Rumi 11:17 - Biblía Axweesantá Hhohho' ar Mungú 2004

¹⁷ Ala daxta a adoorí, múk Yahudi a adór xa'anoó seituúni kudá' taa dahaás, nee múk xoordaá hatlá' a adór xa'anoó seituúni oo baraá sla/a, oo hee aa dahaasiiká. Haleemo bahh'alé awa xa'anoodá' taa dahaás kina tlaáq. Haleemaá hatlá' awa xa'anooduú sla/a, kiri haátl baraá xa'anoodá' taa dahaás, nee di/tá xa'anoodá' taa dahaás ngiri /ayiyé'. Kuungá' a adór haleemiidá' taa haátl.

Ya/abtór hho' 1977

¹⁷ Ala daxta a adoorí, múk Yahudi a adór xa'anoó mseituúni kudá' taa dahaás, nee múk xoordaá hatlá' a adór xa'anoó mseituúni oo baraá sla/a, oo hee aa dahaasiiká. Haleemo bahh'alé awa xa'anoodá' taa dahaás kina tlaáq. Haleemaá hatlá' awa xa'anooduú sla/a, kiri haátl baraá xa'anoodá' taa dahaás i alé, nee di/itá xa'anoodá' taa dahaás ngiri /ayiyé'. Kuungá' a adór haleemiidá' taa haátl.

Rumi 11:17 Iomraidhean Croise

WARA'AMI 52:8

Ala aníng a adór xa'anoó naá/ oo seituúni, oo naa baraá Doó Mungú wa ti'iit. Sla'aarír Mungú ar warqawaaká an harahhiíf, ay kureeraá kureér.

ISAYA 27:11

Haleemaá xaai nina kahiyé' niri qeqtiné', /ameena nin hardát giri sleemís giri ásltár oohamís. Asma mukwí gár aa tsaáhh i káhh, gawaá adoorihe, tleehharusmooín gi sangw gurtlayká, kudá' inooín gaa tleehh gi sangw i gurtlayká.

ISAYA 6:13

Tam panoó niiná oo aa meet, aqo kun hhaamiis. Kuká' tari adór sahhti laqaá ta/eewi, tidá' guftanoowós aa meet alaá kawa tsaát. Guftanoowí tay iimu/úngw dahaasíngw hhohhó'.»

YEREMIA 11:16

Qoomarkaaro aníng ana oó'. Inooín an xa'anoó seituúnír loo/o naa/, seituúnír hhohho' nee ar mamaá hhohhó' koom. Ala hám daxta ar afór adór kwarara/ár ur xa'anoowí un daá/ ar asla nee haleemiiwós in hhaamiís.

YONA 1:16

Ala mukdaádá' AAKOÓ MUNGÚ kuri ló'wa da'ayuút, ilahhooár muruú ta tsu/i kari haniís. Nee kway al'axweesantí tseék.

SEKARIA 4:3

Nee dír bihhaá kitangwdae xaa'aá tsár awa seituúni i dayá', oo wák bihhaá doó /iyáy awa búkli nee oo hatlá' bihhaá doó basáy.»

Matayo 21:43

«Gawaá adoorihe án kuungá' nu baw, ‹Waawuti'iimár Mungú ka hingees dirhunge, nee kari haniis dír xoorór tlehhema'aá waawuti'iimadá' wa hariim gi tlehhiit.› [

Yohana 15:1

«Aníng a xa'anoó sabiíbu kuduú ló', nee Baabuúeé' an dooslitmo.

Yohana 15:2

Umuúqo halmír laqwaliimaaká baraaeene gan hingees. Nee halmiidá' laqwaliim, gan fiits, as iwa laqwal kángw kilá' wa ale.

Yohana 15:6

Heé baraaeé' wa kumiitaaká hotaango, kun tsee/aá i kwaahh, adoodár halmi kar tsee/ií kwaakwahhi, iri kát. Muu haleemiidá' giri sleemiis, kiri kwaahh baraá asla, as asla ngiwa /ak.

Tlehhema'aá ya/Abuuse 2:39

Asma al'axweesantí a toohúng, nee ar na/iihúng, nee ar muu sleémeero oo sawén, kudá' sleémeero Aakoó Munguúrén i ateeti as nguwa i hardihiya'.»

Rumi 11:24

Asma kuungá' múk xoordaá hatlá' tunduna gawaá xa'anoó sla/atá wa tsaát, tunduri haátl gawaá xa'anoó taa dahaás. Múk Yahudi a adór haleemiidá' kilá' awa xa'anoodá' taa dahaás. Ala a gár ak inslaahh haleemiidá' taa tsaát kiwa ki/isi gawaá xa'anoodá' i dahhiya', ta haleemiidá' xa'anoó sla/ato.

Galatia 2:15

Ar ló', atén a múk Yahudi laqwalamko, a múk xoordaá hatlaeeká, kuduú tlakuuse.

Efeso 3:6

Lu/aaráy a kwí, baraá Kristo Yesuwo múk xoordu kwaa aaluuse tleéhh dinkwa nee múk Yahudi. Inooín a diqoó slaqwtá wák. Al'axweesantá Mungú a tooín sleeme, ar loohír Ya/abtór hho'.

DABE 8:8

Yaamuuká' a yaamaá angaánoó shayirír koomá', nee xaa'aá sabiíbuwo, nee /aantsihe, nee xaa'aá ta babay komamaángaro, nee seituúniro nee danuhe.

Kolosai 2:13

Kuungá' aáng a tu'u, as tlakweemaahúng, nee as tunduwa al/utliiká, asma kuungá' tawa múk xoordaá hatlá'. Ala hám Mungú kuungá' sleeme naa slafís dinkwa nee Kristo, qoomár tlakweemaarén sleémeero ngiwa gurtláy,

Geehhoeemaá 11:4

Lamabu'uuseerí tsár a xaaiidá' ta babay seitúni. Nee slám a tsaa'asoodá' tsár, tidá' sihhimiit dír geeraá Aakoó yaamuú wa ale.