OBADIA 1:7 - Biblía Axweesantá Hhohho' ar Mungú 2004

⁷ Mulqerhúng ar kilá' nuna dáhh nuri tlatlahhás baraá yaamuuhunge. Mukdá' nee kuúng waydúr hotaatimá' nuna al/aáy nuri ar baá/. Kudá' nee kuungá' naanuú em'aaemá, tsaaxweeli ngaa qaasiyé' dír ya'aawók, tawa kaahi, «Laatí, gár i aleeslay iqo káhh.»

OBADIA 1:7 Iomraidhean Croise

WARA'AMI 41:10

Ala AAKOÓ MUNGÚ, kuúng án gurhhooár i tleehháng, aníng alee/iisáng niwa sihhiit as marmár'eé' ngiwa buu'.

WARA'AMI 41:9

Tam mulqumooeé' kudá' afhhamít, kudá' naa harahhiíf, kudá' nee aníng al/ayayimá', inós iga sakií/.

ISAYA 27:11

Haleemaá xaai nina kahiyé' niri qeqtiné', /ameena nin hardát giri sleemís giri ásltár oohamís. Asma mukwí gár aa tsaáhh i káhh, gawaá adoorihe, tleehharusmooín gi sangw gurtlayká, kudá' inooín gaa tleehh gi sangw i gurtlayká.

YEREMIA 20:10

A axamiís muu iwa saasahhan daanduueene, aníng taa umií tsaát i babaya', «Dae tlaqa umuú bihhiwo.» Bahh'alé ta kaahi, «Tlawsé', sakwasleemutaak! Qwalaas, u sakwasleemutaán!» Mulqer'eé' sleémeero i daamaraán iwa kat, «Doóqa i tapiis, atén daqaní li/aay un buaán.»

YEREMIA 30:14

Sla'aaruuserhúng sleémeero kuungá' naa gunqaarés, kuungá' nu baloó gár i xuiiaaká. Aníng kuungá' naa slaáhh adór wakusmo, kuungá' tundu muux ar gurtleemu wasle, asma dakuúsarhúng ka ló'wa ur, tlakweemaahúng ki ló'wa yaariir.

YEREMIA 38:22

ga/aaweek, /ameena sleémeero tidá' taa geexáy baraá doó waawutmoó Yuda, kana huúw ay amór geeraharuusér waawutmoó Babuloni, i kat, ‹Waawutmo kwa al/aáy nee mulqeerós ar kilá' nee kuri baál, hám daxta inós aa /eét baraá buunqa, mulqeerós gwa baraadá' i geexeér.

YEREMIA 4:30

Kiíng Yerusalemu taa tawo geexáy. Gár tlabaá kal'aá da/aten kis dahas? Gár tis parootus ar sahaábu a milá? Nee gár hhamhhamaá ilaawók kis qaaliin? Tin tawo parootús. Sla'aaruuseerók iga qaroó waaqá', nee inooín gár i slaiya' in gaasiyá'.

YEREMIA 49:7

Axweesantí an tidá' AAKOÓ MUNGÚ Aleesleemusmo aa oó' daanduú múk Edomuwo iwa kaahi, «Xáy, sagalooa i káhha baraá Temaniro? Xáy, kudá' daharuú koomá' hara'aya aa qwádi dir'ine? Sagaloa aa qwanaay hhe'ési?

WA/AA/I 1:19

«Sla'aaruuser'eé' ana ateét ala aníng ina al/ayiyé', kaahamuuser'eé' nee bariiseero nina baraá gixsárí hhané', qoomár niwa muruú /aymár leelehhitiya' as tiwa tu/iya'.

HOSEA 13:13

Múk Israeli asltá /ameenír xwayla gu i hardát, ala inooín a adór na/oó daktani oo qoomár xwayla gaa ay, ala qoomár xwayla bira xeér, in sii' ti'inaango baraá guruú aayooro.

HOSEA 7:11

Múk Israeli a adór hhooki, ar daktani nee fuqurángw koomaaká. Motsuuwo tan múk Misrír firór aa'áy, ta beer iqo amór múk Ashurúr kakayá'.

Yohana 13:18

«Án kaangwí naa káh oo kuungá' sleémeerowooká. Asma aníng muk'eé' kudá' naa tsawaár u xuú'. Ala tí ina tleehharút as Gooirí iwa bo/, tidá' kah, ‹Kudá' muruú /aymar'eé' gwa /aay, aa wakusmooeé' tleehhiít.›