Rumi 12:12 - Biblía Axweesantá Hhohho' ar Mungú 2004

¹² Kuungá' qwalaala/é' baraá haraxu'utír wa aleeró, qiitlé' baraá slahh'amaayerhunge, kumiité' baraá firooro.

Ya/abtór hho' 1977

¹² Kuungá' qwalala/é' baraá haraxu'utír wa aleeró, qiitlé' baraá slahha'amaayerhunge, kumiité' baraá firooro.

Rumi 12:12 Iomraidhean Croise

WARA'AMI 109:4

Handá' aníng inooín ina mak slaá', ala ina sakwasleemuutiyé', tam adoorihe ina aleefiririím.

WARA'AMI 37:7

Dír AAKOÓ MUNGÚ i xasliiteek, inós ku daán ar qitla. Kurkeér heé adoorós tidá' ar al/ayma ga ya/a/aám, nee mukdá' lohuín kudá' tlakw ngaa muruú wa slaye'.

WARA'AMI 40:1

Aníng AAKOÓ MUNGÚ una daám ar qitla, /aa/ee'eé' giri iiárií qaás, niri amor'eé' i warqáy.

WARA'AMI 62:8

Kuungaá muu, Mungú haratlintiaak daqisleém, slahh'amuuhúng alki/iitaak dirós i alé, Mungú a dír guwayrén.

AXWEESANOÓ SAGALOOA 10:28

Heé ganaá' harahhifoorós gu hardahás baraá qwala/, Ala heé tlaákw harahhifoorós gu gaa wa bu'uká.

AXWEESANOÓ SAGALOOA 14:32

Múk tlákw kun qwaarees ar tlehhmi'ii'ín kudá' tlakw. Ala heé hota ganaá' dír amohhoo' ga kón baraá gwa'ararose.

Matayo 5:12

Qwalaala/é' nee baraa/é', asma bu'utuhúng ku úr gawaá dooriiwo. Asma adoosíng an adór aaruuseedár aáng kaa /imiís.»

Luka 10:20

Ala ma qwalaala/aara' as adoodá' neetlaame nuwa ilaiwaawa/. Ala na qwalaala/é' as umerhúng kawa gooín gawaá dooriiwo.»

Luka 21:19

Kuungá' bara qiqtlatliindé', a ba/aandá'.»

Luka 8:15

Kuduú baraá hhapér hho' an slaqsoó mukdá' axweesani gaa axaas, kari ooha hhe'eés ar munér ilaiwa/ame, iri laqwál ar qitla.»

Tlehhema'aá ya/Abuuse 1:14

Mukwí sleémeero ina hoót ar muunuú wák baraá firooro, dinkwa nee /ameena sleeme, nee Maria aayór Yesu, nee hha'aá Yesu.

Tlehhema'aá ya/Abuuse 12:5

Petro kuna xún baraá doó tseegamór wa ale. Ala múk kríshaanáy Mungú guna firín ar ilakaaharu as inós.

Tlehhema'aá ya/Abuuse 2:42

Tari kumiít baraá intsaahhasár ya/abuusér wa ale, nee baraá dinkwár kríshaanáy, nee tam baraá muruú /aymár Aakoowo sleeme, nee baraá firooro.

Tlehhema'aá ya/Abuuse 6:4

Atén tari kumiitaán gadiyér firooro nee alki/ituú axweesantá Munguhe.»

Rumi 15:13

Mungú, kudá' haraxu'uti sleémeero i diri', inós kuungá' nu hatsiisi qwala/ sleémeero nee waydawo ar loohír haratlintaao, as haraxu'utirhúng iwa ló'wa doogiin ar baraá /uuruú Qeeruú hhoohhoó' oo Mungú.

Rumi 15:4

Asma Gooi sleémeero tidá' taa qaroó gooín, kana gooín as atén tiwa intsaahhatimis. Atén qitla nee gurkwa/amis u slaslawaán baraá Gooiro. Gawaá adoorihe a gawduwaán baraá haraxu'utirene.

Rumi 2:7

Kudá' xirif nee ilaiwa/ame nee hhitiru'uuma wasle nga leelehhiitiye' ar qiqtliingw baraá tlehhma'aá hhoe, Mungú gi slafíngw alhhe'eesay wáslí haniis.

