NEHEMIA 9:37 - Biblía Axweesantá Hhohho' ar Mungú 2004

³⁷ Daqaari'iimár yaamuuká' kaa ar tláy nee waawitaádá' kuúng naa qás atén tiwa sawaawuti'ii'ina'. Inooín slaqoorén ngin baliitiyá' nee hikwaarene, atén a baraá slahh'amaayér ur.»

NEHEMIA 9:37 Iomraidhean Croise

ESRA 4:13

Hám daxta i xu'utit dír waawutmoowo adór gixsarí barka tleéhh nee koo/irós bira hhooeér, mukwí ohme sleémeero gari sii' bu'utuuwo, nee aleema niri dahiyá' baraá tlakoó doó waawutmoowo.

ESRA 6:8

Slám an malé kah, kuungá' muksíng ale/iisaak baraá gadiyeérihe. Bu'utuuín sleémeero hanisaak, mu tligisara' baraá daqaari'iimár waawutmo tiwa duxe' nee baraá ohmeedá' tinda burumburín dír ayeemoosá gayuú /uwa yaaér Eufratero.

ESRA 7:24

Slám nun male babawaan, kaahamuuse nee múk tlahhoó Laáwi nee daauuse, nee xuumuusér afér doó Mungú nee sagadiyuusér doó Mungú a harimaarooká inooín ohme ngiwa hanmiisiya'.

NEHEMIA 5:8

Ngiri báw, «Ar aleesleemuú ta koomana hhaeerén awa Yahudi in tlaxumaán kudá' taa weerimiís dír múk xoordaá hatlá'. Ala mis sla'á' kiwa malé weeramisa', bar atén in tlaxumaán?» Ala inooín tari qartlamiít, tam /aymuú taa oó' i kaahh.

WA/AA/I 5:5

Tina ar gadiyuús adór makaay, taaqwanaay i gawaá isoorén, tam aga slaaqamitaán, hungu/uusa i káhh.

TLAHHOÓ LAÁWI 26:17

Aníng nun harasihhiít, nee wakuuserhúng nuri múx, tunduri sawaawuti'ín nee kudá' naa aahhiye', tundun dae tlaaq, nee tari ti'i'iindá' tam handá' heé naa guus i kahhi.

Yohana 8:33

Tari oó', «Atén a xwaylár Abrahamu, slám aga lawaalér hee tleehhitaaniiká baloó alé. Kuúng mas kat, ‹Tundu gweer.› »

DABE 28:33

Xoorór kuúng ta baloó xu'uká ni hardát, balángw yaamuuwók sleémeero nee oo hameeroge gun /ák, kuúng turi baramaanuus daqisleém.

DABE 28:39

Kuúng sabiíbu un dahasiín nee kuri amohhe'ees, ala kuúng sabiíbuudá' u bu'uundaaká, laqaá difaáirós a wahaandaaká, asma naanaga gun /ák.

DABE 28:48

Gawaá adoorihe, kuúng daxta wakuusmoowók kudá' AAKOÓ MUNGÚ ni amorógi tleesi un sagadiyús, qwari uri didií gaas nee waxeero nee /aankwetsuwo, nee umuúqo gaaro kari dakús, kuúng turi himuú muqslírár tseek ay dír tay hhaan.

DABE 28:51

Inooín hikwaawók ngin /ayiyá' nee balangoge ay dír kuúng uy hhaamisiya'. Inooín kuúng u balángwí geexay'aaká, nee difaáiro, nee di/to. Inooín tse/eetaá hikwaawók, nee deeloó bee/angoge ngun hhaamiisiyá'.