Rumi 1:13 - Biblía Axweesantá Hhohho' ar Mungú 2004

¹³ Hhaee'eé', gár án dirhunge ni xu'utisár wa slaa' a tí, aníng aga slaá' daqtá yaariire niwa amorhúng i hardah. Ala taa il/án tam ay hamí. Gár nisa daqeemuú slaá' amorhúng as kahhó' múk ni amór Yesu i huuw nguwa slaw dirhunge, adoodá' muu ngura sláw dír múk xoordaá hatlá' sleémeerowo.

Ya/abtór hho' 1977

¹³ Hhaee'eé', gár án dirhunge ni xu'utisár wa slaa' a tí gídaabá, aníng aga slaá' daqtá yaarire niwa amorhúng i hardah. Ala taa il/án tam ay hamí. Gár nisa daqeemuú slaá' amorhúng i alé, a gídaabá, masók múk ni amór Yesu i huuw, nguwa slaw dirhunge, adoodá' muu ngura sláw dír múk xoordaá hatlá' sleémeerowo.

Rumi 1:13 Iomraidhean Croise

ISAYA 27:6

De'emaá hi'iita'a xwaylár Yakobo dee/ár gu síhh, múk Israeli iri /ayuus, nee iri harmaa/, mamuuín yaamu sleémeero ngiri niiqiyá'.

Yohana 12:24

Án a kah, ilmoó angaáno bira huuiiká baraá hhapér i alé, iri gwaa', aqo in hootatín adoodá' i dirii'i kilós alé. Ala bira gwaá', mamaá yaariir gin laqwaal.

Yohana 15:16

Aníng kuungá' iga tsawdi'iiká, ala a án kuungá' nuna tsawaár, nuri qaás as mamu kiwa laqwaalár eera', nee mamuuhúng iwa hootiya', as tidá' sleémeero ta firiinda' ar umuueé', Baabá ngiwa haniisi.

Yohana 4:36

Heé bu'úngw aa'áw bu'utu gu sláy, balaangw guri burumbuur. Bu'uungwí an mukdá' slafíngw alhhe'eesay wásl gu sláw. Gawaá adoorihe heé aa dahaasin nee oo aa bu'un ta al qwalalaa/.

Tlehhema'aá ya/Abuuse 1:15

Looarka wake Petro iri sihhiít dír tla/ángw hhae. Faaror'ín a tsiiruú wák nee mibeeraá tsár. Iri oó',

Tlehhema'aá ya/Abuuse 14:27

Qoomár tawa hardáh Antiokia, múk kríshaanáy kuri dinkwárí ateét, muruudá' sleémeero Mungú aa tleéhh ar inooín, kuri dir'íní alki/iít. Kiri ádbáy adór Mungú pa/aangw ngura haniís as múk xoordaá hatlá' sleeme iwa haratlintii'i.

Tlehhema'aá ya/Abuuse 15:12

Múk baraá dinkwadá' sleémeero iri xasliít, Barnaba nee Paulo kiri iiárií qamín. Inooín kángw layu nee muruú waa/oo/amo kuri alki/iít, kudá' Mungú aa tleéhh ar inooín tla/ángw xoordaá hatlá' wa ale.

Tlehhema'aá ya/Abuuse 19:21

Alaá kaangwí sleémeero iwa tleehharuút, Paulo isa gari tsaát iwa waaraahhi ar Makedonia nee Akaya, nee iwa kumiiti ay Yerusalemu.» Iri oó', «Aníng bara amorqí hardáh, gár iwa hariím an Romár káw sleeme.»

Tlehhema'aá ya/Abuuse 21:19

Paulo laawa'eesaro ngiwa hhe'eés, kaangw sleémeero oo Mungú aa tlehhiít dír múk xoordu ar gadiyeérós guri dir'íní wakeetín alki/ituuwo.

Tlehhema'aá ya/Abuuse 28:14

Hhae kay amoodá' i awaán. Atén tiri ló'wa firiné' tawa al iwiwiitaan nee inooín deelo faanqwe. Nee aluudae tari hardahaán baraá yaamaá Roma.

Rumi 1:12

Gár ni kah an tí, «Gár ni slaa' masók tin gurkwa/amisaán, aníng /uuru nguwa slaw ar haratlintaaorhúng, nee kuungá' /uuru kuwa sleera' ar haratlintaaor'eé'.»

Rumi 11:25

Hhaee'eé', án gár ni slaa' a lu/aaráywí un xuá', as kuungá' miti kiloohúng xirfayeemisaara' as sagalooarhúng. Ala lu/aaráy a kwí, múk Israeli bahh'alé muner'ín aa gawduuduúr, ala ar har qoomár niina, ay dír múk xoordu sleémeero i dahi, kudá' ba/ám.

Rumi 7:1

Hhaee'eé', kuungá' hara'aya a xuá', nee slám a xuá' adór hara'aya ir aleesleemuú koón daanduú heewo, qoomár hee bir slaaf.

