Rumi 12:13 - Biblía Axweesantá Hhohho' ar Mungú 2004

¹³ Kuungá' sleeme múk hhohhó' oo Mungú kuduú liitlakuuse alee/iimisaak, nee dahaaye na dahi'imisaak.

Ya/abtór hho' 1977

¹³ Kuungá' sleeme múk hhohhó' oo Mungú kuduú liitlakuuse alee/iimisaak, nee muu na dahi'iimisaak umuúqo daqto.

Rumi 12:13 Iomraidhean Croise

2 SAMUELI 17:29

nee daneero, nee di/aay, bee/aangw nee di/tá /awak. Adoorí kana tleéhh as Daudi nee mukós kudá' ti alkoomá', asma tana oó', «Mukwí i qwariit, nee i waxiit, nee taa slaaqamiít as tawa baraá xaanxáy dirii'i.»

2 WAAWITÁ 4:10

Axáy u kutuwír niiná i tsataán gawaá daáriro, qatani nee meésaro nee kitaango in baraadá' i qaasaán, daqaní bál birna xáy qatuuwós baraá kutuwidá'.»

WARA'AMI 41:1

Heé amohhoó' a kudá' narkuute ga gaár i xuú', inós ku alee/iis nee AAKOÓ MUNGÚ baalár slahh'amuuwo.

AXWEESANOÓ SAGALOOA 31:20

Narkuute gan /iimís muruuwose Nee múk sla'amuút sleeme.

Matayo 25:35

Asma qoomár án niwa qwariit, kuungá' ina /aymisé'. Qoomár án niwa waxiit, ina wahasé'. Qoomár án tawa dahaaymo, ina dahi'isé'.

Tlehhema'aá ya/Abuuse 10:4

Kornelio malaykamoodá' guri i qaytsita hhe'eés, iri da'ayuút, iri oó', «Gaa a milá, aáko?» Malaykamo iri oó', «Firoorók nee ilahhooaro Mungú gaa ilaaóh, nee Mungú ga gunqareesiiká.

Tlehhema'aá ya/Abuuse 4:35

kari qaás dír geeraá ya/abuuse. Peésaadá' kari qasmiís ar hariímadá' hee aa slaá'.

Rumi 12:8

Nee heé aleesleemuú gurbu'uungw gu koóm, muu ngu gurbu'un. Heé muruuwós hanmiís, ngu hanmiisi ar muunuú /awaák. Heé múk hatlá' sageesihhimiít, muu ngu sagesihhimiiti ar ilakaaharu. Heé gurtleemuú koóm, muu ngu gurtlatlay ar qwala/.

1 Korinto 16:15

Nee slám hháe, kuungá' kángw múk doó Stefana u xuá' inooín taa giirín haratlintaaooro baraá yaamaá Akayaro. Nee slám inooín taa haniisiyé' múk hhohhó' oo Mungú nguwa sagadiyuusiya'.

2 korinto 9:1

Geeraawo a gár hariimaaká barwá ngiwa gooiim amorhúngií alé as daanduú ohmeedá' ta haniisi tawa alee/isoó múk hhohhó' oo Mungú.

2 korinto 9:12

Asma gadiyeérí ta tlehhiitaan gár i huwahup a tí kiloseeká, gídaabá múk Mungú kudá' baraá slahha'amaayér i dirií' alee/isaay gwa sláy. Ala gár i huwahup a tí sleeme, a múk yaariír Mungú gu sluufmiis as alee/isaywí.

Galatia 6:10

Gawaá adoorihe atén qoomaarí tawa baraaká' yaamuú i diriiaan, hhooeema ki tlehhiitaán dír muu sleémeerowo, ak alé dír kudá' haratlintaauuse.

1 Timoteo 3:2

Geeraharusmo gár kuwa hariím masók a heé ta muruú tlákw i kaahiiká, inós masók hareerós a wak. Masók a heé qoóm nee oo sagaloó', heé muruú qoomeemeés, heé dahi'iimis, oo intsaahhatisa ga baál.

1 Timoteo 5:10

Slám inós masók kaa lamabu'ún tlehhema'aá hhoe. Masók na/ii nga umiín, nee dahaaye gaa dahi'imís, slám masók ya'aá múk Mungú nga hamtlít, nee múk taa slahh'eemiís ngwa alee/iimís, nee slám tlehhemuú hhoó' gwa tlehhít ar ilakaaharu.

Tito 1:8

Ala inós masók a heé múk dahi'imís, nee heé hhooeemaá slaá'. Nee masók a heé qoomoó koóm, nee heé gan'amuú koóm. Nee slám masók a heé hhoohhoó' oo ti kilós harmagagaáhh.

Tito 3:14

Nee mukrén sleeme gár kuwa hariím masók a tlehhema'aá hho' tleehhtuuwo kin intsaahh didaádá' kiwa hariím, as matawa tawó hoót baraá slafingw'ine.

Filemoni 1:7

Asma qwal/uú yaariír ugwa sláw nee gurkwa/asa, as sla'aarirók, asma munér múk hhohhó' kaa qwal/atís nee kuúng, hhiyaaeé'.

Ebrania 13:16

Kuungá' ma gunqaruutaara' tlehhma'aá hho' kiwa tlehha' nee tiwa alee/iimisa', asma gaarí an ilahhooadár muruú ta tsu/i ar Mungú gu ak qwal/atimis.

Ebrania 13:2

Ma gunqaruutara' dahaaye kawa dahi'iimisa' baraá marayhunge. Asma awa adoorí ngaa tlehhiitiye', daqtakaaro malaykér Mungú ngaa dahi'isiyé', ala inooín kaa xuiiká.

Ebrania 6:10

Asma Mungú i ganaa'. Slám gadiyérhúng tidá' taa tlehhé' ga gunqareesiiká, nee sla'aarirhúng tidá' taa dirós i geehhooesé' ar loohír múk hhohhó' oo Mungú kuwa sagadiyusé' nee slám tam hamí a kumitá' kuwa sagadiyusa'.

1 Petro 4:9

Nee slám kuungá' kiloohúng ti dahi'iimise' ar qununu/ay wasle.

1 Yohana 3:17

Ala heé muruú baraaká' yaamu gu koóm, bar hhiyaawós oo gár koomaaká gun tawó ga/áy, ala gu alee/iimisiiká, xáy sla'aarír Mungú iqo deéro baraá heé adoorihe?

3 Yohana 1:5

Sla'aarusmooeé', kuúng tu inkihhím baraá umuú gadiyér taa tlehhi as hhae, tam as hhaeedá' dahaayeero sleeme.