Rumi 11:2 - Biblía Axweesantá Hhohho' ar Mungú 2004

² Mungú mukós kudá' aa qaroó iimír aáng wa tsawaár, gwa si'iiká. Ahaá, kuungá' a xua'aakáhe adoodá' Gooi i kat daanduú Eliyawo, qoomár inós iwa sihhiít dír geeraá Mungú, as múk Israeli nguwa sakwasleemuuti.

Ya/abtór hho' 1977

² Mungú mukós kudá' aa qaroó tsawaár iimír aáng wa ale, gwa sii'iiká. Ahaá, kuungá' a xua'aakáhe adoodá' Gooi i kat daanduú Eliyawo, qoomár inós iwa sihhiít dír geerá Mungú i alé, as múk Israeli nguwa sakwasleemuuti.

Rumi 11:2 Iomraidhean Croise

IIMU/UUNGW 44:15

Yosefu giri yaahaás, «Tlehhmuuwí naa aníng i tlehhé' a milá? Ahaá xua'aakáhe heé adór aníng gár taa luú/ ngiwa tsaahhi?»

NEHEMIA 9:30

Ina saqiqtlaatliín har afiqoomár kureeraá yaariire, kiri gurbu'uún ar qeeruuwók ar loohír aaruseerók, tam nee tihe naa axasi'iiká. Gawaá adoorihe kiri qás gawaá dabaá xoordaá yaamuudá'.

WARA'AMI 94:14

Asma AAKOÓ MUNGÚ mukós gu mayká, aalirós ga gunqareesiiká.

TI'INAANGW 32:1

Qoomár muu ngiwa ár adór Mose nira tliík gawaá tloomár wa ale, inooín tari burumbuuriít dír Aroni aleeró tari oó', «Qwaláng, munguiirén tleehhang awa atén ti geerahará', asma Mosewí atén taa duux baraá yaamaá Misrír wa ale, gár gwaa eer a xuanaaká.»

YEREMIA 31:37

AAKOÓ MUNGÚ i kaahi, «Barnaxés doori qoomeesaro ki aleesláy, nee bar iihhafiirír yaamu xuuxuuaro ka aleesláy, daqaní aníng sleeme múk Israeli u kwaáhh amór saaw, asma muruudá' inooín sleémeero taa tleéhh.» Anuú AAKOÓ MUNGÚ tí ngina oó'.

FAARO 16:15

Mose iri ló'wa buúhh, AAKOÓ MUNGÚ guri báy, «Ilahhooár mukwí ma oohaar. Aníng daqoó hee oo naa ar tláw i kaahh, laqaá heé naa slahh'eés i kaahh.»

Marko 12:26

Daanduú waasle/uú múk aa qatli, án kuungá' nu yaahaás, ‹Aga soomuusi'ikáhe baraá kitaábuú Mosewo, didár kángw kitkintiro?› Didae gár taa gooín a tí: Mungú Mose guna báy, ‹Aníng a Munguú Abrahamu nee Munguú Isaka nee Munguú Yakobo.›

Luka 4:1

Yesu Qeeruú hhoohhoó' oo Munguhe i haats nay Yordanír wa kií/. Kuri huúw nee Qeeruú hhoohhoó' oo Mungú baraá darma deelo mibeeri tsiyáhh,

Yohana 4:11

/Ameenidá' guri beér, «Aáko, gár ma'aay kir iihhek a koondaaká, slám hhalaangw ku saáw. Daxta kuúng ma'aá slafíngw koomá' dír kiwa sleer a diimá?

Tlehhema'aá ya/Abuuse 13:48

Qoomár múk xoordu adoorí ngiwa axaás, tari qwalaá/, axweesantá Aako kari xirfayeemiís. Múk yaariír iri haratlintií'. An kudá' sleémeero Mungú aa tsawaár ngiwa slafíngw alhhe'eesay wásl i haniisi.

Tlehhema'aá ya/Abuuse 15:18

aa xu'utiít iimír aange.› »

Tlehhema'aá ya/Abuuse 3:17

«Ala hám daxta, hhaee'eé', aníng a xuú' adór tidá' kara tlehhé' as xuawaslerhúng, adoodá' geeraharuuserhúng aa tléhh sleeme.

Tlehhema'aá ya/Abuuse 7:40

Aroni kuri báy, ‹Mungui tleehhang awa atén ti geerahará', asma Mosewí atén taa duux baraá yaamaá Misrír wa ale, gár gwa eer a xuanaaká.›

Rumi 6:16

Kuungá' kaangwí u xuá'aáke? Kuungá' bir taa kiloohúng hanisé' amór aakooko as kuwa sagadiyusa', nee kuwa iialooeemisa', kuungá' daqaní a lawaalér heedaádá' ta iialooeemisa'. Kuungá' bar lawaalér tlakweema, lawaali'iimarí gár i hup a gwa'ara, ala bar lawaalér iialooeemis, lawaali'iimarí gár i hup a gan'amu.

Rumi 9:23

Adoorí gana tleéhh as xooslaadá' gurtleemuú slaw ngiwa xirfuuwós oo yaariír i geehhooeesi. Kuká' an kudá' aa amohhe'eés as xirif kuwa slay.

Rumi 9:6

Ala a ooaaká axweesantá Mungú ina warqeér. Asma múk xoorór Israeli sleémeero a múk Israeli oo kil'eeká.

1 Korinto 6:2

Kuungá' a xua'akáhe muu sleémeero kuwa sakwasleemuuti nee múk Mungú. Ala kuungá' barnaxes muu sleémeero u sakwasleemutá', a hariindá'aáke kwasleemár ninakw ar adór tisíng kawa tlaqa'?

1 Korinto 8:3

ala heé Mungú gu slaá' inós ku xuu' nee Mungú.

Filipi 1:22

Ala án bar kumiít hotaango, pa/aangw u koóm oo gadiyeérí ngiwa alkoom tlehhtuuwo. Gawaá adoorihe ar ni tsawaar a xuaaká, slafiingw nee gwa'araro.

Ebrania 1:1

Mungú aáng aa axweés dír baabi'iirén ar afér aaruuse ki/imaá yaariire nee slám ar adór dimbadimbé.

1 Petro 1:2

Kuungá' tunduna tsawaár as adoodá' Mungú Baabá inósuú kilá' aa slaá', as kuungá' tunduwa múk hhohhó' tleehhi ar Qeeruuwós, nee as Yesu Kristo kuwa ilaiwawa/a' nee tunduwa tseerér Yesu Kristó i hikimiisi. Tsuuqaá Mungú nee wayduuwós i ló'wa doogine' dirhunge.