NEHEMIA 9:6 - Biblía Axweesantá Hhohho' ar Mungú 2004

⁶ Esra iri adoorír firín, «Kuúng kilók an AAKOÓ MUNGÚ an kudá' doori iga tlehh nee muruudá' sleémeero baraadá' hoota, yaamu nee umuúqo gár baraaká' hoota, tlawi nee muruú baraadae, kuúng an kudá' gi amohhe'eemiís as iwa kumiitiya' hotaango, nee daqtá gawaá doori sleémeero kuúng un sluufmís.

NEHEMIA 9:6 Iomraidhean Croise

IIMU/UUNGW 1:1

Iimu/uungo Mungú doori nee yaamu ngiwa tleéhh,

IIMU/UUNGW 1:9

Mungú iri oó', «Ma'aá dooriwo baraay i burumburiitiye' dír wák as yaamaá kaahaar iwa geehhouya'.» Adoodá' iri tleehharút.

IIMU/UUNGW 2:1

Ala Mungú doori nee yaamu nee muruuwós sleémeero gay adoorír hhe'eés tleehhamooro.

IIMU/UUNGW 32:2

Yakobo ngiwa ár, iri oó', «Gaarí a slawtá múk Mungú.» Didá' gari báy Mahanaimu.

1 WAAWITÁ 22:19

Mikaya iri oó', «Gimáy axweesantá AAKOÓ MUNGÚ iiárií qaaseek: AAKOÓ MUNGÚ ugwa ár aa iwiít gawaá kitaangós kuduú waawuti'iima, nee slaqwaruuse sleémeero ar gawaá doori aa sihhít bihhaawós, tooka bihhaá doó /iyáy tiqá' awa doó basáy.

1 WAAWITÁ 8:27

«Ala looeemaawo, Mungú, kuúng aqo hóta baraakaá yaamuú wa ale? Bar doori, laqaá tam dooraá gáwtí saaw, sleeme u buiaaká, do'owí aníng naa tleéhh adór ir bu'uuti a adoomá!

2 WAAWITÁ 19:15

Inós AAKOÓ MUNGÚ guri firín iwa kaahi, «Aá AAKOÓ MUNGÚ, Munguú múk Israeli, kuúnguudá' kitaangók gáwtí dirií' dír keruúbiro, a har kuúng kilók Munguú ló', kudá' waawituú baraá daanduú yaamu sleémeero gu sawaawuti'i'iím. Kuúng yaamu nee dooriwo ina tléhh.

2 WAAWITÁ 19:19

Hám daxta AAKOÓ MUNGÚ, Munguúrén, aníng kuúng un fiririím, ti ba/amis gawaá dakose, as daqaní waawituú baraakaá yaamu ngiwa tsaahhi adór kuúng tar AAKOÓ MUNGÚ, kuúng kilók.»

NEHEMIA 9:5

Aluuwo múk tlahhoó Laáwi ín Yeshua, nee Kadmieli, nee Bani, nee Hashabuea, nee Sherebia, nee Hodia, nee Shebania nee Petahia, muu nguri bayé', «Sihhiité', AAKOÓ MUNGÚ, Munguúhúng xirfayeemisaak, iimír iimu/uungw wasle ay alhhe'eesay wasle. Nee umuuwók kudá' xiríf ku diidi'iimisi, kudá' aa iia tleeruy ta tsuuqa nee xirif sleémeero.»

WARA'AMI 102:25

Iihhafiirír yaamu aáng ana tléhh. Doori an gadiyér dabaawók.

WARA'AMI 103:21

Kuungá' sleémeero awa /uuruú koomá' gawaá dooriwo, AAKOÓ MUNGÚ diidi'iimisaak, kuungaásingaá sagadiyuuseerós awa sla'aarirós tlehhiitá'.

WARA'AMI 115:15

AAKOÓ MUNGÚ nu tsuuqi, oo doori nee yaamu gaa tleehh.

WARA'AMI 124:8

Alee/isayrén amór i dahhi a amór AAKOÓ MUNGÚ, kudá' doori nee yaamu gaa tleehh.

WARA'AMI 146:6

Kuduú tleehharusmoó doori nee yaamu, tlawi nee mura' sleémeero kudá' baraaíní diriia, tidá' sleémeero aa oó' gan boo/ees ay alhhe'eesay wasle.

WARA'AMI 24:10

«A heemá waawutmoó xiríf? A AAKOÓ MUNGÚ Aleesleemusmo. Inós an waawutmoó xiríf.»

WARA'AMI 33:6

Ar axweesantá AAKOOWO doori nina tleehharuutiyé', muruú gawaá doori sleémeero ina tleehharuút ar afkós.

WARA'AMI 36:6

Gan'amuuwók a adór tlom'aá uren, sakwasleemarók a adór iltá tlawi, AAKOÓ MUNGÚ, kuúng muu nee makaywo in de'eén.

WARA'AMI 86:10

Asma kuúng tu úr, kuúng an kudá' tlehhma'aá waa/oo/amór tlehhiít. Kuúng kilók an Mungú.

