NEHEMIA 9:28 - Biblía Axweesantá Hhohho' ar Mungú 2004

²⁸ Alaá amohhooa ngiwa slayé', tlakweema ngiri male tleehhiyé', kuúng kiri meér gawaá dabaá wakuuser'ín ngiwa sawaawuti'ina'. Tam adoorihe kuúng uwa i /aa/iyé' kiri iiárií qás iimír gawaá doorí wa alé, daqtá yaariire ina ba/miimís ar har qoomoó gurtleemuuwók.

NEHEMIA 9:28 Iomraidhean Croise

1 WAAWITÁ 8:39

Iia qaaseek, gawaá dooriwo didár hotaawók gurtleemu haniseek, adór hariim tleehheek, umuú heewo adór kus hariím ti tlehh, (asma kuúng kilók inslawoó baraá munér muu un xú'.)

WARA'AMI 106:42

kiri baramaanuús nee wakuuser'ín, gadiyér /uuruú koom ngiri tleehhiyé'.

WARA'AMI 136:24

Dír wakuuseerene tina ba/amís, Asma sla'aarirós i warqeeraaká ay alhhe'eesay wasle!

ISAYA 63:15

«Gawaá doorí wa qaytsitáng nee ka aán, iimír dirók tidá' hhoohhoo' nee didár hotaawók ar xirfuú kooma. Ahaá da/itók tidár sla'aari nee aleesleemuwoge i amoomá? Sla'aarirók nee gurtleemuwo kaa ilaá/ dir'eene.

HAR'OHUUSE 2:19

Ala qoomár har'ohusmoodá' bira gwaá', inooín nin alií ki/iyá', tlakweema ngin male tleehhiyá', baabi'ii'ín ba/a, munguaá hatlá' ngin eehariyé' nee ngin sagadiyuusiyá', nee ngin i tumbarara'amiitiyá'. Tlehhmi'ii'ín kudá' tlakw nga mayi'iiká, laqaá tam saga gawdeemaaín nga mayi'iiká sleeme.

HAR'OHUUSE 3:30

Naagáy múk Moabu kuri baál nee xoorór Israeli, har kureeraá mibeeri dakaate, yaamu niri amohhoouyé'.

HAR'OHUUSE 4:1

Alaá Ehudi iwa gwaá' xoorór Israeli tlakweema gina malé tléhh dír ilaá AAKOÓ MUNGUHE.

HAR'OHUUSE 5:31

«Aá AAKOÓ MUNGÚ, wakuuseerók sleémeero i hhaan. Ala mulqeerók masók i gwa/át adór tsee/amá qoomár bindi tsirariihh.» Yaamu wayda nguri slayé' har afiqoomár kureerí mibeeri tsiyahhe.