Rumi 12:11 - Biblía Axweesantá Hhohho' ar Mungú 2004

¹¹ Gadiyeé na tleehhaak ar ilakaaharu, ala ar tli/itooká. Kuungá' baraá munerhunge masók a múk ilakaaharuú koóm, Aako na sagadiyuusaak.

Ya/abtór hho' 1977

¹¹ Gadiyeét na tleehhaak ar ilakaaharu, ala ar tli/itooká. Kuungá' baraá munerhunge masók a múk ilakaaharuú koóm, Aako na sagadiyuusaak.

Rumi 12:11 Iomraidhean Croise

TI'INAANGW 5:17

Ala inós inooín giri báy, «Kuungá' a tli/uuse, tli/uusér kilá', an gár tas kata', ‹Atén ti geemeer as ilahhooár muruú ta tsu/i ngiwa haniisár awaan dír AAKOÓ MUNGÚ.›

AXWEESANOÓ SAGALOOA 10:26

Adór saaxí baraá afko i diri', nee adór quui ila' ngir /aa/amamis, an adór tli/usmo dír múk gwaa gadiyeédií saayini.

AXWEESANOÓ SAGALOOA 13:4

Tli/usmo gaa gan mak ilis ala ga slayká, Ala heé ilakaahaár i daqaari'iit.

AXWEESANOÓ SAGALOOA 18:9

Heé tli/usmo baraá gadiyeede, a daa'awmoó heé hhitusmo.

AXWEESANOÓ SAGALOOA 22:29

Heé baraá gadiyeérose fuqurángw koóm ugwa aándi? Heé adoorí i dír geeraá waawitá i sihhiit, inós u dír tla/ángw múk amoowásl i eeraaká.

AXWEESANOÓ SAGALOOA 31:15

In tleér qoomár sagw looaro Muruú /aymár múk do'ós guri tseewa qás Dasuú do'ós wa gadiyuús guri gadiyeeduuín i qoomés

DAHARUSMO 9:10

Gár taa haraasliqít dabaawoge tleehheek ar /uuruwók sleémeero, asma bara gwá', baraá gi'iiwo gadiyeé i káhh, laqaá inslawaay, laqaá xu'uti laqaá sagalooa.

ISAYA 56:10

Asma xuumuusér Israeli a taampu, sleémeero i fuqreeraá kon'aaká, sleémeero a adór seeaawér afe waslen ar hhuheelimaaká, kudá' tawo guá' nee tlatitimá', in tawo gufmisiyá'.

Matayo 24:12

As dee/aanu iwa tlaáhh sla'aarír múk yaariír iri fák.

Matayo 25:26

«Aakoowós iri oó', ‹Kuúng a lawaalmoó tlaákw nee oo tli/usmo. Kuúng bar xú' adór aníng nir bu'uúm didaádá' gaa ngiwa dahaasiiká, nee a burumburiím didaádá' gaa ngay intlahiiká,

Tlehhema'aá ya/Abuuse 18:25

Heewí kwaa intsaahhatimís loohír Aakoowo, slám muunaáwós i hamiis. Iri iimu/ún axweesanto nee intsaahhatimisuuwo ar adór qoom daanduú Yesuwo. Ala inós baatiísmoó aa xuú' a kuduú Yohane kilós.

Tlehhema'aá ya/Abuuse 20:19

Aníng Aako una sagadiyuús ar tsatsa'areema sleémeero, tam qoomár niwa baraá /aa/eé dirii', laqaá tam baraá iiara'aduú naa sláw dír múk Yahudír wa aleeró, tiwa gaasár wa slai.

1 Korinto 7:22

Asma heedaádá' taa ateét baraá Aakoowo qoomár inós tawa lawaalmo, inós a heé Aako aa gweér. Ala heedaáduú lawaalmoowooká kuwa ateét, heé adoorí an lawaalmoó Kristo.

Efeso 4:28

Heé fisaasiím, fiiso ngi may, ala inós gár kuwa hariím gadiyér hhoo' gan tleehh ar dabaawós awa kilá', as gaa ngiwa slay ar liitlakuuse ngir alee/iisi.

Kolosai 4:1

Kuungá' daqaáre, lawaalerhúng muruú ganaá' ti tlehhite', nee tidá' inooín kiwa hariím. Slám xuaak gídaabá kuungá' sleeme Aako u koondá' gawaá dooriiwo.

1 Timoteo 5:13

Slám inooín waaweeraay ngun deliitiyá', nee gawaá adoorihe tli/a ngiri intsaahhiyá'. Ala a har tli/a kiloseká. Tam niri takaahuuse tleehhitiyá'. Nee sleeme tawa darahi baraá muruú muu, kudá' inooín wa hariimaaká.

Ebrania 12:28

Waawuti'iimár atén ta slawaan a tidá' ta diingisiiká. Gawaá adoorihe atén gár tiwa hariím, a Mungú un sluufmiisaán ar adoodá' inós i slai, ar tiwa niinaweemisaan nee kuwa ilaiwawa/aan.

Yakobo 5:16

Gawaá adoorihe, kuungá' ti kiloohúng tlakweemií hhu'u'uunde', nee ti kiloohúng aleefiriiriinde' as tunduwa hungu/uusi. Firór heé gan'amuú koóm i ló'wa /uuruú koón nee i gaa bú'.

1 Petro 1:22

Kuungá' taa hhoohhooesé' asma looeema kiwa ilaiwawa/é', as tawa hota' ar sla'aarír hhaahhafiingw wasl dír hhaeewo. Gawaá adoorihe kuungá' ti ló'wa sla'aaslae' ar mune sleémeero.

1 Petro 4:8

Ala gár afhhamít ta muruuwí sleémeerowo a tí, kuungá' kiloohúng ti sla'aaslae'. Asma sla'aari tlakweemaá yaariir gi tuntúk.

Geehhoeemaá 2:4

Ala aníng axweesantaka a koóm daanduuwoge, ‹Kuúng sla'aarirók tidár geera aga meér.›