Rumi 1:8 - Biblía Axweesantá Hhohho' ar Mungú 2004

⁸ Gár har geera a Munguúeé' un sluufmiís ar baraá Yesu Kristo as kuungá' sleémeero. Asma umuúqo diiro baraá yaamu sleémeerowo haratlintaaorhúng ka alki/iit.

Ya/abtór hho' 1977

⁸ Gár har geera Mungúeé' un sluufimiís baraá Yesu Kristo ar alé as kuungá' sleémeero. Asma umuúqo diiro baraá yaamu sleémeerowo haratlintaaorhúng ka alki/iit.

Rumi 1:8 Iomraidhean Croise

Matayo 24:14

Slám ya/abtór hho' ar waawuti'iimár Mungú ka alki/iit baraá yaamu sleémeerowo as iwa lamabu'uungw tleehhit dír xoordu sleémeerowo. Daqaní alhhe'eesaydá' in sangw hardah.»

Luka 2:1

Qoomaadae waawutmoó múk Roma, kudá' ta bay Augusto, hara'aya gana oó' umér múk baraá yaamu sleémeero kawa gooin.

Tlehhema'aá ya/Abuuse 11:28

Oo wák tla/angw'ine ku babay Agabo, iri sihhiít iri oó' ar /uuruú Qeeruú hhoohhoó' oo Mungú, iwa kaahi, giyér yaariir ni tleér baraá yaamu sleémeerowo. Giyeérí niri tleér qoomár Klaudio tawa waawutmoó múk Roma.

Tlehhema'aá ya/Abuuse 28:22

Ala hamí a dirók wa sla'aán axaasaro adór kuúng ta ara'aan. Asma atén gár taa axaasaán a diínisíng kuúng taa eehát, kan afo tlakweemiis umuúqo diiro.»

Rumi 10:18

Ala aníng an yaahaás niwa kah, «Inooín Ya/abtoodá' kaa axaasiikáhe?» Aasla'áy, inooín kaa axaás, asma Gooi i kat, «Afor'ín kaa axaás baraá yaamu sleémeerowo, nee axweesanay'ín aa hardáh ay alhhe'eesoó yaamu.»

Rumi 16:19

Umuúqo heewo kangwhúng gwa axaás adór kuungá' tar múk iialoén dír Ya/abtór hhoe. Gawaá adoorihe aníng a qwalalaá/ as kuungá'. Ala aníng gár ni slaa' a kuungá' masók an múk sageloén baraá muruú hhoe, nee an daktana baraá muruudá' tlakwe.

Rumi 6:17

Ala Mungú ku xirfayeesi. Asma kuungá' aáng a lawaalér tlakweema. Ala hamí intsaahhasadá' taa ilaoté', aga ló'wa iialooesé' ar mune sleémeero.

1 Korinto 1:4

Aníng Mungú un sluufmiís as kuungá' umuúqo daqto. Un sluufmiís as tsuuqaadaá Mungú kuungá' taa sleeré' ar baraá Kristo Yesu.

2 korinto 2:14

Ala Mungú i xirfuuti, asma inós atén tin geeraharahaar arba/ati kawa slaslawaan deelo sleémeero baraá Kristowo. Nee inós atén tin ar gadiyuus as kangós kuwa tsiyaayaaxi umuúqo diiro, adór mooyángw tsuú' wa ale.

Efeso 1:15

Aníng aga axaás adór kuungá' Aako Yesu kura haratlintié', nee adór muu sleémeero oo taa hhoohhooeés kur sla'á'.

Efeso 1:16

Gawaá adoorihe án Mungú un sluufmiís umú deelooro as kuungá' baraá firor'eene.

Efeso 3:21

Mungú i xirfuuti baraá mukose, as adoodá' atén tiwa haragaás nee Kristo Yesu. I xirfuuti umuúqo qarto ay alhhe'eesay wasle. Amin.

Efeso 5:20

Nee Mungú Baabá ku sluufmisá' daqisleém as mura' sleémeero ar baraá umuú Aakoorén Yesu Kristo.

Filipi 1:11

Nee kuungá' tundu hatsiis gan'amuwo, kudá' Kristo i tlehhiiti baraá munerhúng wa ale, as ilaiwa/amér Mungú nee xirfuuwós.

Filipi 1:3

Án Munguúeé' un sluufmiís umuúqo qoomár barnaxes kuungá' naa insláw.

Kolosai 1:3

Atén deelo sleémeero Mungú, Baabuú Aakoorén Yesu Kristo un sluufmiisaán, qoomár burnu aleefiriiriimaán.

1 Tesalonike 1:2

Umuúqo deelooro Mungú un sluufmiisaán as kuungá' sleémeero, nuwa aleefiriirimaan baraá saalingwrene.

1 Tesalonike 2:13

Gár hatlá' ar Mungú kuwa sluufmiisaan daqisleém a tí. Qoomár atén Ya/abtór Mungú ngiwa dirhúng i alki/iitaán, kuungá' Ya/abtoodá' kari iiárií qasé', nee kari ilaoté'. Kawa ilaoté' a adór Ya/abtór heewooká ala ar Mungú. Ala ar ló' a ar Mungú. Nee inós an kudá' gadiyér tleéhh baraahúng wa aleeró, kuungaásingá' aga haratlintie'.

2 Tesalonike 1:3

Hháe, atén gár tiwa hariím a Mungú un sluufmiisaán umuúqo deelooro as kuungá'. A gár hariím adoorí atén kawa tleehhaan, asma haratlintaaorhúng i ló'wa doogigiín, nee slám a ló'wa uraareerá' baraá sla'aarír kuungá' tiwa kiloohúng sla'aasla'a'a.

2 Timoteo 1:3

Munguúwí ni sagadiyuus ar muunuú hhoohhoó' iimír taati'iieé' wa ale un ló'wa sluufmiís. Aníng kuúng u baloó gunqareesaaká aleefirooro tlaatla/aangw nee xweeraawo.

Filemoni 1:4

Deelo sleémeero án Mungú un sluufmiís as kuúng, nee un inslasláw baraá firor'eene,

Ebrania 13:15

Gawaá adoorihe atén masók Mungú un ilahhooarén ar muruú ta tsú/í hanmiisaán ar loohír kuwa xirfayeemisaan umuúqo daqto ar loohír Yesu. Gídaabárós a Mungú un xirfayeemisaán ar afeerén.

1 Petro 2:5

Kuungá' kilá' sleeme masók a adór tlaa/aá slafá', tundu tleehhi tawa doó qeeru tleehhita'. Kuungá' masók a kaahamuusér Mungú ar hhohho', nee ilahhooár qeeru ar muruú ta tsu/i kawa huba', tidá' ta ya/an nee Mungú ar loohír Yesu Kristo.

1 Petro 4:11

Heé axweesantá Munguú alki/iít, ngi alki/iiti ar adoodá' axweesantá Mungú i kat. Heé gadiyuús, i gadiyuusi ar /uuruudá' Mungú aa haniís dirós i alé, as kahhó' Mungú iwa xirfuuti baraá mura' sleémeerowo ar loohír Yesu Kristo. Xirif nee aleesleemu a kós tam ay alhhe'eesay wasle. Amin.