OBADIA 1:19 - Biblía Axweesantá Hhohho' ar Mungú 2004

¹⁹ Nee múk Negebu tloomár Esau kari aal, múk Shefela yaamaá múk Filisti giri aal, inooín yaamaá Efraimu kiri aal, nee yaamaá Samariaro, nee yaamaá múk Benyamini múk Gileadi giri aal.

OBADIA 1:19 Iomraidhean Croise

2 WAAWITÁ 17:24

Naagáy waawutmoó Ashuru muu guna Babuloni wa ar tláy, nee Kuta, nee Afa, nee Hamati nee Sefarfaimu guri huúw baraá gixsaadaá Samaria, didá' múk Israeli kuwa loohatís. Yaamuká' ngina kooín tleehhiyé' nee niri baraá gixsaaduuín wa hootiyé'.

1 QOM'I 5:26

Gawaá adoorihe, Munguú Israeli Pulu waawutmoó Ashuru kudá' umuuwós oo hatlá' ta bay Tiglat-pileseri guna dúk, múk Reubeni nee oo Gadi, nee tlaqtá tlahhoó Manase, ngiri ar tlayé' ay Hala nee Habori nee Hara ay yaaér Gosani, tam ay laarí ta amoodá' wa hoot.

ESRA 4:17

Naagáy waawutmo mu/aywatsa gari ki/ís iri oó', «Amór Rehumu, geeraharusmoó slaqwaruuse nee Shimshai, goousmo, nee hhaeeín awa hatlá' awa baraá yaamaá Samariár hootá', nee yaamaá hatlá' awa gayuú /uwa awa yaaér Eufrate, laawaay.

ESRA 4:2

Serubabeli nguri i tseewuyé', nee kudá' uren awa tlahh'aá baabi'i kiri báy, «Atén a tleehhitaán dinkwa nee kuungá', asma Munguúhúng un sluufmisaán adór kuungá' wa ale, atén un ilahhooár muruú ta tsu/i hanmamisaán iimír Esar-hadoni, wawutmoó Ashuru kudá' taa diirí huuw.»

WARA'AMI 69:35

Asma Mungú gixsár Siyoni ga ba/amis, nee gixsadaá Yuda gi malé tleehh, nee sagadiyuuseerós iri baraadá' wa hót, yaamuudá' tari kooín.

YEREMIA 32:44

Muu qamu gin tlaxún ar peésa, gooidá' qamu kir aali kan gooín nee kari dugenií qaas nee lamabu'uuseero. Adoorí kan tleehh baraá yaamaá Benyamini, nee iisaapoó Yerusalemu, nee baraá gixsadaá yaamaá Yuda, nee baraá gixsadaá yaamaá tlom'i, nee baraá gixsadaá Shefela, nee baraá gixsadaá xaanxoó Negebu. Asma aníng inooín i malé diihhooárí ki/ís. Anuú AAKOÓ MUNGÚ tí ngina oó'.»

YEREMIA 49:1

Axweesantí an tidá' AAKOÓ MUNGÚ aa oó' daanduú múk Amoniwo. AAKOÓ MUNGÚ i kaahi, «Xáy, múk Israeli i daaqoó konkáhe? Xáy, múk Israeli i aaliitér konkáhe? Ahaá ala munguú ta bay Milkomu baré yaamaá Gadi gina aál, nee mukós gixsadá' kay tooín tleéhh?»

ESEKIELI 25:16

gawaá adoorihe anuú Aakoó MUNGÚ dakw'eé' un tleés gawaá múk Filisti, aníng múk Kereti nee kuduú afaá tlawto un hhaamiís.

ESEKIELI 36:28

Tari hotá' baraá yaamaá baabi'iihúng naa hootiyé'. Kuungá' tari muk'eé', aníng tari Munguúhúng.

AMOS 1:13

AAKOÓ MUNGÚ i kaahi, «Aníng múk Amoni muxtaaro u mawaaká, as tlakweema ngiwa tlehhaahhitiyé'. Asma inooín /ameenár tsiihaawe ar múk Gileadi ngina gur'e feehhamiisiyé', asma iwa digeemaá yaamuuín intlaaxweemisiya'.

AMOS 1:8

Aníng yaamuloouusér gixsár Ashdodi a tlatlahhaás amór saáw i ale, tam kudá' hhartá waawuti'iimár gixsár Ashkeloni ga koóm. Aníng gixsár Ekroni an alwarqáw, múk Filisti sleémeero kudá' aa meet nguri qwaareés. Anuú Aakoó MUNGÚ ti aga oó'.»

AMOS 9:12

Daqaní múk Israeli panayduú múk Edomu guri baal, tam nee xoordu sleémeero kudá' taa umuueénár ateét sleeme. Anuú AAKOÓ MUNGÚ kudá' muruuwí gu tlehhiít tí aga oó'.»

MIKA 7:14

Aakoó Mungú, mukók de'eemeek ar hhartók, daqtók tidá' taa tsawát. Inooín tam ta kilooín hooti baraá sla/atá wa alé, ala yaamuuín kaa harweér nee yaamaá gitsór hhó' koomá'. Daqtók i qawór eer baraá qawtantadá' hhoo' ar baraá yaamaá Bashani nee Gileadi, adoodár aáng wa alé.

FAARO 1:32

Múk tlahhoó Efraimu garmoó Yosefu ar adór xwaylar'ine tira haraahariyé', nee adór maray'ine i dirii'iya', nee adór gur'ér maray'ín i diria, nee adór umer'ín i diria, adoodá' kira wakeetín faarooro, umuúqo hhawaatuuwo oo kureeriiwós mibeeri tsár gaa aye' nee ngaa ba/iye', múk slaqwara eemuuwo ido,

YOSHUA 13:25

Digmuuín a yaamaá Yaseri, yaamaá Gileadi sleémeero nee tlaqtá yaamaá Amoni ay Aroeridár bihhaá da/aáw awa Raba,

YOSHUA 13:31

Yaamuuín ayeemaá naa haraoohiyé' a tlaqtá yaamaá Gileadi ay Ashtaroti nee Edrei, gixsadaá aáng awa waawutmo Ogu baraá Bashaniro aa sawaawuti'ín. Yaamuuká' sleémeero kina qasiís dír tlaqtá múk guruú doó Makiri, garmoó Manase ar adoodá' múk dooín i dirii'i.

YOSHUA 15:21

Gixsadaá báskwí diriiá' baraá yaamaá Yudawo amór digmuú Edomu a kuká': Kabse'eli nee Ederi, nee Yaguri,

YOSHUA 15:33

Gixsadaá baraá xátstí diriiá' a Eshtaoli nee Sora, nee Ashna,