Rumi 1:11 - Biblía Axweesantá Hhohho' ar Mungú 2004

¹¹ Asma án kuungá' nu ló'wa artá wa slaá', as tsuuqaá Qeeru ngiwa haniis as kuungá' /uuru kuwa sleera' baraá haratlintaaooro.

Ya/abtór hho' 1977

¹¹ Asma án kuungá' nu artá wa slaá' ló'wa ale, as tsuuqaá Qeeru ngiwa haniis as kuungá' tunduwa gawdeesi baraá haratlintaaooro.

Rumi 1:11 Iomraidhean Croise

IIMU/UUNGW 31:30

A xuú' gár tasa fisiín, a inslawoó úr oo ki/imaá amór baabuúwók una sleér. Ala a milá gár murslaaqatuú munguiieé' kudá' ni haratlintatii' kisa fís?»

2 SAMUELI 13:39

Waawutmo Daudi /aa/eewós, kudá' garmaawós Amnoni iwa kahhuút, niwa faakiyé' gari slaá' garmaawós Absalomu nguwa ari.

2 SAMUELI 23:15

Daudi iri oó', «Aníng ma'aá wahaangw i kángw kilá' wa slaá' bir kingi hheeki baraá hhalangwduú Betilehemu kudá' tseéw dír afkú gixsa.»

2 QOM'I 20:20

Looa niwa tleér matlaatlér boo/e tana tseewa tláy amór xaanxoó Tekoa. Qoomár tawa tlatlay, waawutmo Yehoshafati ina geeraaín i sihhiít giri báy, «Aá múk Yuda nee yaamuloouusér Yerusalemu, án iiárií qaasaré'! AAKOÓ MUNGÚ haratlintiaak, kuungá' daqaní a gawduurá', nee aaruuseerós haratlintiaak, daqaní kuungá' a baaliindá'.»

Tlehhema'aá ya/Abuuse 16:5

Gawaá adoorihe kríshaanáy umuúqo diiro /uuru guri sláy baraá haratlintaaoodae, faaror'ín iri doogigiín umuúqo baalaaro.

Tlehhema'aá ya/Abuuse 19:21

Alaá kaangwí sleémeero iwa tleehharuút, Paulo isa gari tsaát iwa waaraahhi ar Makedonia nee Akaya, nee iwa kumiiti ay Yerusalemu.» Iri oó', «Aníng bara amorqí hardáh, gár iwa hariím an Romár káw sleeme.»

Tlehhema'aá ya/Abuuse 19:6

Qoomár Paulo dabaawós ngiwa gawaaíní qaás Qeeruú hhoohhoó' oo Mungú giri i aweér. Tari axweés ar tsifrír xuawaslen, nee ya/abtór amór Mungú daahh kari axweés.

Rumi 1:12

Gár ni kah an tí, «Gár ni slaa' masók tin gurkwa/amisaán, aníng /uuru nguwa slaw ar haratlintaaorhúng, nee kuungá' /uuru kuwa sleera' ar haratlintaaor'eé'.»

Rumi 15:23

Ala daxta gadiyér'eé' aa fák baraá yaamuukae. Nee slám aníng aga ló'wa slaá' kureeraá yaariire niwa amorhúng i hardah.

Rumi 15:29

Qoomár án binda hardáh, nin hardáh ar tsuuqaá yaariir awa Kristo.

Rumi 15:32

Adoorí bira hhooeér, bar Mungú ngaa slaá' aníng niqo hardáh amorhúng ar qwala/, niri hungu/uús ayaahúng.

Rumi 16:25

Mungú i xirfuuti. Inós ga aleesláy kuungá' nuwa gawdeesi baraá haratlintaaooro ar Ya/abtór hho', tidár daanduú Yesu Kristo, aníng ni alki/iit, nee ar lu/aaráydá' taa iimír aáng wa luú/ kuwa geehhooeés.

2 korinto 1:15

Qoomár niwa harahhifoorí koom har geeraawo ana slaá' niwa amorhúng kaw as kuungá' tsuuqa kiwa sagaáwa tsár wa sleera'.

2 korinto 1:21

Ala Mungú an kudá' atén nee kuungae taa gawdees baraá Kristo. Inós an kudá' atén taa paraatl.

