NEHEMIA 9:5 - Biblía Axweesantá Hhohho' ar Mungú 2004

⁵ Aluuwo múk tlahhoó Laáwi ín Yeshua, nee Kadmieli, nee Bani, nee Hashabuea, nee Sherebia, nee Hodia, nee Shebania nee Petahia, muu nguri bayé', «Sihhiité', AAKOÓ MUNGÚ, Munguúhúng xirfayeemisaak, iimír iimu/uungw wasle ay alhhe'eesay wasle. Nee umuuwók kudá' xiríf ku diidi'iimisi, kudá' aa iia tleeruy ta tsuuqa nee xirif sleémeero.»

NEHEMIA 9:5 Iomraidhean Croise

1 WAAWITÁ 8:14

Kár Solomon iri warqáy amór mukduú Israeli sleémeero aa burumbuuriit, giri tsuúq, inooínaadá' sleémeero taa sihhiít.

1 WAAWITÁ 8:15

Iri oó', «AAKOÓ MUNGÚ, Munguú Israeli i xirfuuti, asma ar dakose al'axweesantadá' afkósuú kilae aa oó' dír baabuúeé' Daudi gaa boo/eés, iwa oó',

1 WAAWITÁ 8:22

Aluuwo Solomon iri sihhiít geeraá kitangwdá' AAKOÓ MUNGÚ kuwa ilahhooárí hanmamisi, dabaawós giri gáwtí tleés geeraá boo/oó múk Israelír wa ale.

1 WAAWITÁ 8:27

«Ala looeemaawo, Mungú, kuúng aqo hóta baraakaá yaamuú wa ale? Bar doori, laqaá tam dooraá gáwtí saaw, sleeme u buiaaká, do'owí aníng naa tleéhh adór ir bu'uuti a adoomá!

1 QOM'I 16:36

AAKOÓ MUNGÚ, Munguú Israeli, didi'iimisaak, iimír iimu/uungw wasle ay alhhe'eesay wasle. Aluuwo muu sleémeero iri oó', «Amin», Aakoó Mungú kuri xirfayeemiís.

1 QOM'I 29:11

Aá AAKOÓ MUNGÚ, uraay a kók nee /uuru nee xirif nee baaliro nee aleesleemuuwo. Asma umuú gaaro ar gawaá dooriwo, laqaá ar baraá yaamu a tók. Waawuti'iima a tók, kuúng taa xirfayeés nee tu úr dír umuú gaaro.

1 QOM'I 29:13

Daxta Munguúrén, atén kuúng u sluufisaán nee umuuwók u xirfayeemisaán.

1 QOM'I 29:20

Daudi muu sleémeero gway báy, «Gimsé', AAKOÓ MUNGÚ, Munguúhúng diidi'iisaak.» Mukdaádá' AAKOÓ MUNGÚ Munguú baabi'ii'ín ngway diidi'iisiyé', sager'ín ngiri xupu'usiyé', Mungú nguri sluufisiyé', AAKOÓ MUNGÚ nguri ilaiwawa/iyé' nee waawutmoowo.

2 QOM'I 20:13

Qoomaadae hhawaate sleémeero awa Yuda dinkwa nee tlaaway'ine nee na/ii'ine tana sihhiít dír geeraá AAKOÓ MUNGÚ.

2 QOM'I 20:19

Múk tlahhoó Laáwi nee oo guruú doó Kohati nee oo Kora tari sihhiít AAKOÓ MUNGÚ, Munguú múk Israeli, nguri xirfayemisiyé' ar afór ló'wa ur.

ESRA 3:11

Tari daá' daa'ángw ilaohiingw, ta AAKOÓ MUNGÚ xirfayeemiis, nee kuwa sluufmiisi, ta kaahi, «Asma inós ku hhoó', nee sla'aarirós ar warqawaaká in kumaamít ay alhhe'eesay wasle dír Israeliwo.» Naagáy muu sleémeero tsimaahhiro yaamu giri gaamiís qoomár inooín kuwa xirfayeés asma iihhafiirír Doó AAKOÓ MUNGÚ kawa hhe'eés qaasaro.

NEHEMIA 9:4

Dirka gáwtí dirii' taa tleéhh as múk tlahhoó Laáwi, diirihe múk aa sihhiit a Yeshua, nee Bani, nee Kadmieli, nee Shebania, nee Buni, nee Sherebia, nee Bani nee Kenani. Inooín AAKOÓ MUNGÚ, Munguúín nguri i /aa/iyé' ar afór ur.

