Rumi 11:33 - Biblía Axweesantá Hhohho' ar Mungú 2004

³³ Ga/aaweek, xáy, daqaari'iimár Mungú adór kar úr, nee sagalooarós nee xu'utiro. Heé sakwasleemarós tsaahharo ga aleesláw a heemá? Heé lohuduuwós leelehhtuuwo gi aleesláw a heemá?

Ya/abtór hho' 1977

³³ Ga/aaweek, xáy, daqaari'iimár Mungú adór kar úr, nee sagalooarós nee xu'utiro. Heé sakwasleemarós tsaahharo ga aleesláw a heemá? Heé lohuduuwós leelehhituuwo gi aleesláw a heemá?

Rumi 11:33 Iomraidhean Croise

ESTA 2:22

Naagáy Mordekai kaangwí guri xuú', guri oó' dír waawuto'o Esta, Esta kaangwí gway ó' dír waawutmo ar umuú Mordekai.

YOBU 10:13

Ala hamí daxta aníng a xuú' adór qooma sleémeero kuúng aníng ir naaqo slahhtá slá'.

YOBU 15:8

Kuúng baraá kwasleemár Munguhe iia aga qási? Laqaá heé sagalooár koóm an kuúng kilóge?

YOBU 23:14

Asma tidá' inós aa qoomeés daanduueene ga boo/ees, nee muruú yaariír oo baraá inslawaywós i diriia'.

YOBU 26:14

Ala muruuwí a sagér tawo ngina óh ar muruú i tlehhaahhiti, nee baraá tlehhmi'iiwose atén gár naa axasaán a bayrír tawo. Ala tlunaa/ír aleesleemuwós heé tsaahharo ga aleesláw a heemá?»

YOBU 33:13

Ahaá waáy, misti tlaampa'amisá' nee inós tawa kát, tam /aymuueé' oo wák ngwa mu/aywatsiiká.

YOBU 37:19

Gár atén Mungú ngu bawaan ooang, asma atén a sage giwaán gár ooa a xuanaaká.

YOBU 37:23

I ya/aandaaká Munguú Aleesleemusmo kuwa i hardahaan, /uuruuwós i harqoomoó konká nee kwasleemár ganaa'a. Inós gan'amuuwo aa haáts, hee gu hhitinká.

YOBU 5:9

Mungú an kudá' muruú urén tlehhiít, muruudá' hee aldakwto i aleeslayká. Inós sleeme an kudá' muruú waa/o/amór tlehhiít, kudá' farooro ya/aamaaká.

YOBU 9:10

Muruú urén oo xu'utiro ya/aamaaká guna tleéhh, muruú waa/oo/amo oo farooro ya/aamaaká guna tleéhh.

WARA'AMI 139:6

Xu'utiirók i waa/oo/amór koón, aníng tsaahharo a aleeslawaaká, ka ló' wa ur.

WARA'AMI 145:3

AAKOÓ MUNGÚ kun úr, masók kun ló'wa xirfayeemiis, nee uraywós heé tsaahharo gu asláw i kaahh.

WARA'AMI 36:6

Gan'amuuwók a adór tlom'aá uren, sakwasleemarók a adór iltá tlawi, AAKOÓ MUNGÚ, kuúng muu nee makaywo in de'eén.

WARA'AMI 40:5

AAKOÓ MUNGÚ, kuúng muruú yaariír oo waa/oo/amór koóm ugwa tléhh, nee inslawaywók daanduurene ku úr. Heé ta kuúng ar qoomeesi i kaahh. Tí sleémeero bar alki/ituú wa slaá' nee daharemisuuwo, ka ló'wa yaariir tam alki/ituuwo a aleeslawaaká.

WARA'AMI 77:19

Irwaarók aa baraá tlawtár waaráhh, nee loohirók ina waaráhh ar baraá ma'aá yaariir, ala digiruuwók kwa ariiká.

WARA'AMI 92:5

AAKOÓ MUNGÚ, adoodá' tlehhmi'iiwók kir urén, direne inslawaywók ku gawít tsaahharo.

WARA'AMI 97:2

Huunkoó bó/ oo qoomár ma/mi Aakoó Mungú gwaa harweér, hhooeema nee sakwasleemár ganaa' an iimu/úngw waawuti'iimarós.

AXWEESANOÓ SAGALOOA 25:2

Xirfuú Mungú a gaa lu/a, ala xirfuú waawutmo a gaa xuuxuua.

AXWEESANOÓ SAGALOOA 25:3

Adoodá' doori kir gáwtií saáw nee yaamu kir barií saáw, tam inslawoó waawutmo ku tsee/ararinká.

