Rumi 1:9 - Biblía Axweesantá Hhohho' ar Mungú 2004

⁹ Asma Mungú kwí án ni sagadiyuus ar muunaáeé', Ya/abtoorí hho' ar Garmaawós ngiwa alki/iít, inós a lamabu'usmooeé' adór kuungá' nur inslasláw baraá firooro umuúqo daqto, ga xuu' adór kuungá' án nur aleefiririím umuúqo daqto.

Ya/abtór hho' 1977

⁹ Mungú ga xuu' adór kuungá' án nur aleefiririím umuúqo daqto. Mungú aníng un sagadiyuús ar muunuúeé', ar Ya/abtór hho' ngiwa alki/iit ar iidíguú Garmaawós.

Rumi 1:9 Iomraidhean Croise

YOBU 16:19

Aníng a ló'wa xuú', lamabu'usmooeé' i gawaá doori. Oo aníng i aleekal/aám i gawaá doorí dirii'.

Marko 1:1

Gaarí a iimu/úngw Ya/abtór hho' daanduú Yesu Kristo, Garmoó Mungú.

Luka 18:1

Aluuwo Yesu giri slaqsaywí báy as ngiwa intsaahhatisi, asma inooín gár kiwa hariím a Mungú ngun firiiriná' daqisleém, tam matawa mune sií'.

Tlehhema'aá ya/Abuuse 12:5

Petro kuna xún baraá doó tseegamór wa ale. Ala múk kríshaanáy Mungú guna firín ar ilakaaharu as inós.

Tlehhema'aá ya/Abuuse 19:21

Alaá kaangwí sleémeero iwa tleehharuút, Paulo isa gari tsaát iwa waaraahhi ar Makedonia nee Akaya, nee iwa kumiiti ay Yerusalemu.» Iri oó', «Aníng bara amorqí hardáh, gár iwa hariím an Romár káw sleeme.»

Tlehhema'aá ya/Abuuse 24:14

Aníng aga dír geeraawók wa ya/aám, Munguúduú baabi'iirén un haratlintatií' ar loohidá' ngiwa eeharahar, tidá' inooín tawa kaahi a loohír lama. Nee tidá' sleémeero nee hara'ayár Mose ti slaslaawá' an haratlintatií', nee tidá' taa gooín baraá kitaaba'aá aaruuse.

Tlehhema'aá ya/Abuuse 27:23

Asma xweeraaká' laarí malaykamoó Munguúdá' aníng naa haratlintií', slám ni sluufmiis, nina bihhieé' i sihhiít,

Tlehhema'aá ya/Abuuse 3:26

Qoomár Mungú sagadiyusmoowós kwí nguwa hhe'eés waasle/atisaro, nguri amorhúngí geerií ya/aáw, as umuúqo heewo tlakweema ngiwa may as tsuuqaawós.»

Rumi 9:1

Aníng gaarí ni kah ar ló', asma an káh ar baraá Kristo, slám lama a ooaaká. Muunaáeé' nee Qeeruú hhoohhoó' oo Mungú a lamabu'uuse dinkwa nee aníng niwa kah,

2 korinto 1:23

Mungú an lamabu'usmooeé' aníng gár nisa malé Korintór i ki/iiká, inós ga xuu' asma aga slaiiká kuungá' nuwa slahh'ees.

2 korinto 11:31

Mungú, Baabuú Aako Yesu, kudá' xiríf ay alhhe'eesay wasle, inós ga xuu' adór aníng lama ngir kaahaaká.

Galatia 1:20

Ti ni amorhúngií gooiim ar ló' tam geeraá Munguhe.

Efeso 6:18

Muruuwí sleémeero tlehhiitaak ar baraá firo, tawa firiiriinda' umuúqo daqto ar /uuruú Qeeruú hhoohhoó' oo Mungú. Gawaá adoorihe dalaaé' tawa kumita' baraá firooro, múk hhohhó' oo Mungú sleémeero kuwa aleefiriiriinda'.

Filipi 1:3

Án Munguúeé' un sluufmiís umuúqo qoomár barnaxes kuungá' naa insláw.

Filipi 1:4

Qoomár barnaxes a firiiriím, án kuungá' sleémeero nun aleefiraariím ar qwala/.

Filipi 2:22

Ala kuungá' Timoteo u xuá' adór kur inkihhím. Inós nee aníng gadiyér Ya/abtór hho' an altlehhahhitaán, adór baabá nee garmaawós.

Filipi 3:3

Ala múk taa al/utlín a atén, ar al/utloodár ló'. Qeeruú Mungú atén ti gan'aamiis baraá sluufayrene. Atén tin xirfayeemisaán as Kristo Yesu kilós. Gár hatlá' ar ta haraxuaan i káhh ar tlehhema'aá tawo.

1 Tesalonike 1:2

Umuúqo deelooro Mungú un sluufmiisaán as kuungá' sleémeero, nuwa aleefiriirimaan baraá saalingwrene.

1 Tesalonike 3:10

Xweera nee tlaatla/aango Mungú un ló'wa firiirimaán as gitsee/erhúng ngiwa malé araan, nee muruudá' aa /aaruy baraá haratlintaaorhunge kuwa /abeesaan.

1 Tesalonike 5:17

Firo ma baloó mawaara'.

1 Timoteo 2:7

Nee aníng tina qaás tawa alki/itusmoó kaangwí nee tawa Ya/abusmo. Tí ni kah ar ló', lamtá ni kah i káhh. Tina qaás múk xoordaá hatlá' nguwa intsaahhatimis daanduú haratlintaao nee looeemaawo.

2 Timoteo 1:3

Munguúwí ni sagadiyuus ar muunuú hhoohhoó' iimír taati'iieé' wa ale un ló'wa sluufmiís. Aníng kuúng u baloó gunqareesaaká aleefirooro tlaatla/aangw nee xweeraawo.

Filemoni 1:4

Deelo sleémeero án Mungú un sluufmiís as kuúng, nee un inslasláw baraá firor'eene,

1 SAMUELI 12:23

Tam adoorihe amór bartá aninge, aníng AAKOÓ MUNGÚ muwa tlakweemií tleéhh ar kuungá' nuwa maw aleefirooro, ala nun intsaahhatís baraá lohaá hhoe nee awa ganaa'ae.