Rumi 8:25

Ala barnaxes gar ta ga/aawanaaká a haraxuaán, gadaádá' an daamaaramaán ar qitla.

1 Korinto 13:13

Ala daxta gár kumiit a haratlintaao nee harahhifo nee sla'aari, muruuwí tám. Ala baraá muruuwihe gár ak afhhamít a sla'aari.

2 korinto 12:8

Gawaá daanduú gaarihe aníng Aako una firiím sagaáwa tám wa ale, as gaarí iwa qutl dir'eene.

Filipi 3:1

Alhhe'eesaywo gár án ni oo', hhaee'eé', qwalaala/é' baraá Aakoó wa ale, aníng a slaaqaataaká gooiro tidá' naa qaroó dirhúng i gooiím, asma i qoón dirhunge ngiwa inkii/.

Filipi 4:4

Qwalaala/é' daqisleém baraá Aakoó wa ale, slám nun malé baw, qwalaala/é'.

Kolosai 1:11

An firiiriimaán as kahhó' Mungú baraá aleesleemuuwós kudá' xirfuú kooma, kuungá' nuwa /uuruú i haniisi, as tawa qitla' baraá mura' sleémeero oo ti'imiita.

Kolosai 1:27

Asma Mungú gana slaá' ngiwa gwa/atisi dir'íní alé adór lu/aaráydá' ir daqaari'iimár kón nee xirif baraá múk xoorduuwo. Lu/aaráy an kwí, Kristo i baraahúng i dirii'. Gawaá adoorihe kuungá' haraxu'uti a koondá' ar xirfuú Mungú kuwa sleera'.

Kolosai 4:12

Epafra kuungá' nu intsihhiimiis. Inós a heehúng. Slám a lawaalmoó Kristo Yesu. Umuúqo daqto inós kuungá' nun aleeslaaqw baraá firooro, as kahhó' kuungá' tawa sihhita' nee tawa kwa/a' baraá haratlintaaooro, nee umuúqo gár Mungú i slai kawa tsahha' nee kawa eehada'.

Kolosai 4:2

Kumiité' ló' wa ale baraá firooro, nee ta dal'a' baraá firooro nee baraá sluufaaywo.

1 Tesalonike 1:3

Umuúqo deelooro an inslawiiwimaán dír geeraá Mungú Baabuúrene, adór haratlintaaorhúng ira geehhoouúr ar baraá tlehhemi'i, nee adór sla'aarirhúng nura tliw/iín as gadiyeé kawa ló'wa tlehha', nee haraxu'utirhúng baraá Aako Yesu Kristoowo adór qitla ngura hanís.

1 Tesalonike 5:8

Ala ateéká' múk tlaatla/aangw, atén masók an múk qoomoó koóm. Atén masók haratlintaao nee sla'aari an da/ewár baqaán adór gaamboórén wa ale. Nee haraxu'utír ba/ama an dahaasaán adór kofiiyár gawít wa ale.

2 Tesalonike 1:4

Gaarí an gár ataá kilá' xirif kus ara'araan daanduuhunge dír múk kríshaanáy oo baraá yaamaá hatlae. Atén xirif un ara'araán as adoodá' kuungá' tawa kumita' baraá haratlintaaooro. Asma gusisiingw sleémeero u qiqtliindá' nee slahh'eemisuudá' ta slasleera'a.

2 Tesalonike 3:5

Masók Aako munerhúng gan gan'aás amór sla'aarír Mungú nee baraá qitluudá' Kristo ni hanmiisi.

1 Timoteo 6:11

Ala kuúng a heé Mungú. Kuúng ti paratl nee muruú adór kwí. Hotaá ganaa'á' na eehareek, nee ilaiwa/ame nee haratlintaao, nee sla'aari nee qiqtliingw nee tsatsaa'areema.

2 Timoteo 3:10

Ala kuúng aníng iga eehát baraá intsaahhasar'eene, nee digir wakeetingw'eene, nee adoodá' án ni slaa' baraá slafingw'eene. Nee slám haratlintaaor'eé' aga aán, nee daamaarangw'eé', nee sla'aarir'eé' nee qiqtlingw'eé'.

