OBADIA 1:6 - Biblía Axweesantá Hhohho' ar Mungú 2004

⁶ Kuungaá múk Esáu, muruuhúng kwaa hayóh, nee daqaari'iimarhúng kaa haraadáh.

OBADIA 1:6 Iomraidhean Croise

WARA'AMI 139:1

AAKOÓ MUNGÚ, aníng kuúng iga tsee/ariín iri xú'.

ISAYA 13:16

Na/ii'ín awa qaweero kin xooro qwaarees dír ilaaín wa alé, maray'ín kin hayoh, nee tlaaway'ín kuri uhín ar /uuru.

ISAYA 45:3

Aníng daqaari'iimadá' taa luú/ ngi haniís tidá' dír naaqoórií dirii'. Kuúng daqaní a tsáhh adór aníng tar AAKOÓ MUNGÚ. Munguú múk Israeli, kudá' kuúng ugwa ateet ar umuuwók.

YEREMIA 49:10

Ala aníng umuú gaaro dír Esauwo aga hayóh, una duúx didaádá' i hotaatina, nahhaata ga malé aleeslayká. Na/iiwós nee hhaeewós nee inslaawaywose kaa hhaamiís. Tam oo wák aa meet i kaahh.

YEREMIA 50:37

Qatlo i gawaá farsuuín nee i gawaá gaarduuín. Qatlo i gawaá slaqwaruuser'ín tidá' taa tlaáxw as tawa da'ayuút adór /ameena. Qatlo i gawaá daqaari'iimar'ín, asma umuú gaaro kan hayoh.

DANIELI 2:22

Axweesanoó bó/ nee oo lu/aaráy gun geehhooees, gár baraá ma/ami ga xuu' nee gwa/aateema i dirós i dirii'iyá'.