Rumi 1:3 - Biblía Axweesantá Hhohho' ar Mungú 2004

³ Ya/abtoorí a kángw Garmaawós, Aakoorén Yesu Kristo. Inós an hee, nee tlahhaywós oo baraakaá yaamu a tlahhoó Daudi.

Ya/abtór hho' 1977

³ Ya/abtoorí a iidíguú Garmaawós, Aakoorén Yesu Kristo. Inós an hee, nee tlahhaywós oo baraaká' yaamu a tlahhoó Daudi.

Rumi 1:3 Iomraidhean Croise

IIMU/UUNGW 3:15

Aníng wakaari a qaás tla/aangók nee /ameenirí, nee tla/ángw xwaylarók nee xwaylarós. Xwaylarós kuúng un saga naasuúr. Kuúng inós an koolo kíhh.»

WARA'AMI 2:7

Waawutmo i kaahi, «Aníng hara'ayaadá' AAKOÓ MUNGÚ naa oó' an alki/iít. Inós ina báy, ‹Kuúng an garmaaeé', án laarí kuúng ugwa laqwaál.

YEREMIA 33:26

daqaní aníng xwaylár Yakobo nee Daudi sagadiyusmooeé' aga sií', nee heé wák u tsawaaraaká oo xwaylár Abrahamu, nee Isaka nee Yakobo ga sawaawuti'iím. Asma aníng muk'eé' un diihhooárí ki/ís nee nguri gurtláw.› »

AMOS 9:11

«Baalaarihe aníng doó Daudi kudá' aa huu' u tleéhh, nee koo/idá' aa hhitirut an tleéhh, aníng sluhhaywós kudá' aa huhu'un u sihhtís, gixsadá' an malé tleéhh ngay adoodár aángií ki/ís.

Matayo 1:1

Kaangwí an adór alki/ituú tlahhoó Yesu Kristo kura gooín. Inós oo xwaylár Daudi, Daudi oo xwaylár Abrahamu.

Matayo 1:16

Yakobo ina laqwaál Yosefu, hhawaatuú Maria aayór Yesu kudá' ta babay Kristo.

Matayo 1:6

Yese ina laqwaál waawutmo Daudi. Daudi ina laqwaál Solomon, nee aayírós a harér Uria.

Matayo 12:23

Boo/aydá' sleémeero iri waa/oó/, tari káh, «Heewí a Garmoó Daudíwoóke?»

Matayo 15:22

/Ameenirkar xoorór Kananayo, ar yaamuudá' hoot, Yesu guri i daqeér, iri tsé' ar afór ur, guri beér, «Aáko, Garmoó Daudi, án gurtlawáng. Dasir'eé' neetlaame gaa ló'wa slahhe'eemís.»

Matayo 26:63

Ala Yesu aa ilawatsiiká. Kaahamusmoó úr oo Mungú Yesu guri báy, «Án kuúng u baw, lo'o huweek ar Munguúdá' slaáf. Atén ti ádbeer kuúng barnaxes aqo Kristo, Garmoó Mungú.»

Matayo 27:43

Inós Mungú gu haratlintatii'. Barnaxes Mungú inós ngu slaa', ngu ba/amisi hamí. Asma inós ina aaín, ‹Aníng a Garmoó Mungú.› »

Matayo 3:17

Afo nay gawaá doorí wa ilawáts iri ó', «Kwí a Garmaaeé', sla'aarusmooeé' oo aníng iga qwal/atis.»

Matayo 9:27

Yesu iwa didá' wa tláy, iri geerií kumiít, kuri eehár nee múk tsár oo taampu i tseeamín, ta kaahi, «Garmoó Daudi atén ti gurtleer.»

Luka 1:35

Malaykamo gari báy, «Qeeruú hhoohhoó' oo Mungú ni dirók i hardah, nee /uuruú Kudá' Gáwtí dirií' kiíng i tuuntuuk. Gawaá adoorihe na/oó ta laqwaali ku hhoohhoó', kuri bay Garmoó Mungú.