Tito 2:13

qoomár boo/emisuú harahhifoorén kuwa daamaaramaan. Harahhifo an tí, Munguúrén oo úr nee Ba/amusmoorén Yesu Kristo nin hardah ar baraá xirif.

Tito 3:7

Tina gan'amií harafaár as gurtleemuuwós, nee atén tina aaluusér slafíngw alhhe'eesay wásl tleéhh, adoodár harahhifoorén i kat.

Ebrania 10:32

Kuungá' inslawaak muruudá' taa sleeré' aáng. Asma qoomár kuungá' gwa/aateemaá Mungú kiwa sangw sleeré', qoomaadae ana ló'wa qiqtlaatliindé' baraá tlaampa'amisuú urene, nee slahha'amaayér yaariir ar taa sleeri'i.

Ebrania 10:36

Kuungá' gár tunduwa hariím an qiqtliindá', as adoodá' Mungú aa slaá' kawa tlehhita', nee gadaádá' inós aa oó' baraá al'axweesantose kawa sleera'.

Ebrania 12:1

Asma atén taa harweér nee lamabu'uuseerí yaariir adór huunkár alé. Gawaá adoorihe atén sleeme gár tiwa hariím a muruudá' sleémeero atén ti iilooeemiís un kwahhaán, nee tin paraatlaán nee tlakweemaadá' sleémeero atén taa oohiye', nee slám atén tawa geerií ta'aimaan ar qitla baraá qwaatloodá' taa dír geeraarén i qaasi.

Ebrania 3:6

Ala Kristo ku inkihhím asma inós tawa Garma. Inós kwaa qaás gawaá daanduú doó Mungú sleémeerowo as nguwa baali. Atén an do'ós, barnaxes a kumiitaán baraá pihh'uumarene nee harahhifoorene, harahhifoorén kawa diidi'iimisaan ay alhhe'eesaay.

Ebrania 5:7

Qoomár Yesu iwa baraakaá yaamuú wa hoót, Mungú guna i /aa/amín ar afór ur, nee ar hhirhheeri, guri firiirín nee nguwa ateetin. Asma Mungú inós gu aleesláy nguwa ba/amisi baraá gwa'araaro. Inós kuri iiárií qaás nee Mungú asma adoodá' tiwa niinaweés, nee adoodá' Mungú nguwa ilaiwawaá/.

Ebrania 6:12

Atén a sla'aanaaká kuungá' tawa tli/uuse, ala kuungá' masók a adór mukdá' aa haratlintii', kudá' qiqtliím, as kahhó' muruudá' aa al'axweés kuwa ala'.

Ebrania 6:15

Gawaá adoorihe Abrahamu iri qiqtlín, nee gadaádá' Mungú aa al'axweés, gari sláy.

Yakobo 5:7

Gawaá adoorihe, hhaee'eé', qiqtliimé' ay dír hardahamuú Aako. Qaytsiité', dooslusmo adór ir qiqtlaatlin qoomár bu'uungós oo afhhamít nguwa daamaaran baraá qaymoorós. In qiqtlaatlín iimír tluwoó saxi ay tluwoó buhaare.

1 Petro 4:13

Ala kuungá' qwalaala/é' as adoodá' slahha'amaayér Kristo kawa tsaqé', as kuungá' tawa ló'wa qwalaa/a, qoomár xirfuuwós burkwa geehhooeés.

1 Petro 4:7

Alhhe'eesoó mura' sleémeero aa nakaá/. Gawaá adoorihe kuungá' masók a múk ti ila/aám nee múk dalaá', as kahhó' kuungá' tawa múk Munguú firiiriím.

2 Petro 1:6

nee baraá xu'utirhunge harqoomaay doogaak, nee baraá haraqoomayhunge qiqtliingw doogaak, nee baraá qiqtlingwhunge ilaíwa/amér Mungú doogaak,

Geehhoeemaá 13:10

Hee bar kwa tseegamór i gooín, aqo kun tseek. Nee hee bar kwa gaasár i gooín ar paánga, aqo kun gaas ar paánga. Baraá kaangwihe múk hhohhó' oo Mungú gár kuwa hariím a qitla nee haratlintaao.