DAHARUSMO 3:11

Mungú umuú gár hhoohhooe gana qoomaarósí tleéhh ar kawa hhoohhoó' iwa xeer, nee baraá muunuú heewo muruú iimu/uungw wasle nee oo alhhe'eesay wasle nguwa xu'utír wa slai gana qaás. Tam adoorihe kwa pa/ángwií haniisiiká muruú Mungú aa tlehhiít iimír iimu/ungo ay alhhe'eesaay nguwa tsaahhi.

DAHARUSMO 7:24

Xáy, hee adór slafiingw kuwa hariím ngir tsaahhi a adoomá? Adoorí tsaahharo ka ló'wá gawit.

DAHARUSMO 8:17

Aluuwo gadiyér Mungú aa tleéhh ngay ár, tidá' hee arto i aleeslayká baraakaá yaamuwo. Asma hee leelehhtuuwo tim naagisi inós arto ga aleeslayká. Tam heé ti sagalooarós ar xirfayeemiís ga aleeslayká xu'utiro sleeme.

ISAYA 28:29

Xu'utirí sleémeero amór i dahh a amór AAKOÓ MUNGÚ Aleesleemusmo. Hara'ayaarós i waa/oo/amór koón, sagalooarós i ló'wa ganá'.

ISAYA 40:28

Ahaá kuungá' a xua'aakáhe? Asma kuungá' aga axasi'iikáhe? AAKOÓ MUNGÚ an Munguú alhhe'eesay wásl, Inós an kudá' yaamu gaa tleehh. Inós i slaaqatiiká laqaá i nusqutiiká. Xu'utirós tsaahharo ka gawit.

DANIELI 4:35

Yaamuloouusér daanduú yaamu a gaarooká dirose. Dír malaykedá' gawaá doorí diriia adór i slai gan tlehhiit tam dír múk baraakaá yaamuwo. Heé dakós gu ilaá/ i kaahh tumu wák, laqaá heé gu báw, ‹Gár adoosíng kas tlehhit a milá?›

Rumi 2:4

Laqaá kuúng hhooeemaá Mungú kudá' yaariir nee qiqtliingós nee daamaaraangós, in waqaaqá'a? A xu'ukáhe adór hhooeemaá Mungú kuúng ur uuruxuná' as tawa hhu'u'uun?

Rumi 9:23

Adoorí gana tleéhh as xooslaadá' gurtleemuú slaw ngiwa xirfuuwós oo yaariír i geehhooeesi. Kuká' an kudá' aa amohhe'eés as xirif kuwa slay.

1 Korinto 2:10

Muruuwí an kudá' Mungú naa dirénií geehhooatís ar loohír Qeeruuwós. Asma Qeeruú Mungú mura' sleémeero gu xuuxu'ún, tam muruudá' taa luú/ oo baraá muunuú Mungú i dirií'.

Efeso 1:7

Atén tina gweér baraá lawali'iimár Neetlaango, hingeemisuú tlakweema kway slawaán ar loohír gwa'arár Kristo. Gawaá adoorihe gurtleemuuwós ku ló'wa úr direne.

Efeso 2:7

Adoorí gana tleéhh as ngiwa laqan dír qari sleémeerowo ar hardah adór gurtleemuuwós kur úr direne baraá Kristo Yesuwo.

Efeso 3:10

Gár geeraawo ngusa luú/, a as sagalooarós ar yaariir ngiwa xu'utisi qoomaarihe dír waawitá nee dír kudá' aleesleemuú koomá' baraá yaamaá qeeruuwo ar loohír mukdá' inós gwa haratlintii'.

Efeso 3:16

Án Mungú u firiiriím as /uuru nguwa kuungá' i haniisi ar Qeeruuwós, baraá munerhunge, ar har qoomoó daqaari'iimár xirfuuwós,

Efeso 3:18

as sla'aarír Kristo kawa tsahha' dinkwa nee múk Mungú sleémeero, adór sla'aarirós kar úr, bihhe nee tlenaango, nee tlenángw gawa, nee tlenángw baraywo.

Efeso 3:8

Aníng ti niiná ta múk Mungú sleémeerowo. Ala tam adoorihe Mungú aníng ina tsuúq, gadiyeé ngiri aníng i haniís, ar Ya/abtór hho' ngiwa alki/iit dír múk xoorduwo. Ya/abtoorí a kángw daqaari'iimár Kristo tidá' faarooro ta aleeslayká.

Kolosai 1:27

Asma Mungú gana slaá' ngiwa gwa/atisi dir'íní alé adór lu/aaráydá' ir daqaari'iimár kón nee xirif baraá múk xoorduuwo. Lu/aaráy an kwí, Kristo i baraahúng i dirii'. Gawaá adoorihe kuungá' haraxu'uti a koondá' ar xirfuú Mungú kuwa sleera'.