Rumi 11:36 - Biblía Axweesantá Hhohho' ar Mungú 2004

³⁶ Asma mura' sleémeero inós guna tleéhh, slám i kumiit as aleesleemuuwós, nee in deer as inós. Inós i xirfuuti ay alhhe'eesaay wasle. Amin.

Ya/abtór hho' 1977

³⁶ Asma mura' sleémeero inós guna tleéhh, slám i kumiit as aleesleemuuwós, nee in deer as inós. Inós i xirfuuti ay alhhe'eesaay wasle. Amin.

Rumi 11:36 Iomraidhean Croise

WARA'AMI 115:1

A ateneeká, AAKOÓ MUNGÚ, a ateneeká, ala kuúng kilók na xirfuút, as sla'aarirók ar warqawaaká nee inkihhimuwók.

WARA'AMI 33:6

Ar axweesantá AAKOOWO doori nina tleehharuutiyé', muruú gawaá doori sleémeero ina tleehharuút ar afkós.

AXWEESANOÓ SAGALOOA 16:4

AAKOÓ MUNGÚ umuúqo gaaro gana tleéhh ar sla'aarirós, Tam múk tlákw sleeme in deer as deelór slahh'amu.

ISAYA 42:12

Inooín AAKOÓ MUNGÚ ku xirfú haniisi, nee xirfuuwós ku alki/iiti umuú diiro.

DANIELI 4:3

Xáy a adoomá, layaá Mungú adór kir urén. Xáy, /uuruuwós nee waa/oo/amorose a adoomá? Waawuti'iimarós an tidá' alhhe'eesay wasl, waawuti'iimarós in hootaatiín ay kureeraá kureér.

DANIELI 4:34

«Alaá kureeridá' faanqw niwa waarahhiyé' anuú Nebukadnesa ana gawaá doorí qaytsiít, nee fuqurangw'eé' niri kií/. Munguúdá' úr una diidi'iís nguri sluufiís nee nguri ilaiwa/amér i tleéhh kudá' hotatiím ay alhhe'eesay wasle. Asma waawuti'iimarós an waawuti'iimár alhhe'eesoó koomaaká. Waawuti'iimarós in kumaamít qari sleémeero.

Matayo 6:13

Atén miti baraá iiara'aduú uhisar, ala atén ti ba/amis kudá' tlaakwe. [ Asma waawuti'iima a tók, nee aleesleemu, nee xirif, ay alhhe'eesay wasle. Amin.]›

Luka 19:38

tari káh, «Waawutmo i xirfuuti, kudá' hardáh ar umuú Aako, Wayda gawaá doori nee xirif dír Mungú.»

Luka 2:14

«Munguú gawaá doorií dirií' i xirfuuti, nee wayda ni baraá yaamií hardihi dír mukdá' aa gurií baá/.»

Tlehhema'aá ya/Abuuse 17:28

Asma, ‹Baraawose atén an hootaán, nee an hi'imiitaán, nee an slafaán.› Tam daauuserhúng bahh'alé adoorí gaa kát, ‹Asma atén sleeme a xwaylarós›.

Rumi 16:27

Munguúwí, inós kilós an Munguú sagalooár koóm. Inós i xirfuuti ar baraá Yesu Kristo ay alhhe'eesay wasle. Amin.

1 Korinto 11:12

Asma adoodá' /ameeni kara tleéhh ar hhawaata, hhawaata sleeme kuna laqwaál nee /ameeni. Ala mura' sleémeero amór i dahhi a amór Mungú.

1 Korinto 8:6

Tam adoorihe direne Mungú a wak, inós an Baabá. Mura' sleémeero ina tleehharuút ar inós. Nee atén an dawaán as inós. Nee slám Aako a wak, inós an Yesu Kristo. Mura' sleémeero ina tleehharuút ar inós nee atén an dawaán ar inós.

Galatia 1:5

Inós i xirfuuti ay alhhe'eesay wasle. Amin.

Efeso 3:21

Mungú i xirfuuti baraá mukose, as adoodá' atén tiwa haragaás nee Kristo Yesu. I xirfuuti umuúqo qarto ay alhhe'eesay wasle. Amin.

