OBADIA 1:10 - Biblía Axweesantá Hhohho' ar Mungú 2004

¹⁰ Asma tlakweemaadá' taa tléhh dír hhiyaawók Yakobo, alsi'imu in oh, kiíng tari suqút ay alhhe'eesay wasle.

OBADIA 1:10 Iomraidhean Croise

IIMU/UUNGW 27:11

Ala Yakobo aayírós Rebeka gari báy, «Inslaweek, hhiyaaeé' Esau, slaqwtós i háts se'eengo, aníng u koomaaká.

IIMU/UUNGW 27:41

Esau Yakobo guri aáhh as tsuuqaá taa haniís nee baabuúwós. Esau iri baraá muunaáwós i oó', «Deelór baabá kuwa sa tsuunqumiisi naa naká/. Daqaní hhiyaaeé' Yakobo un gaás.»

2 QOM'I 28:17

Asma inós i slaaqw nee múk Edomu, kudá' aa haratlay baraá yaamaá Yuda, múk Yuda kway baál, múk yaariír kuri haasaáng wa ar tláy.

WARA'AMI 109:29

Wakuuser'eé' ka tsi'isi, mure ngi tsiitiye' adór tlawú wa ale.

WARA'AMI 132:18

Wakuuseerós an tuuntuúk ar mureekesaay, ala Daudi un slamángw waawuti'iimárií dahaás.»

WARA'AMI 137:7

AAKOÓ MUNGÚ, múk Edomu iinslaweek, adoodá' bál gixsár Yerusalemu kara hayóh, kudá' naa kaahiye', «Fee/aak, fee/aak, iihhafiirirós.»

WARA'AMI 69:7

Tina niqimís as kuúng, alsi'imuwo qayta ngari naá/.

WARA'AMI 89:45

Deelór masoombi'iimarós aga quqmaarés, ugwa mureekés.

AXWEESANOÓ SAGALOOA 10:6

Heé ganaá' tsuuqa gi sláy, ala afkú heé tlaákw gár gwaa hatsis a afaatli/a.

AXWEESANOÓ SAGALOOA 17:5

Heé narkutmoó niqiím a Tleehharusmoowós gun /oosliislín. Tam heé slahh'amuú múk wa qaseseém, inós ku mayká muxtaaro.

YEREMIA 12:14

AAKOÓ MUNGÚ i kaahi, «Aníng gár ni oo' i deer dír inslaawoó múk Israeli, kudá' yaamaá naa muk'eé' haniís nga hhitine'. Ga/aaweek, Mukwí tlákw aníng un hingeés baraá yaamuuine. Tam múk Yuda un hingeés baraá yaamuuine.

YEREMIA 3:25

Gimsé' atén gár tiwa hariím an yaamií qaataán as mureerén, nee masók mureekesayrén ti tuuntuuk, asma tlakweema iga tleehhaán dír AAKOÓ MUNGÚ, Munguúrene, atén nee xwayliteérene. Iimír masoombi'iimarén wa tleemu ay laarí atén afór AAKOÓ MUNGÚ, Munguúrén, aga iialooeesaniiká.»

YEREMIA 49:13

Asma aníng lo'o aga /aáy adór gixsár Bosra kar dír dae tlaaq tleehhi, nee a dír waaqaseengw, nee dír taa hhitín nee ar taa lu'ús. Gixsaduuwós awa hatlá' sleémeero ki hhitín.

YEREMIA 51:51

Kuungá' a kata', ‹Atén taa mureekeés, taa iigahhamiít, atén alsi'imu taa óh, asma dahaaye a dát didaádá' hhoohhoo' ar Doó AAKOÓ MUNGÚ.›

WA/AA/I 4:21

Qwalaala/é' nee qaseesemé' daxta, kuungaá Edómu, kuungaásingá' yaamaá Usír hootá', ala xooslmoowuú sakwasleema kungu dirhúng i haniis sleeme as kuwa wata', tay oonimitá' tlabaahúng kay kwakwahhá'.

WA/AA/I 4:22

Kuungaá múk Siyoni, muxtár tlakweemaahúng aa fák, kuungá' daxta tundu baraá looháy mayká. Ala kuungaá Edómu, tundun muux as tlakweemaahúng, tlakweemaahúng gin geehhooees.

ESEKIELI 35:9

Aníng kiíng in xaanxay tleéhh ay alhhe'eesay wasle, gixsaduuwók ki malé wa hootiiká. Daqaní aníng i tsahhá' adór tar AAKOÓ MUNGÚ.›

ESEKIELI 7:18

Inooín tlabaá guniyadu ngiri tsiitiyá', dae giri eér. Inooín niri muruutiyá' nee sager'ín sleémeero kari deeqw.

Yoeli 3:19

«Misri iri taangu tleehhít, nee Edomu tari xaanxaay, asma /aytadá' taa múk Yuda i tleéhh, asma tseerdaá múk dakuús wásl ngina baraá yaamuuíní ku'uusiyé'.

AMOS 1:11

AAKOÓ MUNGÚ i kaahi, «Aníng múk Edomu u mawaaká muxtaaro asma tlakweema tlakweema ngiwa tlehhaahhitiyé'. Asma inooín hhaeeín awa Israeli ngina slakaatiyé' ar paangadu, inooín tam gurtleemú niiná daanduú hhaeeine ngu kona'aaká. Buhhtaaín nina kumaamitiyé' umuú daqto.

MIKA 7:10

Wakusmooeé' iri muruut adoorí birnga ár, tam kudá' káh, «AAKOÓ MUNGÚ, Munguúwók i amá?» Aníng a qwalalaá/ daxta, asma wakusmooeé' u ár kuwa kal/an adór baa/ír baraá loohi.

DABE 23:7

«Múk Edomu mu ahhitara', asma mukwí a hhaeehúng. Sleeme múk Misri mu ahhiitara', asma kuungá' ana baraá yaamuuín wa hoté' adór dahaaye.

DABE 23:8

Xwaylar'ín ar sagaáwa tám tam i ya/aán kawa dahaasi baraá dinku'uumár múk AAKOÓ MUNGÚ.