OBADIA 1:21 - Biblía Axweesantá Hhohho' ar Mungú 2004

²¹ Slám mukdá' AAKOÓ MUNGÚ aa ba/amís ta hoot gawaá tloomár Siyonír wa ale, nee tloomár Esau kari sawaawuti'ín, AAKOÓ MUNGÚ tari waawutmooín.

OBADIA 1:21 Iomraidhean Croise

IIMU/UUNGW 25:23

AAKOÓ MUNGÚ gari báy, «Xoordaá tsár i baraá guruuwók, tlahh'aá tsár awa kiíng ta xwayluur tin paraatliyá'. Oo wák i /uuruú kón ta oo hatlae, garmoó niiná kudá' úr gun sawaawuti'ín.»

2 WAAWITÁ 13:5

AAKOÓ MUNGÚ múk Israeli guri geeraharusmoó i sláy oo gaa tuu/ dír múk Aramu wa ale. Tari hoót ar wayda ar adoodár geera.

NEHEMIA 9:27

Aluuwo kiri qás gawaá dabaá wakuuser'ín, wakuuser'ín giri slahh'eemís. Ala qoomár tawa baraá slahh'eemisií dirii'i, kuúng una i /aa/iyé', kiri iiárií qás iimír gawaá doorí wa alé. Nee ar gurtleemuuwók kudá' yaariire geeraharuusér inooín gi tuu/ gawaá dabaá wakuuser'ine kari hanís, kingiri tuú/ gawaá dabaá wakuuser'ine.

WARA'AMI 102:15

Xoordu sleémeero AAKOÓ MUNGÚ ngu da'ayutiyá', Waawitá sleémeero baraá yaamuwo xirfuuwók ngu da'ayutiyá'.

WARA'AMI 22:28

Asma waawuti'iima ar AAKOÓ MUNGÚ. Inós an kudá' xoordu gi sa waawuti'iím.

WARA'AMI 22:29

Múk daara/uuse sleémeero baraakaá yaamuwo i tumbarara'aat dír geeraawós, tam kudá' sleémeero qatlá' nee kudá' slafingw'ín /iisaro ngu aleeslawa'aaká, ta tumbarara'aat dirós.

WARA'AMI 47:7

Asma Mungú an waawutmoó yaamu sleémeero. Xirfuuwós daa'aak ar wara'ami!

WARA'AMI 67:4

Xoordu i baraa/iye', eeít, i daaiye' ar qwala/, asma kuúng muu u sakwasleemút ar gan'amu, nee xoordaá baraá yaamu ki geeraharahát.

ISAYA 19:20

Muruuwí tari laya nee lamabu'uungw dír AAKOÓ MUNGÚ Aleesleemusmoowo baraá yaamaá Misriro, qoomár birna amór AAKOÓ MUNGÚ i /aa/iyé' as baramaanusmo, inós gin ba/amusmoówí ya/aaw, giri aleekalaa/, giri ba/amis.

ISAYA 24:23

Aluuwo slahhaangw iri giiw, nee tsee/amá gwa/aateema giri máy, asma AAKOÓ MUNGÚ Aleesleemusmo tloomár Siyoni nee Yerusalemu gan sawaawuti'ín, nee xirfuuwós guri laqán dír bariisér mukós.

DANIELI 12:3

Mukdá' sagalooár koóm ta gwa/aat adór doori, nee kudá' muu ngwa geerahariye' baraá hotaá ganaa'á' i suwaahamitiyá' adór tsatse/ ay alhhe'eesay wasle.

DANIELI 2:35

Naagáy muqslidá' nee tleeiro nee muqslír sirdaa/aate nee muqslidár peésaaro nee sahaábuwo niri suwawaa'atiyé', tari adór muundoó dír afeenír balaangw kuwa haritleemamisi. Parhheemaá aáng fur'a giri ar tlatleér tam kiri aandaaká. Ala tlaa/anoó aáng kudá' murslaaqatuudá' gwa dalaa/ ina tloomar yangaariir tleehhiít, yaamu sleémeero giri dalaá/.

DANIELI 2:44

De'emaá waawuti'iimasinge, Munguú doori waawuti'iima ga sihhtis ar ta hhitinká kureeriwo nee arta baloó baliiká nee múk hatlá', ala waawuti'iimarí waawuti'iimár hatlá' sleémeero gan parhhamís gari hhitiín, nee waawuti'iimarí in kumaamít ay alhhe'eesay wasle.

DANIELI 7:14

Inós kuri baalírí haniís, nee xirif nee waawuti'iima, as múk tlahh'i sleémeero, nee oo xoordu sleémeero, nee tsifri sleémeero kuwa sagadiyuusi. Waawuti'iimarós ar alhhe'eesaay wasle, i baloó waarahhká, nee waawuti'imarós ka baloó hhitinká.»