Filipi 4:20

Munguúrén nee Baabuúrén i xirfuuti ay alhhe'eesay wasle. Amin.

1 Timoteo 1:17

Waawutmoó alhhe'eesay wásl kudá' baloó gwaa'aaká, kudá' geehhooeeká, inós kilós an Mungú. Ilaiwa/ame a tós nee xirif a kós ay alhhe'eesay wasle. Amin.

1 Timoteo 6:16

Inós kilós in gwaaiiká, dír i hooti a didá' gwa/aateemaá ta baloó i tseewuyká, slám inós heé gwa ar i kaahh, nee slám heé gu baala wa ár i kaahh. Xirif an kós, nee aleesleemu, ay alhhe'eesay wasle. Amin.

2 Timoteo 4:18

Aako aníng i ba/amis baraá umuúqo gár tlaakwe, nee iri amohhe'eemiis ay dír ni hardah baraá waawuti'iimarós ar gawaá doori. Inós i xirfuuti ay alhhe'eesay wasle. Amin.

Ebrania 13:21

Munguúwí umuúqo gár hhoo' ngi kuungá' i haniisi, as kuungá' sla'aarirós kawa tlehha'. Inós tidá' i slai ngi tleehhi baraá muneerene ar loohír Yesu Kristo. Inós i xirfuuti ay alhhe'eesay wasle. Amin.

Ebrania 2:10

Mungú an kudá' mura' sleémeero gwa tleehh, nee slám inós an kudá' mura' sleémeero gu amohhe'eemiís. Slám Mungú gana slaá' na/aá yaariir ngiwa hardahaasi dír xirfií alé. Gawaá adoorihe, dirose a gár hariim Yesu nguwa bu'utisi ar loohír slahh'amaaye. Asma Yesu an kudá' muu gu geerahaár amór ba/ama.

1 Petro 4:11

Heé axweesantá Munguú alki/iít, ngi alki/iiti ar adoodá' axweesantá Mungú i kat. Heé gadiyuús, i gadiyuusi ar /uuruudá' Mungú aa haniís dirós i alé, as kahhó' Mungú iwa xirfuuti baraá mura' sleémeerowo ar loohír Yesu Kristo. Xirif nee aleesleemu a kós tam ay alhhe'eesay wasle. Amin.

1 Petro 5:11

Aleesleemu a kós ay alhhe'eesay wasle. Amin.

2 Petro 3:18

Kuungá' kumiité' tawa urareera' Aakoorén nee Ba/amusmoorén Yesu Kristo kuwa xua', nee tawa gawduura' ar loohír tsuuqaawós kudá' ni tawó hanmamiisi dirhúng i alé. Inós i xirfuuti iimír hamí ay alhhe'eesaay wasle. Amin.

Yuda 1:25

Mungú kilós, inós a Ba/amusmoorén ar baraá Yesu Kristo Aakoorén. Xirif a kós, nee uraay, nee aleesleemu, nee /uuru, iimír iimu/úngw wa tleemu, ay hamí, tam ay alhhe'eesay wasle. Amin.

Geehhoeemaá 19:1

Alaá muruuwihe afór ur ngiri axaás ar adór afór boo/oó yaariír oo gawaá doori. Afoorí iri ó', «Mungú i xirfuuti!» Ba/ama ar Munguúrén, nee xirif nee /uuru.

Geehhoeemaá 21:6

Nee inós aníng iri báy, «Aa tleehharút. Aníng an Alfa nee Omega, iimu/uungw nee alhhe'eesaay. Heé aa waxiit u ma'áy haniis awa bu'utu wasl, awa baraá kutlá ma'aá slafíngw dahhá'.

Geehhoeemaá 7:10

Inooín tari tseeamín ar afór ur, ta kaahi, «Ba/ama amór i dahh a amór Munguúrén kudá' aa iwiit gawaá kitangwduú aleesleemu, nee amór Deelmoó bee/i.»

Geehhoeemaá 7:12

tari káh, «Amin. Mungú an kudá' tsuuqaá koóm, nee xirif nee sagalooa nee sluufaay, nee ilaiwa/ame nee aleesleemu nee /uuru ay alhhe'eesay wasle. Amin.»