2 korinto 11:4

Asma kuungá' umuúqo heewo oo naa hardah amorhúng un sa qiqtliindá', kudá' kángw Yesú hatlá' gu alki/iít. Yésuudá' inooín ta alki/iiti a kudá' atén taa alki/itaniiká. Slám kuungá' qeeruú hatlá' u ya/a/aandá'. Inós a Qeeruudá' hhoohhooeeká oo kuungá' taa ilaoté'. Nee slám kuungá' Ya/abtór hho' ar hatlá' an ilaoohiindá'. Ya/abtoorí a tidá' atén naa dirhúngií alki/itaniiká.

2 korinto 9:14

Gawaá adoorihe inooín tsuuqaá Mungú awa waa/oo/amór koomá' kudá' naa amorhúngií haniís ki tsaahh, nee kuungá' tunduri aleefiriirín nee tunduri ló'wa slaá'.

Filipi 1:8

Mungú ga xuu' adór án kuungá' sleémeero nur artá wa slaá', asma nuwa ló'wa slaa' ar sla'aaridár amór Kristo Yésú daahh.

Filipi 2:26

Inós kuungá' sleémeero nuna ló'wa inslasláy, iri ló'wa daawiimiít as kuungá', asma kuungá' adór inós ira tiíq aga axasé'.

Filipi 4:1

Gawaá adoorihe, hhaee'eé' awa sla'aaruúse, án kuungá' nun ló'wa inslasláw. Kuungá' a qwal/uueé' nee slamángw arba/ati, daxta sihhtano hhe'eesé' baraá Aakoowo.

1 Tesalonike 3:13

Inós kuungá' nu /uurií haniisi, tawa múk hhohhó' oo xaslaansli wásl geeraá Mungú Baabuúrene qoomaadá' Aakoorén Yesu niwa hardihi, dinkwa nee mukós oo hhohhó' sleémeero.

1 Tesalonike 3:2

Hhiyaarén Timoteo kuri ya/aawaán. Inós a sagadiyusmoó wák oo Mungú dinkwa nee atén baraá gadiyér Ya/abtór hho' ar Kristo kawa alki/iitaan. Inós atén nguna ya/aawaán as kuungá' nuwa gurkwa/asi nee haratlintaaorhúng ngiwa gawdeesi,

2 Tesalonike 2:17

inós munerhúng ngi gurkwa/asi, nee nuwa /uurií haniisi as umuúqo gár hhoo' kawa tlehhita' nee axweesanoó hhó' kuwa axwesa'.

2 Tesalonike 3:3

Ala Aako i inkihhimuú kón. Kuungá' inós nu /uurií haniis, nee nu de'en dír kudá' tlaakwe.

Ebrania 13:9

Kuungá' intsaahhasár dimbadimbé ar hatlá' munduwa paslís baraá loohír ganaa'a. Asma gár muneerén ga gawdees a tsuuqaá Mungú, ala a hara'ayár dimbadimbeheeká ar daanduú muruú /ayma. Asma mukdá' hara'ayaarí gaa eehaar, alee/isoó taa sláy i kaahh dír hara'ayaarihe.

1 Petro 5:10

Alaá bur tunda slahh'eemiís deelór niinawe, daqaní Munguúdá' tsuuqa sleémeero gi tawó hanmiís, kudá' kuungá' naa ateet as xirfuuwós kuduú alhhe'eesay wásl kuwa sleera' ar loohír Kristo, inós kungá' nu aleesleemuú i haniis nee nu gawdees, nu /uurií haniis, nee nu sihhitis baraá haratlintaaooro.

1 Petro 5:12

Án barwaárí naa amorhúng i gooiimi a Silwano ina alee/iís. Inós a hhiyoó ló'wa inkihhím. Barwaárí ngina gooiím as kuungá' nuwa gurbuu' nee nuwa lamabu'uum gídaabá gaarí a gurtleemuú ló' oo Mungú. Gawaá adoorihe sihhtano hhe'eesé' baraá gurtleemuuwihe.

2 Petro 1:12

Gawaá adoorihe, aníng gár ni slaa' a kuungá' nun inslawtimís daanduú muruuwihe umuúqo daqto, ala tam kuungá' muruuwí ugwa xui'i, nee tam aga gawduuri'i baraá looeemaadá' taa ilaoti'i.