Rumi 11:28 - Biblía Axweesantá Hhohho' ar Mungú 2004

²⁸ Múk Israeli a wakuusér Mungú asma Ya/abtór hho' kawa sií'. Adoorí ina tleehharút as kuungaásingá' múk xoordu. Ala múk Yahudi a múk taa tsawaár nee Mungú. Gawaá adoorihe inooín Mungú gi slaa' as baabi'ii'ín.

Ya/abtór hho' 1977

²⁸ Múk Israeli a wakuusér Mungú asma Ya/abtór hho' kawa sií'. Adoorí ina tleehharút as kuungaásingá' múk xoordu. Ala múk Yahudi a múk taa tsawaár nee Mungú. Gawaá adoorihe inooín Mungú gi slaa' as baabi'ii'ín.

Rumi 11:28 Iomraidhean Croise

IIMU/UUNGW 26:4

Xwaylarók an tlahhás tawa adór tsatse/uú doori, nee yaamuká' sleémeero ngiri dir'ín i haniís. Ar baraá xwaylaroge xoordu sleémeero awa yaamu ki tsuuq.

IIMU/UUNGW 28:14

Xwaylarók ka yaariir adór teerír yaamu, nee xwaylarók tsee/a gin tsát, kuúng an tsiiyayaaxát ay /uwa, da/aáw, /iya nee basa. Múk yaamu sleémeero ku tsuuq as kuúng nee na/iiwók.

YEREMIA 31:3

AAKOÓ MUNGÚ tina amór saáwá laqán i kaahi, Aníng kuúng una ló'wa slaá' ar sla'aarír alhhe'eesay wasl. Gawaá adoorihe aníng an kumamiít tiwa inkihhím diroge.

MIKA 7:20

Kuúng inkihhimuuwók kuri dír xwaylár Yakobówí laqaán, sla'aarirók ar warqawaaká kari dír xwaylár Abrahámúwí laqaán, adoodá' iimír aange kara dír xwayliiteéréní al'axwés.

Matayo 21:43

«Gawaá adoorihe án kuungá' nu baw, ‹Waawuti'iimár Mungú ka hingees dirhunge, nee kari haniis dír xoorór tlehhema'aá waawuti'iimadá' wa hariim gi tlehhiit.› [

Luka 1:54

Lawaalmoowós Israeli ngwa alee/iisár áy. Gurtleemuuwós gwa insláy,

Tlehhema'aá ya/Abuuse 14:2

Ala múk Yahudi kudaá haratlinti'iiká múk xoordu guri dukún as hhae kiwa aahhi.

Tlehhema'aá ya/Abuuse 18:6

Múk Yahudi axweesanayduú Paulo guri sií', kuri /ooslislín. Paulo giri teerír baraá tlabaawósí kuukuú', iri oó', «Kuungá' bar aga qwadé', a daandeemoohúng. Gár án i huuw i káhh. Iimír hamí aníng aga tláw amór múk xoordaá hatlá'.»

Rumi 11:11

Gawaá adoorihe aníng an yaahaás, xáy inooín tana dukuútsi as tawa huui? Aasla'áy, a adoosingeeká. Ala múk Israeli iwa huú', ba/ama niri hardát dír múk xoordaá hatlá'. Adoorí ina tleehharút as kahhó' múk Israeli gur'e nguwa ohiin.

Rumi 11:30

Kuungá' múk xoordu, kuungá' aáng ana dee/aanuté' dír Munguhe, ala hám daxta gurtleemuú Mungú ugwa sleeré', as adoodá' múk Yahudi iwa dee/aanuút.

Rumi 11:7

A adoomá daxta? Gadaádá' múk Israeli aa leelehhiít, gaa slayká. Ala mukdá' taa tsawaár gaa sláy. Awa hatlá' kiri mune gawdeés,

Rumi 5:10

Qoomár atén tawa wakuuse dír Munguhe atén tiri dirósí haraki/ís ar tseerér Garmaawós. Gawaá adoorihe atén haraxu'uti a ló'wa koomaán, asma hám daxta alaá haraki/isarene atén ti ba/amis ar slafiingós.

Rumi 9:5

Inooín a laqwalór baabi'iidá' aáng. Nee Kristo dír naa daáhh a baraá tlahhay'ín xwaylár slaqwto. Inós a Mungú mura' sleémeero gu baliít. Inós i xirfuuti ay alhhe'eesay wasle. Amin.

DABE 10:15

AAKOÓ MUNGÚ slám baabi'iirén aáng gina ló'wa slaá', nee kuungaá xwaylar'ín nuri tsawaár, kitángw múk hatlá' sleémeerowo, an adoodá' tam ay laarí.

DABE 4:31

Asma AAKOÓ MUNGÚ, Munguúhúng, an Munguú gurtleemuú koóm. Inós kuungá' nu si'iiká, nu hhaamisiiká, laqaá alqadoorós ga gunqaresiiká, tidá' aa lo'ór wa /aáy dír bariiserhúng.

DABE 8:18

Inslawaak AAKOÓ MUNGÚ, Munguúhúng an kudá' kuungá' naa daqaari'iimár i haniis. Adoorí gana tleéhh as alqadoorós tidá' ngiwa gawdeesi, tidá' aáng aa tleéhh nee baabi'iihúng tam ay laarí.

DABE 9:5

Yaamuuín kuungá' i ala'aaká as kuungá' tawa hota gana'a', laqaá munerhúng kawa hhohhó', ala AAKOÓ MUNGÚ, Munguúhúng mukwí gun geeraahúng wa gusiisín, asma inooín kiwa tlákw, nee axweesantós tidá' aa lo'ór wa /aáy dír baabi'iihúng, Abrahamu, nee Isaka, nee Yakobo gan gawdeesár wa slaa'.