OBADIA 1:15 - Biblía Axweesantá Hhohho' ar Mungú 2004

¹⁵ Asma deelór AAKOÓ MUNGÚ xoordu sleémeero ngiwa sakwasleemuuti naa tseewuúr. Adoodá' taa tlehhé' an adór tindi kuungá' i tleehhi. Tundun buu' ar harqoomoó tlehhmi'iihúng.

OBADIA 1:15 Iomraidhean Croise

ESTA 9:25

Ala qoomár Esta iwa amór waawutmoó keér, waawutmo hara'aya gari oó' barwadu kiwa gooin as adoodá' tlaakw Hamani aa qoomeés daanduú múk Yahudiro kawa gawaawós i tleehhi nee daaqaywós kuwa tarereín gawaá xa'ano.

YOBU 24:1

«Ahaá, gár Munguú Aleesleemusmo qooma ngisa qaasiiká ar sakwasleema ngiwa tleehhi? Nee mukdá' inós gu xuú' baalarós ti misingi xuiiaaká?

WARA'AMI 137:8

Kiíng Babuloni, aga naká/ huuamaawo, heé amohhoó' a kudá' i li/áy buú', as adoodá' atén tira slahh'eemís.

AXWEESANOÓ SAGALOOA 5:22

Heé tlaákw kun oh nee tlakweemaawós awa kilá', kun oh nee him'ér dakuúsarós tidár kilá' i tlehhaahhiti.

YEREMIA 12:14

AAKOÓ MUNGÚ i kaahi, «Aníng gár ni oo' i deer dír inslaawoó múk Israeli, kudá' yaamaá naa muk'eé' haniís nga hhitine'. Ga/aaweek, Mukwí tlákw aníng un hingeés baraá yaamuuine. Tam múk Yuda un hingeés baraá yaamuuine.

YEREMIA 49:12

Asma AAKOÓ MUNGÚ i kaahi, «Barnaxes mukdá' muxtaaro harimaaká kuna muúx, xáy, adór kuungá' muxtaaro tundur may? Aasla'áy, kuungá' muxtaaro tundu baloó mayká.

YEREMIA 50:29

«Múk ga/ale tlaqutuwo ga xuú' ateetaak as Babuloni kawa i haratlay, umuú heé mahaangw tsaxaararo gu xuú' huwaak. Gixsa harweeraak asma hee miwa /akuút. Li/aay buaak ar qoomoó tlehhmi'iiwós adoodá' múk hatlá' ngway tlehhít ti tlehhe', asma inós ina daara/aán, AAKOÓ MUNGÚ, kudá' hhoohhoó' oo Israeli guri waaqá'.

YEREMIA 51:56

Kudá' ga hhaaiís aa Babulonírí hardát, miguuseerós kara tláy, ga/alduuín kaa giqaagáy. Asma Anuú AAKOÓ MUNGÚ a Munguú li/oó bu'uúm, tí ar ló', aníng li/aay u buú'.

ESEKIELI 30:3

Asma deeloodá' ka tseew, deeloodár AAKOÓ MUNGÚ ka ló'wa tseew. Deeloorí a adór giwtír ma/ami, baalár xoordu kiwa hhaamisi.

ESEKIELI 35:11

Gawaá adoorihe, adoodá' anuú Aakoó MUNGÚ nir hotaatima, aníng kiíng in harasihhiít ar adoodá' buhhtaawók i dirii'iya' nee da/ito as inooín kiwa áhh. Qoomár bira sakwasleemuút daqaní kiíng a tsáhh adór aníng tar heemá.

ESEKIELI 35:15

adoodá' kiíng tara qwalá/ as yaamaá Israeli kiwa xaanxay tleéhh. Gawaá adoorihe aníng kiíng i harasihhiít. Kiíng tloomár Seiri a xaanxay tleehhít, dinkwa nee yaamu sleémeero awa Edomu. Qoomaarihe daqaní kuungá' a tsahhá' adór aníng tar AAKOÓ MUNGÚ.› »

Yoeli 1:15

Tsaxwaarén! Asma deelór AAKOÓ MUNGÚ naa naká/, ala ni hardát ar hhitár amór kuduú Aleesleemusmoó daahh.

Yoeli 2:1

Tarumbeéta ufaahhaak, gawaá tloomár Siyoniro, uui ilahariisaak, gawaá tlomar'eé' tidá' hhoohhoo', as yaamuloouusér Yuda sleémeero iwa daaraxat, asma deelór AAKOÓ MUNGÚ ni hardát, slám naa naká/.

Yoeli 2:11

AAKOÓ MUNGÚ in tsee' ar afór ur dír geeraá slawtá slaqwaruuseerós wa alé. Asma slaqwaruuseerós ka ló'wa yaariir. Heé axweesantós ga boo/eemiís a pihhusmo. Deelór AAKOÓ MUNGÚ ka ur, slám i dae tláq. Heé deeloorí ga qiítl a heemá?

AMOS 5:18

Tsaxwaahúng, kuungaásingá' deelór AAKOÓ MUNGÚ daamaaramá' ar ilatleeri. A milá gár kuungá' deeloorí kas ilatleerusa'? Deelór AAKOÓ MUNGÚ dirhunge a giwti ala a gwa/aateemaawooká.

AMOS 5:20

Xáy, deelór AAKOÓ MUNGÚ a giwtirookáhe dirhunge, ala aqo gwa/aateemaáwo? Eeít, i ló'wa gíp.

MIKA 5:15

Slám ar buhhtaá ure aníng li/aay u buú' gawaá daanduú xoordaá hatlá' kudá' aníng i iialooeemisa'aaká.»

HABAKUKI 2:8

Asma kuúng xoordaá yaariir ina hayoohahiín, panaydá' aa meet kuúng tun hayoh, asma tseerdaá mukdá' kuúng taa ku'umaamís nee tlakweemaadá' taa tlehhahhít dír múk baraá yaamu nee gixsaduuine.»

Matayo 7:2

Asma sakwasleemadá' kuungá' muu kur sakwasleemuta', kingi kuungár sakwasleemuut. Harqoomaydá' tar qoomeemesa', kungu dirhúng i qoomeemees sleeme.

Yakobo 2:13

Asma sakwasleema i gurtleemuú koondaaká dír heedaádá' gurtleemu gwa tleehhiikahe. Ala heedaádá' gurtleemu gwa tleehh, gár i da'ayumiiti i káhh dír geeraá kwasleemaro.

HAR'OHUUSE 1:7

Adoni-beseki iri oó', «Waawitaádá' mibeeri faanqw, kudá' aníng naa dugeenaá ya'a' tlaáq nee awa dabaawo, kudá' muruú /aymár aa paahh gawaá meésar'eé' wa ale ngu nuqmamisá', adoodá' aníng naa /imiís, Mungú li/aydá' ngwaa dir'eéní buú'.» Kuri huúw ay Yerusalemu, inós iri amoodií gwaá'.