OBADIA 1:11 - Biblía Axweesantá Hhohho' ar Mungú 2004

¹¹ Bál gixsár Yerusalemu kawa haraadarahi, kuungá' ana bihhií sihhité', dahaaye daqaari'iimarós gari ar tleér, nee mukdaáduú tsifir hatlo kaangardaá gixsa kiwa waaraáhh, tsawdo kari tleéhh as Yerusalemu, qoomaadae kiíng an adór heé wák baraá tla/ángw mukdae.

OBADIA 1:11 Iomraidhean Croise

2 WAAWITÁ 25:11

Nebusaradani, geeraharusmoó xuumuusér waawutmo, muu sleémeero kudá meet baraá gixsa, nee kudá' sleémeero daber'ín ngaa haniisiye' dír waawutmoó Babuloni, guna loohatís.

WARA'AMI 137:7

AAKOÓ MUNGÚ, múk Edomu iinslaweek, adoodá' bál gixsár Yerusalemu kara hayóh, kudá' naa kaahiye', «Fee/aak, fee/aak, iihhafiirirós.»

WARA'AMI 50:18

Barnaxes fisusmo ugwa aán, an mulqumoowók, slám nee fuquuse an aldinku'uumisá'.»

WARA'AMI 83:5

Taa kaahi slayé' ar muunuú wák, nee tiri dabe oohiyé' as tiwa tlaampa'aasiya' nee kuúng.

WARA'AMI 83:6

Inooín a múk Edomu nee oo Ismaeli, múk Moabu nee múk Hagari,

ESEKIELI 35:10

«Kiíng ana ó', ‹Xoorduuká' tsár awa múk Yuda nee Israeliwo a daqaari'iimar'eé' nee in aál!› Adoorí ana ó' tam handá' AAKOÓ MUNGÚ i baraadae.

Yoeli 3:3

Inooín muk'eé' nguna tsawdoórí tleehhiyé'. Maamár garma kana haniís tawa bu'utuú tsaatuso'o. Maamár dasi ngina haniisiyé' as difaái ngiwa slaya'.»

AMOS 1:6

AAKOÓ MUNGÚ i kaahi, «Aníng múk Gasa u mawaaká muxtaaro asma tlakweema ngiwa tlehhahhitiyé'. Asma inooín xooro ngina sleémeeró wa ar tlayé', nee ngiri weerisiyé' as tawa lawaalér múk Edomu.

AMOS 1:9

AAKOÓ MUNGÚ i kaahi, «Aníng múk Tiro u mawaaka muxtaaro asma tlakweema ngiwa tlehhaahhitiyé'. Asma inooín xooro sleémeero ngina ar tlayé' ngiri haniisiyé' dír xoorór Edomu. Inooín alqadoodár hhae ngaa inslay'iiká.

NAHUMU 3:10

Tam adoorihe kana ar tláy amór saáwí ale, mukós kuri ar tláy baraá lawaali'iima, na/iiwós kudaá qaweero kina tlumhhumamiís baraá lohdaá uren, mukós kudá' ta ilaiwawa/i kuna tlaxún, nee mukós kudá' urén sleémeero kuna tsegiít ar qutúr.

SEFANIA 2:10

Gaarí an bu'utuú daara/angw'ín Asma múk AAKOÓ MUNGÚ Aleesleemusmo nguna niqiné', tiri kilooín xirfayemisiyé'.