DANIELI 7:27

Nee waawuti'iima nee aleesleemu nee uraay sleémeero oo gawaá daanduú yaamu ku haniís dír múk hhohhó' oo Munguúduú Gawa. Waawuti'iimar'ín in hotaatiín ay kureeraá kureér, nee baaluuse sleémeero gin sagadiyús nee giri ilaiwawá/.›

Yoeli 2:32

Nee umuúqo heé umuú AAKOÓ MUNGÚ gwaa ateet, ku ba/amis. Asma gawaá tloomár Siyoniro nee baraá Yerusalemuwo múk ba/ám i deer. Nee baraá kuká' naa meetiye', awa AAKOÓ MUNGÚ i ateetin i dayá', adoodá' AAKOÓ MUNGÚ ngira oó'.»

MIKA 4:7

Aníng kudaádá' soopimá' in meetiís, nee kudaádá' taa sií' ngiri xoorór /uuruú koom tleéhh.» Anuú AAKOÓ MUNGÚ ngiri sawaawuti'iím baraá tloomár Siyoni wa ale kureerisleém.

SEKARIA 14:9

AAKOÓ MUNGÚ tari waawutmo gawaá daanduú yaamu sleémeero, baalaadae AAKOÓ MUNGÚ a wak, nee umuuwós a wak.

Matayo 6:10

waawuti'iimarók ni xeer, adór kuúng ta sla' i tleehharut baraá yaamuwo, adoodá' gawaá dooriiwo ira tleehharút.

Matayo 6:13

Atén miti baraá iiara'aduú uhisar, ala atén ti ba/amis kudá' tlaakwe. [ Asma waawuti'iima a tók, nee aleesleemu, nee xirif, ay alhhe'eesay wasle. Amin.]›

Luka 22:30

as tawa /ayiinda' nee tawa wahaanda' dinkwa nee aníng baraá waawuti'iimar'eé' wa ale, nee tawa iwita' baraá kiteeriidaá aleesleemu, nee as tlahhi'iidá' mibaá nee tsár awa múk Israeli kiwa sakwasleemuta'.»

1 Timoteo 4:16

Adór kuúng tar hot ga/aaweek nee muruudá' ta intsaahhatimis ga/aaweek sleeme, kumiít muruuwí sleémeero kuwa tlehhit. Asma adoorí bara tléhh, daqaní kuúng kilók ti ba/amís, nee mukdá' sleémeero kuúng u iiárií qamiím sleeme.

Yakobo 5:20

kuungá' xuaak heé heeduú tlakusmo ngwa ki/is, nee niri kií/ baraá loohír qwanáy wa ale, inós qeeruú tlakusmoodá' gwa ba/amís baraá gwa'arár wa ale, slám tlakweemaá yaariir awa heedaádá' kaa gurtláy as inós.

Geehhoeemaá 11:15

Malaykamoó faanqw tarumbeéta gari ufaáhh. Afór yaariir iri gawaá doorí wa ilawáts, iri ó', «Waawuti'iimár baraá yaamu daxta ar Aakoorén nee Kristowós. Nee inós a waawutmo ay alhhe'eesay wasle.»

Geehhoeemaá 19:6

Afo ngiri axaás ar adór afór boo/oó yaariír, nee adór afór ma'aá yaariír awa wa/amiimá' baraá wa/ángw i alé, nee slám adór afór xuuraaír /uuruú koom. Afoorí iri ó', «Mungú i xirfuuti! Asma Aakoó Munguúrén, Aleesleemusmoó mura' sleémeero, inós waawuti'iima gaa sláy.

Geehhoeemaá 20:4

Aluudae kiteeraá aleesleemu ngiri ár, nee muu gaa i iwiít. Mukwí kwaa aleesleemuú i haniís oo sakwasleema kawa tleehhi. Nee slám qeereemo ngiri ár awa mukdá' taa sagetlaáq as Yesu kuwa lamabu'ún nee as axweesantá Mungú. Mukwí an kudá' makiito'oodá' gaa i tumbarara'atiiká, nee murslaaqatuuwós kudae, nee slám layaadá' kaa ya/anká gawaá gitsee/er'ine, laqaá tam baraá daber'ine. Mukwí iri slafíngwií kií/, tari waawuti'ii'ín dinkwa nee Kristo kureeri kumuú wák.

HAR'OHUUSE 2:16

Aluuwo AAKOÓ MUNGÚ har'ohuuse gari ya/aáw as mukwí nguwa tu/ gawaá dabaá hoomaadá' gaa ar tleeri.

HAR'OHUUSE 3:9

Ala qoomár xoorór Israeli iwa /á/ amór AAKOÓ MUNGÚ, AAKOÓ MUNGÚ heé xoorór Israeli ga tuú/ guri sláy, heewí ku bay Otnieli garmoó Kenasi, hhiyoó niiná oo Kalebu.