Rumi 10:3 - Biblía Axweesantá Hhohho' ar Mungú 2004

³ Asma inooín gan'amuuduú amór Mungú daáhh ngu xuiaaká. Inooín gan'amuuín ngun kilooín leelehhiitiyá'. Gawaá adoorihe inooín taa qaasi'iiká baraá gan'amuuduú amór Mungú daáhh.

Ya/abtór hho' 1977

³ Asma inooín gan'amuuduú amór Mungú daáhh ngu xuiaaká. Inooín gan'amuuín ngun kilooín leelehhiitiyá'. Gawaá adoorihe inooín taa qaasi'iiká baraá gan'amuuduú amór Mungú daáhh.

Rumi 10:3 Iomraidhean Croise

NEHEMIA 9:33

Tam adoorihe kuúng gan'amu u koón baraá muruuwí sleémeero atén taa slayi, asma kuúng tu inkihhím, atén a tlakuuse.

YOBU 33:27

Heewí iri dír geeraá múk wa daa', iri ooi, ‹Aníng tlakweema ina tleéhh gan'amu nguri sií'. Ala aníng tlehhmuuwihe taa doohhisiiká.

WARA'AMI 71:19

Aá Mungú, aleesleemuuwók nee gan'amuuwók ina gáwtí hardáh ay doori, xáy Mungú, kuúnguudá' muruú urén ugwa tlehh, heé adór kuúng a heemá?

ISAYA 51:1

Aníng iiárií qaasaré' kuungaádaá hotaá ganaa'á' ngi sla'á', kuungaá AAKOÓ MUNGÚ leelehhiitá'. Tlaa/adá' tunduwa dakuút i qaytsitaak nee baraá bohongwdá' tunduwa duúx ar folit.

ISAYA 51:6

Gawaá doori i qaytsitaak, daanduú yaamu xuxuaak, asma doori i waaraahhiyá' adór quui, yaamu i feehhamiitiyá' adór inqwaarír qaren awa baraadá' hootá' i qatliyá' adór naanaga. Ala ba/amar'eé' in kumaamít ay kureeraá kureér, nee gweeramor'eé' i alhhe'eesoó koondaaká.

ISAYA 51:8

Inooín ki /aay nee sisibú adór tlawuú qarén, tlusá gi /aay adór kaahari. Ala ba/amar'eé' in kumaamít ay kureeraá kureér, nee ba/amar'eé' ar ni huuw ar qari sleémeero.

ISAYA 56:1

AAKOÓ MUNGÚ i kaahi, «Sakwasleemár ganaa' tleehhaak, nee hotaá ganaa'á' ar hootaak, asma ba/amar'eé' hamír kilá' ni hardát, nee ba/amar'eé' ka ar.

ISAYA 57:12

Aníng gana'amuuhúng un alki/iít nee gadiyérhunge, ala inooín gár nuwa buiya' i káhh.

ISAYA 64:6

Atén sleémeero a adór múk taa meetagaás, nee hotaarén awa ganaa'á' a adór tlabaá slasla/aren, atén sleémeero aga /ootsaán adór gitso, nee tlakweemaarén a adór fur'ár atén ti ar tlatlaw.

WA/AA/I 3:22

Sla'aarír warqawaaká ar AAKOÓ MUNGÚ i baloó fakká, gurtleemuuwós i baloó alhhe'eesoó konká.

DANIELI 9:24

«Afiqoomár wiikadaá mibeeri faanqw, kaa qaás as mukók nee daanduú gixsarók tidá' hhoohhoo' as dakuús kawa faaki, tlakweema kiwa gurtlay, nee gan'amuú alhhe'eesáy wasle kunguwa huwi iigu'utu nee aaru'uuma kiwa dugunó i qaasi, nee didá' ló'wa hhoohhoo' kawa di/tí qaasi.

TLAHHOÓ LAÁWI 26:41

gár aníng nee inooín tisa tlaampa'aamisaán bar ngaa tsaahhiyé', nee gár ngisa huúw baraá yaamaá wakuuser'ín, nee barnaxes ar ló' muner'ín tidá' gawden aa wanana'át nee tlakweemaaín ngiri hhu'uu'uné',

Luka 10:29

Ala heedá' tina kilós gan'amií harafaár, iri Yésú yaahaás, «Ahaá, inslaawmooeé' a heemá?»

Luka 16:15

Yesu giri báy, «Kuungá' ti geehhooatimisá' dír geeraá muko, tawa kudá' hota ganaa'á'. Ala Mungú munerhúng ga xuu'. Muruudá' muu i gaárí xui, ala dír geeraá Munguhe an kudá' buhhtamís.

Rumi 1:17

Asma baraá Ya/abtór hhoe loohír Mungú kaa geehhooatís ar hee nguwa gan'amií harafaari as haratlintaao. Nee loohirí i haratlintaaór huwaahúp sleeme. Asma Gooi i kat, «Heé gan'amuú koóm gár ir slafi a haratlintaao.»

Rumi 10:2

Asma aníng a lamabu'uúm adór inooín ilakaaharu ngur ló'wa koná' as Mungú, ala xu'uti ngi kona'aaká.

Rumi 10:20

Aluuwo Isaya aa qiítl /aymi'iiká' ngiwa oó', «Múk aníng leelehhiitaaká, aníng ina sláy, nee múk aníng yaahamiisaaká, aníng tina dir'íní geehhooeés.»

Rumi 11:7

A adoomá daxta? Gadaádá' múk Israeli aa leelehhiít, gaa slayká. Ala mukdá' taa tsawaár gaa sláy. Awa hatlá' kiri mune gawdeés,

Rumi 3:22

Mungú gan'amuuwí gun hanmiis dír umuúqo heewo oo Yesu Kristo gwa haratlintii'. Ku hanmiis dír umuúqo heewo as haratlintaao. Asma barqaanti i káhh.

Rumi 3:26

Ala gawaá qoomaarihe loohirós gan laqaamár wa slaa', ar hee ngur gan'amií harafaari. Inós gár i slai a kun tsaahh iwa gan'amuú kon, nee heé Yesu gwa haratlintii', ngur gan'amií harafaari.

Rumi 5:19

Asma adoodá' mukdá' yaariír ira tlakuuse tleehhiít as dee/aanuú heé wák, adoorí sleeme an adoodá' mukdá' yaariír kur gan'amií harafaari as iialooeesár heedá' wák.

2 korinto 5:21

Heedaádá' tlakweemaá xuaaká, Mungú heedaádá' guna tlakweema tleéhh as atén, as atén tiwa gan'amií harafaari dír geeraá Munguhe ar loohír inós.

DABE 6:25

Atén ilakaaharu bura tleehhaán dír geeraá AAKOÓ MUNGÚ, Munguúrene, hara'ayarós sleémeero bara boo/eesaán adoodá' inós ngira hara'ayín, atén daqaní ti gan'amií harafaar.› »

Filipi 3:9

nee niwa haragwaa' dirós i alé. Daxta aníng hotaá ganaa'á' awa naa sláw as hara'aya ngiwa boo/eés, i kahhiyá'. Hotaá ganaa'á' awa ni xuu' a kudá' kilós hee i slay as Yesu Kristo nguwa haratlintií', an kudá' amór Mungú dahhá', as haratlintaao.

2 Petro 1:1

Anuú Simon Petro, lawaalmoó Yesu Kristo nee ya/abusmoowós, aníng barwaárí ngina gooiím amór mukdá' haratlintaaór afhhamít gaa slay, adór atén wa ale, ar loohír gan'amuú Mungú nee Ba/amusmoorén Yesu Kristo.