ISAYA 37:16

«Aá AAKOÓ MUNGÚ Aleesleemusmo, Munguú Israeli kudá' aleesleemuú koóm daanduú keruúbiro, kuúng kilók an Mungú daanduú waawuti'iima sleémeero ar barakaá yaamu, kuúng an tleehharusmoó doori nee yaamu.

ISAYA 37:20

Gawaá adoorihe hám daxta aá AAKOÓ MUNGÚ Munguúrén, atén ti ba/amis baraá dabaá Senakeribuwo, as kahhó' waawuti'iima sleémeero ar baraá yaamu ngiwa xu' adór kuúng kilók tar AAKOÓ MUNGÚ.»

ISAYA 43:10

AAKOÓ MUNGÚ i kaahi, «Kuungá' a lamabu'uuser'eé', nee sagadiyuuser'eé' ar naa tsawaár, as kahhó' aníng iwa xua' nee iwa haratlintia', nee kawa tsahha' adór aníng tar Mungú. Mungú geeraaeé' gaa haar i kaahh, nee sleeme oo ta aluueé' wa tleehhi i kaahh.

ISAYA 44:6

AAKOÓ MUNGÚ waawutmoó Israeli, nee ba/amusmooín, AAKOÓ MUNGÚ Aleesleemusmo i kaahi, «Aníng an kuduú geera nee kuduú alhhe'eesaay Munguú hatlá' oo adór aníng i kaahh.

ISAYA 44:8

Ma da'ayumitaara' laqaá ma xurumitaara'. Xáy aníng kuungá' iimír geeraawo naa kaangwí bawiikáhe? Kuungá' a lamabu'uuser'eé'. Xáy Munguú adór aníng i deéro? Tlaa/ár hatlá' i káhh, aníng a xuaaká.»

ISAYA 45:12

Aníng yaamu ina tleéhh, hee nguri tleéhh oo gawaadá' gi hoót. Doori aníng ina hhaáf ar dabaaeé', nee muruudá' gawaadií dirií' sleémeero un baliít.»

YEREMIA 32:17

«Aá Aakoó MUNGÚ, kuúng doori nee yaamu ina tléhh ar aleesleemuú úr, nee ar /uuruuwók.

ESEKIELI 20:11

Ina kaahir'eéní i haniís ngiri intsaahhatís daber'eene, tidá' handá' hee birnga eehár in hoot.

YONA 1:9

Yona giri báy, «Aníng a heé xoorór Ebrania. Aníng AAKOÓ MUNGÚ ugwa haratlintií'. Munguúduú gawaá doori, kudá' tlawi nee yaamaá kaahaar gaa tleehh.»

Yohana 10:30

Aníng nee Baabá a wak.»

Tlehhema'aá ya/Abuuse 4:24

Adoorí kawa axaás, Mungú kuri firín ar muunuú wák, tari oó', «Aáko, kuúng a Mungú, kuúng an kudá' doori nee yaamu nee tlawto iga tlehh, nee umuúqo gár dawa.

DABE 10:14

Ga/aawaak, doori tam dooraá doori a daqaari'iimár AAKOÓ MUNGÚ, Munguúhúng, yaamu nee muruudá' sleémeero baraadá' i diriia a kós.

DABE 32:39

«Gimsé' daxta tsaahhaak adór aníng kilooé' tar Mungú, Munguú hatlá' i kaahh, aqo har aníng kilooeé'. Aníng an kudá' tsu/uút nee kudá' slafmís, kudá' nor'omiís nee kudá' hungu/umiís. Nee baraá dabaaeene heé hee gu tuú/ i kaahh.

DABE 6:4

«Gimsé' iia qaasaak, kuungaá múk Israeli! AAKOÓ MUNGÚ an Munguúrén, AAKOÓ MUNGÚ inós kilós an Mungú.

Ebrania 1:3

Inós an miiraa/ór xirfuú Mungú, nee an slaqsoó Munguú kilá'. Inós mura' sleémeero gun amohhe'eemaamiis ar axweesantós tidá' aleesleemuú koom. Tlakweema hamaatlaro ngiwa hhe'eés, iri iwiít dákw doó /iyáy oo Munguú Aleesleemusmo gawaá dooriiwo.

Ebrania 1:6

Nee malé alé qoomár Garmaawós oo baris nguwa huwtá wa slai baraá yaamií alé, ina oó', «Malaykér Mungú sleémeero ngu i tumbarara'at.»

Geehhoeemaá 14:7

Iri tseé' ar afór ur iri oó', «Mungú ilaiwawa/aak, nee xirfayeemisaak. Asma siiwa naa hardát ar inós sakwasleema ngiwa tleehhi. Gawaá adoorihe, inós i tumbarara'amiitaak, asma inós an tleehharusmoó doori nee yaamu nee tlawi nee kutloó ma'aay.»

Geehhoeemaá 4:11

«Kuúng Aakoorén nee Munguúrén, kuúng a hariín xirif kuwa ilaot, nee ilaiwa/ame nee aleesleemu. Asma kuúng mura' sleémeero una tléhh. Nee mura' sleémeero ina deeruút nee kuna tleéhh as sla'aarirók.»