Luka 1:69

Ba/amusmoorén oo /uuruú koóm ngwa sláy baraá tlahhoó lawaalmoowós Daudi wa ale,

Yohana 1:14

/Aymuuwí ina hee tleehhiít, iri amoorén wa hoót. Atén xirfuuwós ngway araán, i ló'wa haats gurtleemuuwo nee looeemawo. Xirfuuwí guna amór Baabá wa sláy, asma inós a Garmoó kilós oo Mungú.

Yohana 1:34

Nee tí aníng aga ár, slám aga lamabu'uúm adór kwí tar Garmoó Mungú.»

Yohana 1:49

Natanaeli iri oó', «Intsaahhatusámo, kuúng a Garmoó Mungú. Slám kuúng an Waawutmoó múk Israeli.»

Yohana 10:30

Aníng nee Baabá a wak.»

Yohana 10:36

Ala anuúwí taa tsuúq nee Baabá, nee tiri ya/aáw baraá yaamu, kuungá' mis babeera', ‹Kuúng a Munguú /ooslisliín,› án bar kah, ‹Aníng a Garmoó Mungú?›

Yohana 20:28

Tomas guri báy, «Aakooeé' nee Munguúeé'.»

Yohana 20:31

Ala kuká' kingina gooín, asma kuungá' kawa haratlintia' adór Yesu tar Kristo, Garmoó Mungú, nee ar haratlintaooro slafiingw kuwa umuuwós ar sleera'.

Yohana 5:25

Án a kah, qooma ni hardát, nee hám naa hardát, ar tu'u afór Garmoó Hee ngiwa axaasiya', nee kudá' afo ngaa axaasiye' tari slaaf.

Yohana 7:42

Gooi baré i kat, Kristo i ti'iit baraá xwaylár Daudí wa ale, nee amór ni dahhi a baraá Betilehemu, gixsadá' Daudi iwa hoót.»

Tlehhema'aá ya/Abuuse 2:30

Slám inós a aarusmo, nee lo'oodá' Mungú aa /aáy inós ga xuu', tidá' kah, ‹Baraá xwaylaroge heé wák u waawutmoó wa qaás.›

Tlehhema'aá ya/Abuuse 3:13

Munguú Abrahamu nee oo Isaka nee oo Yakobo, Mungú baabi'iirén, sagadiyusmoowós Yesu guna xirfayeés, ala kuungá' sagadiyusmoowí kuri saki/é', kuri geeraá Pilató wa sié', qoomár Pilato iwa inós gweerár wa slai.

Tlehhema'aá ya/Abuuse 8:36

Tari kumiít loohiro, tari hardáh dír ma'aay i dirii'iya'. Heedaádá' iri oó', «Qaytsiít, ma'aay diirihe i dayá'. Gár aníng i il/aam a milá, ar tis baatisiiká?» [

Tlehhema'aá ya/Abuuse 9:20

Kángw Yesu guri alki/iít baraá maraá saaliingo iwa kaahi, «Inós a Garmoó Mungú.»

Rumi 1:9

Asma Mungú kwí án ni sagadiyuus ar muunaáeé', Ya/abtoorí hho' ar Garmaawós ngiwa alki/iít, inós a lamabu'usmooeé' adór kuungá' nur inslasláw baraá firooro umuúqo daqto, ga xuu' adór kuungá' án nur aleefiririím umuúqo daqto.

Rumi 4:1

Ala gár ta ooaan a milá daanduú baabuúrén Abrahamuwo.

Rumi 9:3

Án geeraawo gár ni slaa' masók tin lu'us nee tiwa paraatli dír Kristowo, adoorí geera bir alee/isoó huba dír hhaee'eene, kudá' tlahhay'eé'.

Rumi 9:5

Inooín a laqwalór baabi'iidá' aáng. Nee Kristo dír naa daáhh a baraá tlahhay'ín xwaylár slaqwto. Inós a Mungú mura' sleémeero gu baliít. Inós i xirfuuti ay alhhe'eesay wasle. Amin.

1 Korinto 1:9

Mungú ku inkihhím. Inós an kudá' kuungá' naa ateet as tawa data' baraá dinku'uumadár Garmaawós Yesu Kristo, Aakoorén.

