Rumi 11:21 - Biblía Axweesantá Hhohho' ar Mungú 2004

²¹ Barnaxes Mungú haleemaá xa'anooduú kilá' gaa mayká tsatto, kuúng ka xu', kuúng un máya tsatto?

Ya/abtór hho' 1977

²¹ Mungú haleemaá xa'anooduú kilá' gaa mayká tsatto. Kuúng ka xu', kuúng un máya tsatto?

Rumi 11:21 Iomraidhean Croise

YEREMIA 25:29

Qaytsiít, aníng amotlakwe ngin huúw baraá gixsar'eé'. Xáy, ka xua' muxtaro a /uurá'a? Kuungá' muxtaaro tundu mayká, asma slaqwara ngaa tleés ar múk yaariír kuwa tsu/i gawaá daanduú yaamuwo.› Anuú AAKOÓ MUNGÚ Aleesleemusmo tí ngina oó'.»

YEREMIA 49:12

Asma AAKOÓ MUNGÚ i kaahi, «Barnaxes mukdá' muxtaaro harimaaká kuna muúx, xáy, adór kuungá' muxtaaro tundur may? Aasla'áy, kuungá' muxtaaro tundu baloó mayká.

Rumi 11:17

Ala daxta a adoorí, múk Yahudi a adór xa'anoó seituúni kudá' taa dahaás, nee múk xoordaá hatlá' a adór xa'anoó seituúni oo baraá sla/a, oo hee aa dahaasiiká. Haleemo bahh'alé awa xa'anoodá' taa dahaás kina tlaáq. Haleemaá hatlá' awa xa'anooduú sla/a, kiri haátl baraá xa'anoodá' taa dahaás, nee di/tá xa'anoodá' taa dahaás ngiri /ayiyé'. Kuungá' a adór haleemiidá' taa haátl.

Rumi 11:19

Kuúng a kat, «Haleemiidá' kina tsaát as án tiwa didaádií hatli.»

Rumi 11:20

Ar ló', inooín kina tlaáq, ala gár kisa tlaáq a haratlintaaoowasler'ín. Ala kuúng a gawaá xa'anoodá' taa dahaás i dirí' as haratlintaao. Gawaá adoorihe, kuúng ma daara/aamaar, ala masók an da'ayumít.

Rumi 11:22

Gawaá adoorihe ana araán adór Mungú ir xaraásl, nee slám ku hhoó'. Inós i xaraasl dír mukdá' aa huui baraá tlakweema. Ala diroge ku hhoó', kuúng bar baraá hhooeemaawós wa kumaamít. Ala bar kumaamitká, kuúng sleeme tu adór haleemiidá' wa tsaat.

Rumi 8:32

Mungú tam Garmaawós gwa ilaa/iiká, ala nguri haniís iwa gwaai as atén sleémeero. Munguúwí mura' sleémeero ngu aténí haniísiíke dinkwa nee inós?

Yuda 1:5

Kaangwí ngun dirhúngií inslawtisár wa slaá', ala tam ugwa geerií xui'i, gídaabá Aako mukós nguwa baraá yaamaá Misrír wa ba/amís, aluuwo mukdá' inós gwa haratlintii'iiká guri qwaareés.