OBADIA 1:4 - Biblía Axweesantá Hhohho' ar Mungú 2004

⁴ Tam aga gáwtí tsa/aandi adór gwareesi, tam do'ók ugwa tlehhi baraá tla/ángw tsatse/, AAKOÓ MUNGÚ i kaahi, «I /arara'aás gáwtá wá ale ay yaamu.»

OBADIA 1:4 Iomraidhean Croise

ISAYA 10:14

Dakw'eene daqaari'iimár xoordu ana sláw adoodá' hee doó tsir/i ngur slaaslay, nee adór muu qanhhár taa geexáy ngir haraki/imaamisi, an adoodá' án ngira haraki/ís baraá yaamu sleémeero, tam heé aa /akuut i kaahh, tam oo afa gwa gweer, laqaá oo aa tsee'.»

YEREMIA 49:16

Dae tlaqa nee daara/aangók kudá' ta tlehhit ugwa al/ayiyé', kuúdá' hotaatiím baraá mar'ór tla/uú wa alé nee gawaá sagér tlom'i. Tam do'ók ugwa adór gwareesír wa gáwtí tlehhi, aníng kuúng un gawaasíng wa /arara'aás. Anuú AAKOÓ MUNGÚ tí ngina oó'.

YEREMIA 51:53

Tam Babuloni i tsa/aanda gawaá doori, tam koo/irós ngi tleereesa ay gawa, tam adoorihe múk ga hhaamiis u tleés. Anuú AAKOÓ MUNGÚ tí ngina oó'.»

AMOS 9:2

«Inooín tam i /eetiia baraá gi'i, aníng in baraadá' wa duúx, inooín tam i tsa/ana'a gawaá doori, aníng ngin gawaadá' wa aweeriís.

HABAKUKI 2:9

«Tsaxwaawók kuúngudá' do'ók ugwa daqaari'itís ar /aytár muruú múk hatlá', nee do'ók oo tleér kuri tléhh as gár tlaakw uwa sleeraaká.