Rumi 1:25 - Biblía Axweesantá Hhohho' ar Mungú 2004

²⁵ Asma inooín looeemaá Mungú ngina warqeesiyé' ar lama. Inooín gadaádá' taa tleéhh nee Mungú, kan ilaiwawaa/, nee kari xirfayeemiis, ala Mungú inósuú kilá', kuduú Tleehharusmo, kwaa xirfayeesiiká. Inós an kudá' ta xirfayeemisi ay alhhe'eesay wasle. Amin.

Ya/abtór hho' 1977

²⁵ Inooín looeemaá Mungú ngina waa'alhané' nee lama. Inooín gadaádá' taa tleéhh nee Mungú, kan ilaiwawaa/, nee kari xirfayeemiis, ala Mungú inósuú kilá', kuduú Tleehharusmo, kwaa xirfayeemisiiká. Inós an kudá' ta xirfayeemisi ay alhhe'eesay wasle. Amin.

Rumi 1:25 Iomraidhean Croise

WARA'AMI 72:19

Umuuwós kudá' xiríf ku diidi'iimiis ay alhhe'eesáy wasle. Yaamu sleémeero xirfuuwose i hatsiye' ay alhhe'eesay wasle! Amin! Amin!

ISAYA 44:20

Inslawaywós i baraá gaadaádá' da/ara tleehhiit kilós. Heé adór kwí aa hhitiruút ti baloó ba/amisiiká, laqaá sleeme i kaahiiká. «Gaarír gawaá dakw'eé' oo doó /iyáy a lamtookáhe.»

YEREMIA 13:25

AAKOÓ MUNGÚ i kaahi, «Gaarí an tidá' kuúng u slaw, gaarí an tidá' anuú AAKOÓ MUNGÚ naa kuúng i qoomeés, asma kuúng aníng iga gunqaarés, lameemo kiri harahhíf.

YEREMIA 16:19

Aá AAKOÓ MUNGÚ, kuúng an /uuruueé', nee koo/ir'eé' ar gawit, kuúng an dír guway'eé' qoomár slahh'amuwo! Xoordaá badu sleémeero awa yaamu nin amoorók i hardihiyá' tawa kaahi, «Baabi'iirén gár taa aál i káhh, aqo har munguaá lama, muruú tawo oo slaasláwár koomaaká.

AMOS 2:4

AAKOÓ MUNGÚ i kaahi, «Aníng múk Yuda muxtaaro u mawaaká, as tlakweema ngiwa tlehhaahhitiyé'. Asma inooín dabér AAKOÓ MUNGÚ eeharto ngina si'iyé', tam kaahirós sleeme ngaa oohii'iiká. Ala lamtaín tidá' i tlaqaaqatiya' gay dahás baraá qwanaay tidá' aáng taati'ii'ín naa eehariyé'.

HABAKUKI 2:18

«Munguú slaqsaay oo taa tléhh ar daba' gár uwa bui, inós bar muqslír hee aa kwahhuút, gaa barqo lamtá tawo. Heedaádá' murslaaqat gwaa tleehh nguwa malé harahhifi gár nguwa bui, munguúwós kwí i qamin bar munguú murslaaqatuú axweesantá aslawká.

Matayo 10:37

«Heé baabuúwós nee aayo gi slaá' ta aninge, i aníng wa harinká. Slám heé garmaawós gu slaá' laqaá dasiirós, ta aninge, i aníng wa harinká.

Matayo 6:24

«Heé daqaarér tsár sagadiyeede ga aleesláw i kaahh, asma kooko gun aahh, kuqá' gway slaa'. Laqaá nee kooko tin oohiyá', kuqá' gway waaqaa'. Mungú nee daqaari'iima tsaraawo kiwa sagadiyusa' i aleesleera'aaká.»

Yohana 2:8

Giri báy, «Daxta i hheekaak, nee ki hubá' dír heedá' úr oo muruú /aymár qasmiís.» Kiri huúw.

Rumi 1:18

Asma Mungú xarasleemaawós gina geehhooatís gawaá doorí wa ale daanduú múk tlakuuse nee oo aa dee/aanuut, kudá' looeema gaa sii' ar tlakweemaaín.

Rumi 1:23

Inooín Munguúduú slafíngw alhhe'eesay wásl koóm kwaa xirfayeemisiiká. Ala gár inooín taa xirfayeemiís a munguiidá' taa tleéhh ar slaqsa'aá múk qaátl nee awa tsir/o, nee awa makaay, nee awa makaydá' ya'a' waslen.

Rumi 9:5

Inooín a laqwalór baabi'iidá' aáng. Nee Kristo dír naa daáhh a baraá tlahhay'ín xwaylár slaqwto. Inós a Mungú mura' sleémeero gu baliít. Inós i xirfuuti ay alhhe'eesay wasle. Amin.

2 korinto 11:31

Mungú, Baabuú Aako Yesu, kudá' xiríf ay alhhe'eesay wasle, inós ga xuu' adór aníng lama ngir kaahaaká.

Efeso 3:21

Mungú i xirfuuti baraá mukose, as adoodá' atén tiwa haragaás nee Kristo Yesu. I xirfuuti umuúqo qarto ay alhhe'eesay wasle. Amin.

1 Tesalonike 1:9

Asma muu inooín awa kilá' kangwhúng ngu alki/iitiyá', adór kuungá' atén tira ilaoté', nee adór kuungá' munguiihúng kira geexeeré', tari amór Mungú i warqeeré', as Munguúdá' slaáf oo ló' kuwa sagadiyusa',

1 Timoteo 1:11

Intsaahhasarí a tidá' tinda aníng i haniís, as ngiwa alki/iit, intsaahhasarí a Ya/abtoodá' hho' daanduú xirfuú Munguúdá' tsuuqaá koóm.

1 Timoteo 1:17

Waawutmoó alhhe'eesay wásl kudá' baloó gwaa'aaká, kudá' geehhooeeká, inós kilós an Mungú. Ilaiwa/ame a tós nee xirif a kós ay alhhe'eesay wasle. Amin.

2 Timoteo 3:4

múk múk sakikií/, múk siduuse nee daar/uuse, múk muruú baraaká' yaamu gu ak slaá' ta Munguhe.

1 Yohana 5:20

Garmoó Mungú adór nira hardáh, atén a xuaán, nee inós fuquraangw ngwa haniís oo inósuuduú Munguú ló' kuwa xuaan. Nee atén a baraá inósuuduú ló' i diriiaán, as tawa baraá Garmaawós Yesu Kristo. Kwí an Munguú ló' nee slafíngw alhhe'eesay wásl.