Rumi 1:14 - Biblía Axweesantá Hhohho' ar Mungú 2004

¹⁴ Aníng ti iinuus nee múk Yunani, tam múk Yunanirooká sleeme. Aníng ti iinuus nee múk sagalooár koóm, nee kuduú daktana sleeme.

Ya/abtór hho' 1977

¹⁴ Aníng ti iinuus nee múk Yunani, tam múk Yunanirooká sleeme. Aníng ti iinuus nee múk sagalooár koóm, nee mukduú sagalooár koomaaká sleeme.

Rumi 1:14 Iomraidhean Croise

AXWEESANOÓ SAGALOOA 1:22

«Aá múk iimi boó/, iimiboo/arhúng tisíng ka sla'aa'aanda' ay xaylá? Nee múk waaqaqaá' ay xaylá waaqaaqa' ku sla'aa'an, nee daktana ay xaylá xu'uti ngi ahhahhitiya'?

AXWEESANOÓ SAGALOOA 8:5

Aá múk iimibó/, dahar intsaatsahhaak, kuungaásingaá daktana, iia qaasaak.

ISAYA 35:8

Loohír ur baraadae i deer, inós ka bay «Loohír hhoohhoo'.» Múk daba' tlákw loohidá' ga kala/iiká, ala aqo har múk Mungú kilooín. Inooín tam ki iimi bo/e ala i qwaariiaaká baraá loohidae.

Matayo 11:25

Qoomaadae Yesu iri axweés iri oó', «Aníng kuúng u sluufiís, Baabá, Aakoó doori nee yaamu, asma muruuwí ugwa lú/ dír múk sagalooár kooma nee fuquraangw, kuri laqaán dír na/aá ninakw.

Luka 10:21

Hamtidár kilae Yesu kuri qwal/aás nee Qeeruú hhoohhoó' oo Mungú, iri oó', «Án kuúng un sluufiís, Baabá, Aakoó doori nee yaamu, asma muruuwí ugwa laqaandiiká dír múk dahareemaá koóm nee fuquraangw, ala una laqaán dír na/aá ninakw. Eeít, Baabá, asma an adoodá' kuúng kara slá'.»

Tlehhema'aá ya/Abuuse 22:21

Aluuwo aníng iri báy, ‹Tláw, aníng kuúng u amór saáwí ya/aáw, amór múk xoordaá hatlá'.› »

Tlehhema'aá ya/Abuuse 28:2

Múk yaamuudá' tiri wa hhooáy. Qoomaadae tluwaay i tluuw nee tsaaqwa i ló'wa deer, inooín asla kari oohiís, atén tiri dahi'isiyé'.

Tlehhema'aá ya/Abuuse 28:4

Múk yaamuudá' dayshamoodá' nguwa ár iwa hambaleele'miti, tiri kilooín babayé', «Heewí ánga/áw a tsu/utusmo, ala tim aa /uyi baraá tlawto, ala lo'o gu gáwtí geexeeraaká.»

Tlehhema'aá ya/Abuuse 9:15

Ala Aako iri oó', «Kuúng tláw, asma heesíng a xooslmoó aníng naa tsawaár as umuueé' nguwa alki/iiti dír xoorduuwo nee dír waawitá nee dír múk Israeliwo.

Rumi 1:22

Inooín ta kaahi, «Atén a sagalooár koomaán,» ala laatí inooín tari daktu'uút.

Rumi 11:25

Hhaee'eé', án gár ni slaa' a lu/aaráywí un xuá', as kuungá' miti kiloohúng xirfayeemisaara' as sagalooarhúng. Ala lu/aaráy a kwí, múk Israeli bahh'alé muner'ín aa gawduuduúr, ala ar har qoomár niina, ay dír múk xoordu sleémeero i dahi, kudá' ba/ám.

Rumi 12:16

Kuungá' masók ti kiloohúng axweesani slasleerá'. Kuungá' uraay mu leelehhiitara', ala masók tin niinaweemisá'. Kuungá' miti kiloohúng harafadiitara' tawa múk sagalooár koóm.

Rumi 13:8

Hee muwa iinuús tam gár wake, ala masók gár uwa iinuusi aqo har sla'aari kilós. Asma heé heeqá' slaá', hara'aya gaa boo/eés.

Rumi 16:19

Umuúqo heewo kangwhúng gwa axaás adór kuungá' tar múk iialoén dír Ya/abtór hhoe. Gawaá adoorihe aníng a qwalalaá/ as kuungá'. Ala aníng gár ni slaa' a kuungá' masók an múk sageloén baraá muruú hhoe, nee an daktana baraá muruudá' tlakwe.

Rumi 8:12

Gawaá adoorihe, hhaee'eé', heeuumarén ar tlakweema gár atén tiwa iinus i káhh, nee atén gár kawa eeharaharaan i káhh baraá slafingwrene.

1 Korinto 14:11

Ala aníng barnaxes afór tsifriidá' a xuaaká, aníng a adór heé tsifir hatlo dír heedaádae, nee inós a adór heé tsifir hatlo dir'eene sleeme.

1 Korinto 14:16

Asma barnaxes kuúng a Mungú xirfayeemís ar baraá qeeru, heé adoosíng xuaaká, inós adór ir ooi «Amin» a adoomá, barnaxes inós axweesanaydá' gwa tsaahhiiká?

1 Korinto 2:13

Qoomár atén kaangwí bur axweesaán, u axweesanaaká ar axweesanoó sagalooár muu, ala un axweesaán ar axweesanaydá' Qeeru naa atén i intsaahhatimís. Asma atén muruú Qeeru un axweesaán ar axweesanoó Qeeru.

1 Korinto 3:18

Hee mitiwa kilós al/agín. Hee birti kilós harafadiit adór inós ir sagalooár kón, ar adoodá' múk baraaká' yaamu sagalooa ngir ga/ay, heewí gár kuwa hariím in ala daktu'uut, as masók daqaní sagalooaadár ló' ngiwa slay.

2 korinto 10:12

Atén a qiitlanaaká tiwa alqoomeesaan nee mukwí ti kilooín xirfayeemiís, laqaá tiwa amor'ín i harafaaraan. Inooín a daktana, asma ti kilooín alqoomeemesiyá' ar har qoomay'ín kilooín, nee ti kilooín slaqamisiyá' ar slaqsay'ín oo kilá'.

2 korinto 11:19

Asma kuungá' a ló'wa sla'á' daktana kawa sa qiqtliinda', kuungaásingá' ló'wa sagalooár koomá'.

Kolosai 3:11

Ala baraá slafingwí /abene, barqaanti i káhh dír heé Yahudiro nee heé Yunaniro, laqaá dír heé taa al/uútl nee heé taa al/uutliiká, laqaá hoomo, laqaá heé iimiboó/, laqaá lawaalmo nee kuduú lawaalmoowooká. Ala Kristo inós a mura' sleémeero nee i baraá muu sleémeero.

2 Timoteo 2:10

Gawaá adoorihe aníng umuúqo gaaro an saqiqtliím as múk taa tsawaár oo Mungú, asma inooín sleeme masók alhhe'eesaywo ba/amadár baraá Kristo Yesu i dirii' ngiwa slaya', dinkwa nee xirfuuduú alhhe'eesay wásl.

Tito 3:3

Aáng atén sleeme a daktana, slám a múk iawásl. A múk aa qwaar, nee atén a lawaalér ilatleeri nee qwal/uú dimbadimbé. Atén ana hootaán baraá tlakweema nee da/i, muu una buhhtimisaán, nee nguri ahhitaán.