OBADIA 1:1 - Biblía Axweesantá Hhohho' ar Mungú 2004

¹ Kaangwí an iigu'utuú Obadia, adoodá' Mungú ngira oó' daanduú Edomuwo. Kángw amór AAKOÓ MUNGÚ daáhh ugwa axaasaán. Ya/abusmo kwaa ya/aáw amór xoordu, iwa kaahi, «Gimsé', tlawaaré', qwalaas, sihhiitaré', ti muxaán nee Edomu.»

OBADIA 1:1 Iomraidhean Croise

IIMU/UUNGW 25:30

Yakobo guri báy, «Qwari iga gaás, na'ás, muruú /aymaasíng da/tén qasiisang.» (Gaarí an gár kusa báy Edomu).

IIMU/UUNGW 36:8

Esau iri hotaá áy baraá yaamaá tlom'aá Seiri. Esau umuuwós oo hatlá' an Edomu.

IIMU/UUNGW 36:9

Kuká' an xwaylár Esau, baabuú múk Edomu baraá yaamaá Seiri.

WARA'AMI 137:7

AAKOÓ MUNGÚ, múk Edomu iinslaweek, adoodá' bál gixsár Yerusalemu kara hayóh, kudá' naa kaahiye', «Fee/aak, fee/aak, iihhafiirirós.»

ISAYA 21:11

Kaangwí a geehhooeemaá Mungú aa laqán daanduú Edomu Heeko aníng ina amór Seírír wa ateét, i kaahi, «Xuumusámo, gár naa aán xweeraawo? Xuumusámo, gár naa aán xweeraawo?»

ISAYA 21:12

Xuumusmo iri oó', «Looa niqo tlatleér, nee xweera ni hardihiyá' sleeme. Kuúng bar yaahamisuú slá', yaahamiís, ta tleér, ni malé kí/.»

ISAYA 30:4

Asma tam geeraharuuser'ín naa hardati Soani, nee tam ya/abuuseerós aa hardati ay Hanesi,

YEREMIA 25:17

Naagáy xooslmoodá' nguri gawaá dabaá AAKOÓ MUNGÚ wa taataáhh, xoorduudá' AAKOÓ MUNGÚ aníng i ya/aáw sleémeero ngiri wahaás.

YEREMIA 25:21

Aluuwo muu sleémeero oo Edomu, nee Moabu, nee oo Amoni.

YEREMIA 51:46

Ma diqiya' tsatmiitara' nee ma da'ayumitaara', asma lamtá ta axamisa' baraá yaamuukae, kurkwí gár ta kaahi a tí, kurkuqae gár ta kaahi a tí. Nee hhita i baraá yaamu, waawutmo i amór kuqá' i haratláy.

ESEKIELI 35:1

Axweesantá AAKOÓ MUNGÚ ana axaás, i kat,

Yoeli 3:19

«Misri iri taangu tleehhít, nee Edomu tari xaanxaay, asma /aytadá' taa múk Yuda i tleéhh, asma tseerdaá múk dakuús wásl ngina baraá yaamuuíní ku'uusiyé'.

MIKA 2:13

AAKOÓ MUNGÚ inooín gi geerahaar, afkú slumtá gixsa gu fee/, inooín niri waarahhiyá' ar afkudá', niwa tsee/ií ti'iitiya'. AAKOÓ MUNGÚ an waawutmooín, kudá' waaraáhh ar afkudá', inósú kilá' i geeraaín wa hi'iimiit ngiwa geeraharahari.

Matayo 24:6

Kuungá' kángw slaqwara' uqo axasá', nee tsimaahhír slaqwaraaro. Ala ma da'ayuutara', asma muruuwí gár kuwa hariím aqo in geerií hardah, ala alhhe'eesaydá' aa xayká.

Marko 13:7

Kuungá' kángw slaqwara bura axasé', nee tsimaahhír slaqwara, ma da'ayuutara', asma muruuwí niqo geerií hardah, ala alhhe'eesáydá' aa xayká.