OBADIA 1:3 - Biblía Axweesantá Hhohho' ar Mungú 2004

³ Daara/ángw muunaáwók ina al/agín. Kiíngadá' hotaatiim baraá mar'ór tlaa/é wa alé, kiíngadá' do'ók ugwa tlehh gawaá tlooma, hanoosáy a baraá muunaáwók i kat, «Heé aníng aweeriisaro i asláw a heemá?»

OBADIA 1:3 Iomraidhean Croise

IIMU/UUNGW 36:8

Esau iri hotaá áy baraá yaamaá tlom'aá Seiri. Esau umuuwós oo hatlá' an Edomu.

2 WAAWITÁ 14:7

Amasia múk Edomu oo kumér mibaangw guna tsuú/ dír Xatstá Diwtá wa ale. Gixsár Sela gari /uurúr hayóh, gari umuú /abén i tsaát, gari báy, Yokte'eli. Tam ay laarí umuú yaamuudá' aqo kudá' inós aa tsaát.

2 QOM'I 25:11

Waawutmo Amasia iri muna hhe'eés tari tláy slaqwaruuserós gay geerahaár ay xatstá diwi. Tari didá' wa slaáqw nee múk Seiri, múk Seiri oo kume mibaangw kuri tsuú/.

2 QOM'I 25:12

Múk Yuda múk hatlá' kume mibaangw kuri slafi ohín, kuri huúw gawaá ságw tlaa/ár Sela, kway gawaadá' wa yaamií kwakwaáhh, nay suwawa'amitiyé'.

YOBU 20:6

I ya/aán heé tlaákw iwa slu/ubiibin, ay dír doori ngay kwatiiti, in ló'wa tleerúy ay dír sagós huunkáy ngway kwatiiti.

AXWEESANOÓ SAGALOOA 16:18

Heé hhitiruút in ala daaraa/uut, nee dee/aanu in giirín dír hee ira huuiiká.

AXWEESANOÓ SAGALOOA 18:12

Dír heé ira hhiturutiiká in ala geerií daara/uut, dír hee kura ilaiwawa/iiká tin ala niinawees.

AXWEESANOÓ SAGALOOA 29:23

Daara/aangw hee gu mureekees Ala heé ti kilós niinaweemiís ku ilaiwawaa/.

ISAYA 16:6

Múk Yuda ta kaahi, «Atén kángw daara/ángw múk Moabu ugwa axaasaán adór ir hiintaluusiya' nee ir daara/ana', nee adór kir sagegawdén. Ala daara/angw'ín a tawo.»

YEREMIA 21:13

Ga/aawaak, hám daxta aníng nee kuungá' an slaqwaán, kuungaáká' baraá xatsoó wa hootá', kuungaáká' aga iwiite' gawaá tlaa/ár baraá xatsa, kuungaáká' kaahá', ‹Heé atén ti qiítl i haratleemuwo a heemá? Ahaá, a heemá oo dahamaá baraá yaamuurén gi aleesláw?›

YEREMIA 37:9

Anuú AAKOÓ MUNGÚ a kah, miti kiloohúng al/agiimara' tawa kata', ‹Slaqwaruuseedár Kaldayo aa tleér.› Asma i baloó tleeraaká.

YEREMIA 48:28

Kuungá' yaamuloouusér Moabu baraá gixsaduhunge ti'iité', hota awaak baraá tla/u. Adór hhooki tleehhité' tidá' do'ós gwaa tlehh dír afaá duxa.

YEREMIA 49:16

Dae tlaqa nee daara/aangók kudá' ta tlehhit ugwa al/ayiyé', kuúdá' hotaatiím baraá mar'ór tla/uú wa alé nee gawaá sagér tlom'i. Tam do'ók ugwa adór gwareesír wa gáwtí tlehhi, aníng kuúng un gawaasíng wa /arara'aás. Anuú AAKOÓ MUNGÚ tí ngina oó'.

YEREMIA 49:4

Kuungaáká' haratlintaaór kooma'aaká mas daara/aandá' ar xatsoohúng, kuungaásingá' daqaari'iima aga harahhife', tawa kata', ‹Atén heé ti qiítl a heemá?›

ESEKIELI 28:16

Slaasláwár yaariir ar taa sleér uri malgu'uumár ar eér, nee tlakweema kiri tléhh. Gawaá adoorihe án un guús adór gár slasla/aár wa ale dír tloomar'eé' tidá' hhoohhooe. Nee keruúbidá' u xuúm uri tlatlahhás amór saaw baraá tla/ángw tlaa/eedá' qwiirii/á' wa ale.

MALAKI 1:4

Barnaxes múk Edomu, kuduú xwaylár Esau, i kaahi, «Gixsaduurén kaa hhitín, ala didá' taa feé/ kay tleehhaán.» Ala AAKOÓ MUNGÚ Aleesleemusmo i kaahi, «Inooín ngi mak tleehhiyá', ala aníng maray'ín kudá' i feé/. Nee inooín kiri adoorír ateet tawa kaahi, ‹Yaamaá múk iranguuse,› nee inooín kiri bay, ‹Mukdá' AAKOÓ MUNGÚ i buhhaabuhhi daqisleém.› »