1 Korinto 1:10

Hhaee'eé', án kuungá' nu harhheehhe'eés ar aleesleemuudá' Aakoorén Yesu Kristo naa aníngí haniís, kuungá' axweesanayhúng masók a wak. Slám miti partliitara'. Ala masók kuungá' a adór múk taa haragwaa', munerhúng tawa wak nee inslawaywo.

1 Korinto 10:1

Hhaee'eé', aníng kuungá' nu inslawtisár wa slaá' kángw baabi'iirene. Qoomaadae inooín sleémeero ta baraá guruú huunki, sleémeero tana waraáhh ar baraá tlawi.

1 Korinto 12:1

Hhaee'eé', gár án ni slaa', kuungá' kángw aleesleemuú ta hanmiisi nee Qeeruú hhoohhoó' oo Mungú masók un xuá'.

1 Korinto 14:20

Hhaee'eé', kuungá' masók a adór na/aá ninakweeká baraá fuqureerihunge. Baraá muruú tlakwe kuungá' masók a adór na/aá ninakw, ala baraá fuqureerihunge kuungá' masók a múk urén.

1 Korinto 14:26

Ala hháe, adór ta laqa' a adoomá? Qoomár kuungá' bar aga burumburité', umuúqo heewo dirhunge barnaxes i daa'ángw kón, laqaá axweesantá intsaahhasa, laqaá axweesantá taa amoorós i geehhooeés, nee laqaá axweesantá tsifrír xuawaslen, laqaá ilaharmisuú axweesantadá', masók muruuwí sleémeero in tleehharuut as múk kríshaanáy kuwa kwa/amisi.

1 Korinto 9:2

Ala aníng tam ya/abusmoowookahe dír múk hatlae, ala dirhunge aníng a ya/abusmo. Asma kuungá' a layar'eé' ar ga laqaqaam adór aníng tar ya/abusmoó Aako.

2 korinto 1:8

Hháe, atén adoorí an kaahaán, asma atén a sla'aán kuungá' slahh'amaayeedá' atén taa slawaán baraá yaamaá Asiaro kawa xua'. Asma atén slahh'amaayeedá' taa slawaán ka ló'wa ur, tam atén ana harslaaqataán gagaararo. Tam harahhifór tawa slafaan iri fák.

2 korinto 2:14

Ala Mungú i xirfuuti, asma inós atén tin geeraharahaar arba/ati kawa slaslawaan deelo sleémeero baraá Kristowo. Nee inós atén tin ar gadiyuus as kangós kuwa tsiyaayaaxi umuúqo diiro, adór mooyángw tsuú' wa ale.

Galatia 3:15

Hháe, án slaqsoó wák ngun oó' oo baraá slafingwrén oo umuúqo daqisleém. Múk tsár bira al'axweés, heé al'axweesantadá' ga sií' laqaá ga warqeés i kaahh.

Galatia 6:18

Hhaee'eé', Tsuuqaá Aakoorén Yesu Kristo masók i dinkwa nee kuungá'. Amin.

Filipi 1:22

Ala án bar kumiít hotaango, pa/aangw u koóm oo gadiyeérí ngiwa alkoom tlehhtuuwo. Gawaá adoorihe ar ni tsawaar a xuaaká, slafiingw nee gwa'araro.

Filipi 4:17

Kuungá' ma kaahara' gídaabá aníng gár ni leelehhiit a qeemuudá' amorhúng daáhh. Ala gár ni leelehhiit a bu'utuudá' kuungá' ta sleera' asma tlehhemi'iidá' naa aníng i tlehhé'.

Kolosai 1:10

Daqaní a aleesleerá' tawa hota' ar adór hariím dír Aakoowo, Aako kuri qwal/atisá', nee adoodá' inós i slai kari tlehhitá'. An malé firiimaán as kuungá' umuúqo gár hhoo' kawa tlehhita', nee tawa kumita' Mungú kuwa tsatsahhaanda'.

Kolosai 1:6

Ya/abtoorí hho' in tsiyaayaaxát baraá yaamu sleémeerowo nee in tsuuqaá yaariír huwaahúp. Tam dirhunge sleeme a adoorí, iimír bál kángw tsuuqaá Mungú kuwa axasé', nee adór i dirii'iya' kiri tsaahha hhe'esé'.

1 Tesalonike 2:18

Gawaá adoorihe ana sla'aán niwa daqawan. Anuú Paulo har geeraawo daqeemu una iiár, ay sagaáwa tsár sleeme. Ala Neetlaangw loohirén gari kaangaár.

1 Tesalonike 4:13

Hháe, atén a sla'aanaaká kángw mukdá' aa qaatl kuungá' kuwa xua'aaká. As kahhó' kuungá' ma gurhaamuutara' tawa adór mukduú hatlá' oo harahhifo wásl.

2 Tesalonike 2:7

Ala Heedá' Tlaákw i gadiyér qawti tleehh tam hamí, ay dír heedaádá' ga ila/aám kway hingeesi.

2 Timoteo 4:17

Ala Aako ina sihhiít dinkwa nee aníng, aníng iri /uurií haniís. Asma Aako gár i slai a aníng Ya/abtór hho' an alki/iít, as múk xoordu sleémeero ngiwa axaasi. Aníng tiri baraá afkú dirángw wa ba/amís.