NEHEMIA 9:33 - Biblía Axweesantá Hhohho' ar Mungú 2004

³³ Tam adoorihe kuúng gan'amu u koón baraá muruuwí sleémeero atén taa slayi, asma kuúng tu inkihhím, atén a tlakuuse.

NEHEMIA 9:33 Iomraidhean Croise

IIMU/UUNGW 18:25

Aasla'áy, adoosíng ma tleehhaar, heé hota ganaá' nee tlakusmo kiwa alqwaares. Heé hota ganaá' tawa adór heé tlakusmo, Aasla'áy, sakwasleemusmoó yaamu sleémeero gan'amu gu tleehhikáhe?»

ESRA 9:15

Aá AAKOÓ MUNGÚ, Munguú Israeli, kuúng an gan'amuú koón, atén tina meetís, tari kotsqotaán adoorí tay diriaan. Ga/aaweek, atén a dír geeraawók i diriiaán, atén awa tlakuuse, asma heé hariím sihhtanór dír geeraawoge i kaahh as tlakweemaaká'.»

NEHEMIA 9:34

Waawitaárén nee geeraharuuseerén, nee kaahamuusero, nee baabi'iirene, dabeerók nga ohi'iiká nee hara'ayarók ngaa iiárií qaasi'iiká, nee gurbu'uungók sleeme kudá' taa dir'ín i ó'.

NEHEMIA 9:8

Kuri aán adór ir ganaá' dír geeraawoge, tari dirósí alqadiín xwaylarós kawa yaamaá múk Kana'ani i hanis, nee oo Hiti, nee oo Amori, múk Perisi, nee oo Yebusi, nee múk Girgashi. Al'axweesantók kari boo/és, asma kuúng tu inkihhím.

YOBU 33:27

Heewí iri dír geeraá múk wa daa', iri ooi, ‹Aníng tlakweema ina tleéhh gan'amu nguri sií'. Ala aníng tlehhmuuwihe taa doohhisiiká.

YOBU 34:23

Mungú gár hee ngus baalaárí ooi i káhh ar nguwa sakwasleemuuti.

WARA'AMI 106:6

Atén nee xwayliiteérene tlakweema iga tleehhaán, iringeé aga tleehhaán, atén aga dakuusaán.

WARA'AMI 119:137

AAKOÓ MUNGÚ, kuúng a ganá', sakwasleemarók i ganá' sleeme.

WARA'AMI 145:17

AAKOÓ MUNGÚ i gan'amaayér kón baraá lohuwós sleémeero, nee ku hhoó' baraá umuúqo gár i /imiisi.

TI'INAANGW 32:31

Naagáy Mose iri kií/ amór AAKOÓ MUNGÚ, iri oó', «Aga gurhaamuút! Mukwí tlakweemaá ur gaa tleéhh, taa kilooín munguú sahaábu i tleehhiyé'.

YEREMIA 12:1

Aá AAKOÓ MUNGÚ, kuúng an ganá' aníng tam ui qununu/a. Aníng yaahasarka a koóm diroge. Ahaá múk tlákw baré gadiyeduuín i ya/aa/á'? Ahaá baré múk al/aymuuse aa diihhe'eés?

YEREMIA 44:3

Adoorí ina tleehharút asma tlakweemadá' inooín taa tleéhh, aníng ina buhhtisiyé', asma mooyángw tsuú' nguna da/a/ané' nee munguaá hatlá' ngina sluufmisiyé', kudá' inooín ta xuiiká laqaá tam kuungá', laqaá baabi'iihúng.

WA/AA/I 1:18

«AAKOÓ MUNGÚ i baraá gan'amu, asma aníng axweesantós ana aáhh. Ala kuungaá muu sleémeero iia qaasaak, nee slahh'amuueé' ga/aawaak, dasuueé' nee daaqay'eene kira tláy baraá loohaay.

ESEKIELI 11:12

Daqaní kuungá' a tsahhá' adór aníng tar AAKOÓ MUNGÚ, kudá' kuungá' dabeerós taa eehadi'iiká, nee tidá' naa oó' aga boo/eesi'iiká. Ala kuungá' adoodár xoordaá hatlá', kudá' naa harweeriye' ir hotatina', ana tlehhé'.»