Rumi 11:15 - Biblía Axweesantá Hhohho' ar Mungú 2004

¹⁵ Asma inooín qoomár kiwa sií', muu sleémeero kuna haraki/ís dír Mungú i alé. Ala qoomár inooín birka ya/án nee Mungú, adoorí gár ni hup a milá? Gár ni hup a slafiíngoóke dír mukdá' aa qatli?

Ya/abtór hho' 1977

¹⁵ Asma inooín qoomár kiwa sií', muu sleémeero kuna haraki/ís dír Mungú i alé. Ala qoomár inooín birka ya/án nee Mungú, adoorí gár ni hup a milá? Gár ni hup a slafiíngoóke dír mukdá' aa qatli?

Rumi 11:15 Iomraidhean Croise

DANIELI 9:24

«Afiqoomár wiikadaá mibeeri faanqw, kaa qaás as mukók nee daanduú gixsarók tidá' hhoohhoo' as dakuús kawa faaki, tlakweema kiwa gurtlay, nee gan'amuú alhhe'eesáy wasle kunguwa huwi iigu'utu nee aaru'uuma kiwa dugunó i qaasi, nee didá' ló'wa hhoohhoo' kawa di/tí qaasi.

Luka 15:24

Asma garmaaeé' kwí geeraawo aa gwaá', nee hám naa waasleé/, geeraawo aa qwaár, daxta ugwa slawaán.› Bara/ kuri iimu/ún.

Luka 15:32

Ala tawa qwalaala/aan nee tawa bara/aan i hariín, asma hhiyaawók kwí geeraawo aa gwaá', hám naa waasleé/, geeraawo aa qwaár, daxta ugwa slawaán.› »

Rumi 14:1

Heedaádá' haratlintaao niiná alee/iisaak, ala mu sakwasleemuutara' as xu'utirós tidá' i kon.

Rumi 14:3

Ala heedaádá' mura' sleémeero gu /aáy, kudá' /ayiimaaká munguwa waaqaqaá'. Laqaá tam heedaádá' /ayiimaaká, kudá' mura' sleémeero gu /aáy munguwa sakwasleemuút, asma Mungú heedaádá' mura' sleémeero gu /aáy gwa ya/án.

Efeso 1:10

Sla'aarirós iimír aange a mura' sleémeero nguwa haragaasi ar baraá Kristo, kuduú baraá yaamu nee oo gawaá dooriwo, qoomaadá' bál bira bó/, Kristo tay saga.

Geehhoeemaá 11:11

Deeloorí tám nee tlaqi iwa waaráhh, qeeruú slafíngw koóm oo amór Mungú daáhh tu'udá' giri i dáh. Inooín tari sihhiít ar ya'aaín. Nee mukdá' xumiís tari ló'wa da'ayuut.