1 Korinto 10:18

Múk Yahudi ga/aawaak. Mukdá' fu'unaá taa ilahhooár wa haniís gi /aáy, inooín ta dinku'uumísiíke nee kitangwduú ilahhooa?

Galatia 4:4

Ala qooma iwa bó/, Mungú Garmaawós nguna ya/aáw, kuri laqwaál nee /ameeni, kuri laqwaál didár hara'aya i sa waawuti'ii'iin,

1 Tesalonike 1:10

nee Garmaawós Yesu kuwa daamaraanda' gawaá doorí alé, kudá' Mungú aa waasle/atís baraá múk aa qaátl wa ale. Yésuuwí an kudá' atén ti ba/amís baraá sakwasleemaadá' sangw hardaha.

1 Timoteo 2:5

Asma Mungú a wak. Nee har'ohusmo a wak sleeme, kudá' har'ohiím tla/ángw Mungú wa ale nee muu. Inós a hee, Kristo Yesu.

1 Timoteo 3:16

Ar ló', naaqór haratlintaaoorén ka ló'wa ur. Mungú kuna geehhooatís ar slaqsoó hee. Gan'amuuwós kuna laqán nee Qeeru. Inós kuri ár nee malayke. Kaangós kuri alki/iít dír xoorduuwo, inós kuri haratlintií' baraá yaamuwo, kurir tláy gawaá doori.

2 Timoteo 2:8

Yesu Kristo na inslaweek. Inós a heé tlahhoó Daudi, nina waasleé/ baraá múk aa qaátl wa ale. Gaarí a Ya/abtór hho' ar aníng ni alki/aa/iit.

1 Yohana 1:3

Tidá' taa araán nee taa axaasaán ngin dirhúngií alki/iitaán, asma kuungá' niwa haragwa'a' dír dinku'uumarén, tidár dinkwa nee Baabá, nee Garmaawós Yesu Kristo.

1 Yohana 3:23

Hara'ayaarós a tí, Garmaawós Yesu Kristo ku haratlintiaán, nee atén nee hhaeerén ti sla'asla'aané' adoodá' tira hara'ayín.

1 Yohana 3:8

Heé tlakweemaá tlehhaahhiít oo Neetlaangw, asma Neetlaangw i qaroó tlakweemaá tlehhaahhiit iimír iimu/uungo. Garmoó Mungú kunguna geehhooatís, as gadiyér Neetlaangw ngiwa hhitin.

1 Yohana 4:15

Hee bira ya/án adór Yesu Kristo tar Garmoó Mungú, Mungú i baraawós i dirii'. Nee inós i baraá Mungú.

1 Yohana 5:1

Umuúqo heé adoorí gaa haratlintii' adór Yesu tar Kristo, heewí kwa laqwaál nee Mungú. Heé baabuú na/aay gu slaá', na/aydá' baabá aa laqwaál gu slaa' sleeme.

1 Yohana 5:20

Garmoó Mungú adór nira hardáh, atén a xuaán, nee inós fuquraangw ngwa haniís oo inósuuduú Munguú ló' kuwa xuaan. Nee atén a baraá inósuuduú ló' i diriiaán, as tawa baraá Garmaawós Yesu Kristo. Kwí an Munguú ló' nee slafíngw alhhe'eesay wásl.

1 Yohana 5:5

Heé yaamu gir baá/ a heemá, aqo har kudá' aa haratlintí'iíke adór Yesu tar Garmoó Mungú.

2 Yohana 1:7

Asma al/aymuusér yaariir naa ti'ít baraá yaamuwo, ar kah, Yesu Kristo naa hardihiiká ar baraá slaqwa. Kwí an kuduú al/aymusmo, nee Wakusmoó Kristo.

Geehhoeemaá 2:18

«Kaangwí gooiimeek amór malaykamooduú múk kríshaanáy oo baraá Tiatírár i dirií', «Axweesantí dír i dahh a dír Garmoó Mungú, kudá' ilaawós gwa/aatá' adór tsángw asla, nee ya'aawós a adór muqslír sirdaa/aat ar taa ló'wa hhohhoeés ar asla.