dirhunge un babaw, «Kuúng uraay mu leelehhitaar ta adoodá' kuúng ti dir'a. Ala kuúng masók tin niinaweemís, umuúqo heewo masók ti kilós ga/áy ar harqoomoó haratlintaaoodá' taa haniís nee Mungú dír umuúqo heewo.»

Rumi 15:5

Qitla nee gurkwa/amis amór i dahhiya' a amór Mungú. Gawaá adoorihe Mungú kuungá' nu alee/iisi as tawa hota' ar muunuú wák, ar Yesu Kristo kuwa eeharahada' ar adoodá' inós ira hoót.

Rumi 6:2

Aasla'áy a adoosingeeká. Ateéká' aga qatlaan dír tlakweemaawo, ala adór atén tar malé baraá tlakweemaá wa hootaan a adoomá?

1 Korinto 1:10

Hhaee'eé', án kuungá' nu harhheehhe'eés ar aleesleemuudá' Aakoorén Yesu Kristo naa aníngí haniís, kuungá' axweesanayhúng masók a wak. Slám miti partliitara'. Ala masók kuungá' a adór múk taa haragwaa', munerhúng tawa wak nee inslawaywo.

1 Korinto 3:18

Hee mitiwa kilós al/agín. Hee birti kilós harafadiit adór inós ir sagalooár kón, ar adoodá' múk baraaká' yaamu sagalooa ngir ga/ay, heewí gár kuwa hariím in ala daktu'uut, as masók daqaní sagalooaadár ló' ngiwa slay.

1 Korinto 4:10

Atén a daktana as Kristo. Ala kuungá' a múk sagalooár koóm baraá Kristowo. Atén ti daqeetlákw, ala kuungá' a /uuruú koondá'. Kuungá' tundu ilaiwawaa/, ala atén ti waaqaaqaa'.

1 Korinto 6:5

Gaarí a gár murér koom dirhunge. Heé sagalooár koóm baraá tla/angwhunge iqo káhhi, oo kwasleemár Krishaanmo nee kuqá' tsatto ga aleesláw?

1 Korinto 8:2

Hee bir kaahi, «Aníng gaarí a xuú',» inós gadaádá' gaa baloó xuiiká ar adoodá' kus hariím xu'utiro,

2 korinto 13:11

Hám daxta, hhaee'eé', alaáhhooá' ngi geexáw. Kumiité' baraá gan'amuuwo. Gurbu'uungw ya/aa/amaak. Ti axweesani axamise'. Hooté' ar wayda. Nee Munguúduú sla'aari nee oo wayduú hanmaamiís masók i dinkwa nee kuungá'.

Filipi 1:27

Daxta gár afhhamít a kuungá' masók an hotá' ar adoodá' Ya/abtór Kristo kawa hariím. Án barnaxes naa hardáh amorhúng, laqaá barnaxes naa hardihiiká, gár án ni slaa' masók an axaás adór kuungá' tara sihhitano hhe'esé' baraá haratlintaaoro ar wakleeli'iimár baraá Qeeru, nee haratlintaaór Ya/abtór hho' kawa aleeslaqwa' ar muunuú wák.

Filipi 3:16

Ala atén sleémeero gár tiwa hariím masók an kumiitaán ar digir wakeetingwdá' tara iimu/uumaán.

Filipi 4:2

Aníng Euodia nee Suntike in firiím tiwa haraki/iya', masók muunuú wák ngun koná' baraá Aakoowo.

Ebrania 13:5

Kuungá' ti harmagahhe' gawaá sla'aarír peesaaro, ala muruudá' kuungá' ta koonda' i bu'uuti dirhunge. Asma Mungú inósuú kilá' ina oó', «Aníng kuúng u gaa wa /aaruwaaká, slám u baloó mawaaká.»

1 Petro 3:8

/Aymuú alhhe'eesaay a kwí, kuungá' sleémeero masók a múk ti kaangw axamiís, nee múk tsaén, nee slám hhae na sla'asla'aak. Kuungá' masók a múk gurtleemuú koóm, nee múk ti kilooín niinaweemiís.

1 Petro 5:3

Nee slám kuungá' miti baaluuse tlehhiitara' daanduú kudá' taa dirhúngií saayini, ala masók kuungá' an slaqsaay tleehhitá' dir'ine.

3 Yohana 1:9

Kángw naa gooiím amór múk kríshaanáy i deer, ala Diotrefe, kudá' uroó slaá' dir'ine, inós atén ti iiárií qaminká.