NEHEMIA 9:6

Esra iri adoorír firín, «Kuúng kilók an AAKOÓ MUNGÚ an kudá' doori iga tlehh nee muruudá' sleémeero baraadá' hoota, yaamu nee umuúqo gár baraaká' hoota, tlawi nee muruú baraadae, kuúng an kudá' gi amohhe'eemiís as iwa kumiitiya' hotaango, nee daqtá gawaá doori sleémeero kuúng un sluufmís.

YOBU 1:21

Iri oó', «Nina daanduú yaamií hardáh ar /aankwets, an tláw daanduú yaamuwo ar /aankwets. AAKOÓ MUNGÚ, ngina haniís, nee hamí AAKOÓ MUNGÚ gara tláy, umuú AAKOÓ MUNGÚ i xirfuuti.»

WARA'AMI 106:2

Muruudá' urén sleémeero oo AAKOÓ MUNGÚ aa tleéhh heé uingo gu aleesláw a heemá? Heé xirfuuwós alki/ituuwo gu aleesláw a heemá.

WARA'AMI 134:1

Qwalaasé', kuungásingá' sagadiyuusér AAKOÓ MUNGÚ, AAKOÓ MUNGÚ xirfayeemisaak kuungá' sleémeero awa gadiyuusá' xweeraawo baraá Doó AAKOÓ MUNGÚ wa ale.

WARA'AMI 145:2

Umuú deelooro un diidi'iimiís. Umuuwók un xirfayeemiís ay alhhe'eesay wasle.

WARA'AMI 145:5

Nguri axweesiyá' xirfuuwók nee uroó waawuti'iimaroge, nee aníng tlehhmi'iiwók kudaádá' waa/oo/amór koomá' i aldakuút.

WARA'AMI 146:2

AAKOÓ MUNGÚ u xirfayeemiís qoomár niwa hoot, Munguúeé' un i daá' qoomár niwa slaaf.

WARA'AMI 16:2

AAKOÓ MUNGÚ una báw, «Kuúng an AAKOOEÉ', aníng gár hhoo' ni koom i káhh, aqo har kuúng.»

WARA'AMI 66:2

Xirfuuwós daa'aak, inós xirfayeemisaak!

WARA'AMI 99:3

Inooín umuuwós kudá' úr oo dae tlaáq, nee kudá' hhoohhoó' ku sluufmiisi.

TI'INAANGW 15:11

Aá AAKOÓ MUNGÚ, Mungú adór kuúng baraá munguiiwo a gaalá? Baraá hhohhoarto oo xirfuú koóm adór kuúng a gaalá? Kudá' xirfuuwós ta ilaiwawa/i tlehhma'aá waa/oo/amo gi tlehhiít.

TI'INAANGW 15:6

Aá AAKOÓ MUNGÚ, dakók oo doó /iyáy xirif gwaa sláy ar /uuru. Aá AAKOÓ MUNGÚ, dakók oo doó /iyayhe wakuuseerén aga naasuúr.

DANIELI 2:20

Danieli iri oó', «Umuú Mungú ku xirfeemamisi ay alhhe'eesay wasle, asma sagalooa nee aleesleemu a kós.

Matayo 11:25

Qoomaadae Yesu iri axweés iri oó', «Aníng kuúng u sluufiís, Baabá, Aakoó doori nee yaamu, asma muruuwí ugwa lú/ dír múk sagalooár kooma nee fuquraangw, kuri laqaán dír na/aá ninakw.

2 korinto 4:6

Asma Munguúdá' aa oo', «gwa/aateema i gwa/aatiye' baraá giwtír wa ale,» inós gwa/aateemaawós gina gwa/atís baraá muneerén wa ale. Inós adoorí gana tleéhh, as atén xu'uti kawa slawaan, nee xirfuú Mungú kuwa tsaahhaan, kudá' gawaá gitsee/aá Kristó i dirií'.

DABE 28:58

«Barnaxes kuúng aga magahhká dabeerí taa baraá kitaábuuwí gooín kawa boo/es, nee barnaxes aga iialooeská, nee umuudá' ló'wa dae tlaáq, xiríf oo AAKOÓ MUNGÚ, Munguúwók bur da'ayumitká,

1 Petro 1:3

Mungú Baabuú Aakoorén Yesu Kristo i xirfuuti. Inós atén tina sagaáwa tsár wa laqwaál ar gurtleemuuwós oo yaariír, qoomár Yesu Kristo nguwa waaslee/atís baraá múk aa qaátl wa ale, as atén harahhifór slafiingw kawa slawaan,

HAR'OHUUSE 13:18

Malaykamo iri oó', «Ahaá waáy, gár umuueé' kuwa yaahamis? Asma a umuú waa/oo/amór koóm.»